មានអ្វីកើតឡើងក្នុងខួរក្បាល ពេលអ្នកមានស្នេហា?

មានអ្វីកើតឡើងក្នុងខួរក្បាល ពេលអ្នកមានស្នេហា?

ខណៈពេលដែលកវីនិពន្ធជាច្រើនមានការពន្យល់ដោយផ្ទាល់ខ្លួនទាក់ទងនឹងរឿងរ៉ាវដែលកើតឡើងនៅពេលមនុស្សមានស្នេហានោះ អ្នកវិទ្យាសាស្ត្រជាច្រើនក៏បានប្រើប្រាស់បច្ចេកវិទ្យាដោយការស្កេនដើម្បីរកអោយឃើញថា មានអ្វីពិតប្រាកដដែលបានកើតឡើងក្នុងខួរក្បាលមនុស្ស នៅពេលពួកគេមានស្នេហាផងដែរ។ ហើយលទ្ធផលដែលគេទទួលបាន ពិតជាគួរអោយចាប់អារម្មណ៍ណាស់។

“ការវិនិច្ឆ័យ” ត្រូវបានរាំងស្ទះ
បើយោងទៅតាមការស្កេនដោយម៉ាស៊ីន MRI បានអោយដឹងថា នៅពេលអ្នកមានស្នេហា ក្លែបខួរក្បាលផ្នែកខាងៗនៃផ្នែកខាងថ្ងាសដែលមានតួនាទីធ្វើការវិនិច្ឆ័យនោះ “បានឈប់ធ្វើការ”។ រឿងនេះអាចបញ្ជាក់អំពីហេតុផលដែលមនុស្សយើងច្រើនតែបាត់បង់ស្មារតី និងមិនបានគិតច្រើន នៅពេលពួកគេធ្លាក់ក្នុងអន្លង់ស្នេហា។

Dopamine ឡើងខ្ពស់ ដែលជាហេតុនាំអោយអ្នកមានអារម្មណ៍សប្បាយចិត្ត
Dopamine គឺជាសារធាតុគីមីរបស់ខួរក្បាលដែលត្រូវបានបញ្ចេញ ខណៈពេលអ្នកកំពុងតែមានស្នេហា ហើយវានឹងជួយអោយអ្នកមានអារម្មណ៍សប្បាយចិត្តខ្លាំង។ ការបញ្ចេញសារធាតុគីមីមួយនេះមានលក្ខណៈដូចគ្នាក្នុងពេលប្រើថ្នាំញៀនដូចជា ថ្នាំកូកាអ៊ីន។ ហើយរឿងនេះក៏អាចពន្យល់បានថា វាអាចធ្វើអោយមនុស្សយើងញៀននឹងស្នេហាទៀតផង។

Serotonin ថយចុះ ធ្វើអោយអ្នកមានអារម្មណ៍កើតទុក្ខ
គេបានកត់ត្រាយ៉ាងច្បាស់លាស់ថា ស្នេហាមិនគ្រាន់តែធ្វើអោយអ្នកសប្បាយចិត្តទេ តែក៏ធ្វើអោយអ្នកកើតទុក្ខដែរ។ អ្វីដែលកើតឡើងនោះគឺថា ការកើនឡើងនៃសារធាតុ Dopamine ក្នុងពេលមានស្នេហា ធ្វើអោយសារធាតុ Serotonin ធ្លាក់ចុះទៅវិញ។ សារធាតុគីមីមួយនេះមាននាទីសម្របសម្រួលអារម្មណ៍ និងរបបអាហារ ហើយកាលណាវាធ្លាក់ចុះច្រើនបែបនេះ វាអាចធ្វើអោយមនុស្សយើងមានអារម្មណ៍តក់ស្លុត និងព្រួយបារម្ភ។ អ្នកវិទ្យាសាស្ត្របានរកឃើញថា ការថយចុះរបស់ Serotonin ក្នុងពេលមានស្នេហាអាចក្លាយទៅជារឿងធ្ងន់ធ្ងរដូចអ្នកដែលមានជំងឺធ្វើអ្វីដដែលៗ និងពិបាកគ្រប់គ្រងខ្លួនឯងខុសពីធម្មតា (Obsessive Compulsive Disorder) អញ្ចឹង។

Adrenaline កើនឡើងខ្លាំង
បើសិនជាអ្នកធ្លាប់មានបញ្ហាខ្លាច ឬភ្ញាក់ផ្អើលខ្លាំងជាមួយនរណាម្នាក់ វាទំនងជាធ្វើអោយអ្នកទាំងពីរលង់ស្រឡាញ់គ្នាទៅវិញទៅមកបានដោយសារតែការបញ្ចេញអ័រម៉ូន Adrenaline ដំណាលគ្នា ជាពិសេស វាផ្តល់នូវអារម្មណ៍ស្រឡាញ់គ្នាតែម្តង៕្រ្រ

ប្រភព៖ health.com.kh

មុន បន្ទាប់

មតិយោបល់