“សីលធម៌” នៅកន្លែងធ្វើការ

“សីលធម៌” នៅកន្លែងធ្វើការ

រឿងដំបូងគេដែលយើងគួរយល់ដឹងនោះគឺថា គ្មានវិធីសាស្ត្រដ៏អស្ចារ្យណាមួយអាចបង្កើតអោយមនុស្សមាន “សីលធម៌ល្អ” ក្នុងរយៈពេលតែមួយយប់ឡើយ។

ដើម្បីទទួលបានសីលធម៌ដ៏ល្អសម្រាប់ការងារក្នុងការិយាល័យ អ្នកគួរតែធ្វើតាមការណែនាំដូចខាងក្រោមនេះ ៖

ទំនាក់ទំនងដោយបើកចំហ
អ្នកគ្រប់គ្រង និងប្រធានគួរតែមានការបើកចំហទៅលើទំនាក់ទំនងជាមួយបុគ្គលិករបស់ខ្លួន។ តាមរយៈការបើកចំហបែបនេះ យើងមិនមែនមានន័យថា ជាការស្រែកគំហកដាក់គ្នានោះទេ។ វាគួរតែជាទំនាក់ទំនងដែលមនុស្សទាំងសងខាងគួរតែអាចបង្ហាញទស្សនៈរបស់ខ្លួនយ៉ាងស្រួលដោយគ្មានការហាមឃាត់អ្វីទាំងអស់។

ការលើកសរសើរ
ប្រធានគួរតែបង្ហាញអំពីការលើកទឹកចិត្ត និងទទួលស្គាល់ទៅលើការងារដ៏ឆ្លាតវៃទាំងអស់របស់បុគ្គលិកខ្លួន។ ធ្វើការងារបានល្អ និងទទួលបានលទ្ធផលលើសកម្រិតមធ្យមគួរតែទទួលបាននូវការសរសើរ លើកទឹកចិត្ត និងមានការអបអរ។ ការបង្ហាញនូវការលើកសរសើរនេះអាចធ្វើឡើងតាមច្រើនបែប ច្រើនវិធី ហើយវាមិនមែនចេះតែអាចធ្វើបានតាមរយៈការដំឡើងប្រាក់ខែ ឬលុយបន្ថែមនោះទេ។ រឿងធម្មតាៗ ដូចជាការសន្ទនាគ្នាទៅវិញទៅមកដោយស្មោះត្រង់ ឬការទះស្មាអោយគ្នាដោយបង្ហាញប្រាប់គេថា គេធ្វើការបានល្អ ច្រើនតែគ្រប់គ្រាន់ហើយសម្រាប់សីលធម៌នៅក្នុងកន្លែងធ្វើការ។

សកម្មភាពបង្កើតក្រុមការងារ
ការបង្កើតក្រុមការងារ គឺជាវិធីសាស្ត្រដ៏សំខាន់មួយនៃការថែរក្សាអោយបាននូវសីលធម៌ខ្ពស់ចំពោះបុគ្គលិក។ វានឹងជម្រុញអោយមានការងារជាក្រុម ហើយមនុស្សជាច្រើននឹងធ្វើការជាមួយគ្នាដើម្បីសម្រេចនូវគោលដៅរួមមួយ។ ការងារជាក្រុមដ៏ល្អភាគច្រើនតែងតែផ្តល់នូវលទ្ធផលល្អដែរ។ ការប្រើប្រាស់ពេលវេលាខ្លះដើម្បីបង្កើតក្រុមការងារមួយដូចជា ការធ្វើដំណើរ ការច្នៃប្រឌិតការងារនៅខាងក្រៅ សកម្មភាពជាក្រុម សុទ្ធតែនឹងជួយបង្កើនសីលធម៌ដល់បុគ្គលិកបានទាំងអស់។

ការពារបុគ្គលិក
បុគ្គលិកត្រូវការប្រធាន ឬអ្នកធ្វើការចាស់ណែនាំអោយយល់ដឹងអំពីស្ថានភាពដែលពិបាកៗ។ ក្នុងនាមជាប្រធាន វាគឺជាតួនាទីរបស់អ្នកហើយដែលត្រូវពន្យល់ និងបង្ហាញបុគ្គលិករបស់ខ្លួនក្នុងករណីដែលមានជម្លោះជាមួយអតិថិជន ឬបញ្ហាណាផ្សេងដែលស្រដៀងគ្នា។ បុគ្គលិកនឹងអរគុណអ្នកយ៉ាងខ្លាំងចំពោះការគាំទ្រ ជាពិសេសការគ្រប់គ្រងលើស្ថានភាពផ្សេងៗ ព្រមទាំងយល់ដឹងអំពីចំណុចខ្វះខាតរបស់ពួកគេតែម្តង។

តុល្យភាពជីវិតការងារ
អ្នកគ្រប់គ្រងគួរតែមានការយល់ដឹងគ្រប់គ្រាន់ថា បុគ្គលិកនីមួយៗមានជីវិតរស់នៅខាងក្រៅខុសៗគ្នា។ រាល់ជំហានទាំងអស់គួរតែអោយប្រាកដថា បុគ្គលិកអាចមានសមត្ថភាពទទួលបានតុល្យភាពល្អមួយរវាងជំនាញ និងជីវិតផ្ទាល់ខ្លួនរបស់ពួកគេ។ មានបុគ្គលិកស្រីខ្លះដែលមានកូនហើយត្រូវការយកកូនទៅដាក់សាលា និងចេញពីសាលាវិញ។ ការណែនាំនូវម៉ោងធ្វើការដែលអាចបត់បែនបានអាចជារឿងមានប្រយោជន៍ក្នុងស្ថានភាពមួយនេះ ហើយរបៀបដ៏ល្អមួយដើម្បីយកឈ្នះបញ្ហាអវិជ្ជមានបាននោះ គឺការសម្រួលដល់ភាពមិនអាចទទួលយកបាន និងការសាំចិត្តទាំងអស់នៅកន្លែងធ្វើការតែម្តង។

អោយគេរិះគន់
ចូរលើកទឹកចិត្តអោយបុគ្គលិកទាំងអស់ផ្តល់នូវការរិះគន់ និងបង្ហាញនូវគំនិតយោបល់តាមរយៈការស្ទង់មតិរបស់បុគ្គលិកនូវពេលវេលាណាមួយ។ អោយពួកគេនិយាយនូវពាក្យក្នុងចិត្តដោយបើកចំហ និងកុំអោយភ័យខ្លាច ឬទប់ស្កាត់អ្វីទាំងអស់។ កាយវិការបែបនេះនឹងធ្វើអោយពួកគេយល់ថា ខ្លួនឯងជាមនុស្សមានតម្លៃ មនុស្សដែលគេត្រូវការ និងអាចជាវិធីពង្រឹងដល់ការលើកទឹកចិត្ត និងសីលធម៌បុគ្គលិកបាន។ ចំណែកឯប្រធានគ្រប់គ្រងវិញក៏មិនត្រូវមានការភ័យខ្លាចចំពោះការរិះគន់ពីបុគ្គលិករបស់ខ្លួនដែរ៕

ប្រភព៖ health.com.kh

មុន បន្ទាប់

មតិយោបល់