“សកម្មភាព” ដែលជម្រុញអោយស្នេហាកាន់តែល្អ

“សកម្មភាព” ដែលជម្រុញអោយស្នេហាកាន់តែល្អ

សុភាសិតមួយនិយាយថា “សកម្មភាពអាចបន្លឺសម្លេងលឺជាងពាក្យនិយាយទៅទៀត” ... រឿងនេះពិតជាត្រឹមត្រូវណាស់ នៅពេលអ្នកបានបង្ហាញយ៉ាងសកម្មថា ប្តី ឬប្រពន្ធ និងស្នេហារបស់អ្នកជាមនុស្សដែលសំខាន់បំផុតចំពោះអ្នក។ ស្នេហារបស់អ្នកត្រូវការភាពជឿជាក់ ការប្តេជ្ញា និងការអោយតម្លៃដើម្បីអោយវាមានភាពយូរអង្វែង ហើយអ្នកអាចធ្វើវាបានតាមរយៈការបង្កើតនូវសកម្មភាពនានាជាមួយគ្នា ដើម្បីបង្កើនគុណភាពនៃការបង្កើតស្នេហាអៅយកាន់តែល្អ និងរឹងមាំជាងមុនថែមទៀត។

បង្កើតភាពជឿជាក់
ចូរបង្កើតភាពជឿជាក់តាមរយៈការរក្សានូវកិច្ចសន្យារបស់អ្នក។ បើសិនជាអ្នកមានភាពយឺតយ៉ាវ ចូរទូរស័ព្ទទៅប្តី ឬប្រពន្ធ និងអោយដៃគូដឹងថា ពេលណាទើបអាចទៅដល់។ អ្វីដែលជាចំណុចសំខាន់នោះគឺ ធ្វើយ៉ាងណាកុំអោយមានភាពលាក់បាំងគ្នាអោយសោះ។

បញ្ជាក់អំពីការប្តេជ្ញាចិត្ត
ចូរបញ្ជាក់ថា ប្តី ឬប្រពន្ធអ្នក គឺជាមនុស្សដែលសំខាន់បំផុត តាមរយៈការជ្រើសរើសពេលវេលានៅជាមួយគេ ជំនួសអោយការសប្បាយជាមួយមិត្តភក្តិ។ ចូរដាក់សញ្ញាដើម្បីរំលឹកដល់អ្នកដូចជា ការដាក់រូបថតប្រពន្ធ ឬប្តីអ្នកនៅលើតុធ្វើការជាដើម។ ចូរធ្វើការណាត់ជួបគ្នានៅពេលយប់អោយបានទៀងទាត់ និងជ្រើសរើសសកម្មភាពនានាដែលអាចធ្វើជាមួយគ្នាបាន។ បើសិនជាអ្នកកំពុងតែមានបញ្ហាច្រើននោះ ចូរយល់ស្របនឹងការជួប និងលួងប្រពន្ធ ឬប្តីអ្នករហូតទៅ។ អ្នកអាចនិយាយពាក្យផ្អែមល្ហែមបានដូចជា “បងពិតជាមានសំណាងណាស់ដែលបានអូនជាប្រពន្ធ” ឬ “គ្មាននរណាម្នាក់ធ្វើល្អដូចបងធ្វើចំពោះអូនឡើយ”។

ធ្វើខ្លួនអោយមានតម្លៃ
ចូរចែករំលែកអារម្មណ៍របស់អ្នកជាមួយប្តី ឬប្រពន្ធដើម្បីបង្ហាញនូវតម្លៃរបស់អ្នក។ ចូរធ្វើដូចការពិតអញ្ចឹង ដោយអោយដៃគូអ្នកដឹងថា ពេលណាអារម្មណ៍អ្នកមានការឈឺចាប់ ឬពេលណាដែលអ្នកមិនសប្បាយចិត្ត? ចូរស្ទាបអង្អែលគាត់ដោយក្តីស្រឡាញ់ និងប្រុងប្រយ័ត្ន ដើម្បីអោយគាត់ដឹងថា ស្នេហានេះមានតម្លៃចំពោះអ្នកមែន។ ចូរបង្ហាញពីអារម្មណ៍ និងអនុញ្ញាតិអោយប្រពន្ធ ឬប្តីអ្នកផ្តល់នូវផាសុខភាព និងគាំទ្រនៅពេលអ្នកត្រូវការវា។

ចែករំលែកការសប្បាយជាមួយគ្នា
មិនត្រូវអោយការសប្បាយកប់ចោលក្នុងស្នេហារបស់អ្នកឡើយ។ ចូរបង្កើតជាការធ្វើដំណើរកម្សាន្តមួយ ដើម្បីក្លាយទៅជាអនុស្សាវរីយ៍ថ្មី ឬចាប់ផ្តើមបង្កើតទម្លាប់កម្សាន្តថ្មី ឬការចាប់អារម្មណ៍ណាមួយដែលអ្នកអាចធ្វើជាមួយគ្នាបាន ដូចជាការរាំលេងតែពីរនាក់ជាដើម។ អ្នកអាចនិយាយរឿងកំប្លែងដើម្បីសើចទាំងអស់គ្នា។ ការលេងហ្គេមកម្សាន្ត រត់លេងនៅក្នុងសួនច្បារ ឬលេងកាំភ្លើងបាញ់ទឹកដាក់គ្នាក៏ជារឿងសប្បាយផងដែរ៕

ប្រភព៖ health.com.kh

មុន បន្ទាប់

មតិយោបល់