ប្តីឆ្លាត មិនគួរសួរប្រពន្ធខ្លួនរឿងអ្វីខ្លះ?

ប្តីឆ្លាត មិនគួរសួរប្រពន្ធខ្លួនរឿងអ្វីខ្លះ?

ពេលខ្លះ ការនិយាយជាមួយមនុស្សស្រីអាចជារឿងធម្មតាមែន តែវាក៏អាចនឹងបង្កបញ្ហាច្រើនផងដែរ។ ជាទូទៅ មនុស្សស្រីទំនងជាមានប្រតិកម្មផ្លូវចិត្តច្រើនជាងមនុស្សប្រុស មានន័យថា ពួកគេអាចនឹងឆាប់មានប្រតិកម្ម ឬឆាប់ខឹងច្រើនតែម្តង។ មនុស្សស្រីតែងតែមិនអាចទទួលយកសំណួរទាំងឡាយណា ដែលប៉ះពាល់ដល់អារម្មណ៍របស់នាងពេកនោះទេ ដូច្នេះហើយ ដើម្បីកុំអោយនាងមានបញ្ហាផ្លូវចិត្តកាន់តែច្រើន អ្នកគួរតែកុំលើកជាសំណួរដូចខាងក្រោមនេះសួរនាងអី។

អាទិត្យនេះមានទៅហាត់ប្រាណដែរទេ?
វាអាចជារឿងល្អវិញបើអ្នកសួរថា “តើអូនឯងមានដឹងថា ខ្លួនឯងធាត់ដែរទេ?”។ ទោះបីជាសំណួរដែលអ្នកសួរវាគ្មានអ្វីជាកំហុសក៏ដោយ ក៏វាច្រើនតែអាចនាំអោយនាងមានអារម្មណ៍មិនល្អកើតឡើងដែរ ព្រោះនាងអាចនឹងគិតថា អ្នកកំពុងតែមើលឃើញនាងជាមនុស្សធាត់ខ្លាំង។

បើសិនជាអ្នកចង់អោយនាងមានទម្លាប់ហាត់ប្រាណ ចូរសាកល្បងនិយាយបែបនេះវិញ “បងនឹងទៅហាត់ប្រាណក្នុងក្លិបហើយ តើអូនចង់ទៅជាមួយបងដែរទេ?”។ ការដែលលើកជាសំណួរប្រយោលបែបនេះនឹងល្អជាងការនិយាយរិះគន់នាងទាក់ទងនឹងទម្ងន់ខ្លួនត្រង់ៗ ហើយវាក៏ជួយអោយអ្នកទាំងពីរអាចចំណាយពេលវេលានៅជាមួយគ្នាកាន់តែច្រើនផងដែរ។

តើរបស់មួយនោះ ថ្លៃប៉ុន្មាន?
មុនពេលនាងនិយាយតម្លៃ នាងប្រហែលជាយល់ថា នាងកំពុងតែស្ថិតក្នុងការកាត់សេចក្តីណាមួយរបស់អ្នកហើយ។ មនុស្សស្រីមិនចង់អោយមានសំណួរបង្ហាញអំពីការសម្រេចចិត្តរបស់នាងច្រើននោះទេ ជាពិសេសការសួរបញ្ជាក់អំពីភាពគ្មានការទទួលខុសត្រូវតែម្តង។

ចូរសាកល្បងនិយាយថា “រឿងនោះវាមិនមានអ្វីជាបញ្ហាទេ គ្រាន់តែ ....”។ បើសិនជាអ្នកបារម្ភថានាងទិញឥវ៉ានដែលមានតម្លៃថ្លៃៗពេកនោះ ចូរប្រាប់នាងថា អ្នកចង់ចាប់ផ្តើមគិតអំពីរបៀបរបបនៃការចំណាយក៏បានដែរ។

តើបងគួរតែទៅជាមួយអូនទេ ពេលទៅលេងផ្ទះឪពុកម្តាយអូន?
មិនខ្វល់ថាអ្នកបានកំណត់ថ្ងៃទៅលេងផ្ទះឪពុកម្តាយក្មេកច្រើនដងប៉ុណ្ណាឡើយ អ្នកគួរតែបិទមាត់អោយជិតទៅទើបជាការល្អ។ នាងនឹងគិតថា អ្នកពិតជាមិនចូលចិត្តឪពុកម្តាយនាងទេ ព្រមទាំងមានអារម្មណ៍ស្ត្រេសភ្លាមៗក្នុងពេលដែលធ្វើដំណើរបានពាក់កណ្តាលផ្លូវហើយនោះ។

បើសិនជាអ្នកពិតជាចង់ផ្អាកការញ៉ាំអាហារពេលយប់ជាមួយពួកគាត់មែននោះ អ្នកអាចសាកល្បងនិយាយថា “បងមានការងារត្រូវធ្វើច្រើនណាស់ ដូច្នេះ បងមិនគិតថា បងអាចទៅលេងផ្ទះពួកគាត់បានទេ។ ប៉ុន្តែបងសូមផ្ញើរពាក្យមួយឃ្លាអោយគាត់ផងថា ពួកគាត់ជាមនុស្សអស្ចារ្យណាស់សម្រាប់បង”។

តើអូនមានអារម្មណ៍ចង់រួមភេទដែរទេ?
ការដែលសួរអំពីការរួមភេទ គឺជារឿងដែលមានភាពសិចស៊ីតិចតួចបំផុត ដែលអាចអោយវាកើតឡើងលើមនុស្សស្រីម្នាក់បាន ព្រោះវាគ្មានចំណង់តណ្ហាអ្វីនៅពីក្រោយសំណួរនេះនោះទេ ហើយបើស្តាប់មើលទៅដូចជា អ្នកមិនចង់អោយមានការរួមភេទជាមួយនាងនោះទេ។

យកល្អអ្នកគួរតែបង្ហាញតាមរយៈរាងកាយវិញដូចជា ការស្ទាបអង្អែល ឬថើបវិញ ហើយចៀសវាងការសួរច្រើនពេក។ នាងនឹងអោយអ្នកដឹង បើសិនជានាងមានចំណង់ផ្លូវភេទ ហើយបើសិនជាអ្នកធ្វើសកម្មភាពថាចង់បានហើយ នាងពិតជាចង់តាមអ្នកជាមិនខាន៕

ប្រភព៖ Health.com.kh

មុន បន្ទាប់

មតិយោបល់