កំហុសខាងការងារធំបំផុតដែលអ្នកធ្វើការវ័យក្មេងសាងឡើង

កំហុសខាងការងារធំបំផុតដែលអ្នកធ្វើការវ័យក្មេងសាងឡើង

សូមជួយអបអរសាទផងក្នុងពេលដែលអ្នកបានស្គាល់រស់ជាតិពិភពលោកពិតប្រាកដ ជាពិសេសការទទួលបាននូវការងារដំបូងតែម្តង។ មុនពេលអ្នកឈានជើងចូលយ៉ាងជ្រៅក្នុងពិភពការងារ មានរឿងលំបាកដែលកើតមានជាញឹកញាប់មួយចំនួនតូចដែលអ្នកគួរតែចៀសវាង ហើយរឿងនេះដែរច្រើនតែកើតមានជាប្រចាំតែម្តងចំពោះអ្នកធ្វើការវ័យក្មេង។

ខ្លាចមិនហ៊ាននិយាយស្តី
ខណៈពេលដែលមានការស្នើសុំអោយការនិយាយ ឬផ្តល់ជាយោបល់អ្វីមួយ យកល្អគួរតែក្រោកឈរឡើងនិយាយដោយចិត្តក្លាហានអំពីមតិរបស់អ្នកអោយគេដឹងផង។ កាលណាអ្នកមានទំនុកចិត្តលើខ្លួនឯងកាន់តែខ្លាំង នឹងមានមនុស្សជាច្រើនចូលចិត្តអ្នក ហើយកាលណាអ្នកធ្វើវាដោយក្តីគោរព និងតាមជំនាញវិជ្ជាជីវៈនោះ អ្នកធ្វើការជាមួយគ្នានឹងចាប់អារម្មណ៍លើអ្នកក៏កាន់តែខ្លាំងដែរ។ ចូរប្រាកដថា អ្នកបានដឹងអំពីតម្លៃរបស់ខ្លួនឯង និងកុំបណ្តោយអោយអាយុ ឬភាពគ្មានការពិសោធន៍អ្នកយកឈ្នះភាពក្លាហានអ្នកអោយសោះ។

ផឹកស្រាច្រើនពេកពេលម៉ោងធ្វើការ
មិនខ្វល់ថាការិយាល័យអ្នកធ្វើការមានលក្ខណៈធម្មតាប៉ុណ្ណាទេ ការដែលធ្វើខ្លួនបែបឡប់ៗ និងគិតថាចង់ទទួលបានការសប្បាយហួសហេតុសម្រាប់ថ្ងៃឈប់សម្រាក ឬពិធីជប់លៀងនៅការិយាល័យផ្សេងៗ, ការញ៉ាំអាហារពេលយប់ និងសកម្មភាពអ្វីនោះពិតជារឿងដែលមិនគួរអោយកើតមានទាល់តែសោះ។ វាពិតជាមិនអីទេនៅពេលដែលអ្នកធ្វើការជាមួយគ្នាអាចស្គាល់អ្នកបានតាមរយៈទំនាក់ទំនងនៅក្រៅការិយាល័យធ្វើការនោះ។ តាមពិត វាជារឿងមួយដ៏អស្ចារ្យណាស់សម្រាប់បង្កើតមិត្តភាព ប៉ុន្តែចូរប្រាកដថា អ្នកប៉ិនប្រសប់បែបកំប្លែងចំពោះខ្លួនឯងផង។ គ្មានអ្វីមួយអាក្រក់ជាងការភ្ញាក់ពីដេកនៅពេលព្រឹកក្នុងបន្ទប់ការិយាល័យដែលកំពុងតែធ្វើការ ឬមានការសោកស្តាយនូវអ្វីដែលអ្នកបានធ្វើ ឬនិយាយឡើយ។

ចំណាយពេលវេលាទទេចោល
អ្នកប្រហែលជាយល់ថា គ្មាននរណាម្នាក់កំពុងតែតាមដាន ឬយកចិត្តទុកដាក់នូវអ្វីដែលអ្នកកំពុងតែធ្វើរាល់ថ្ងៃទេ ប៉ុន្តែបើសិនជាអ្នកជាមនុស្សមានជំនាញឯកទេសវ័យក្មេងវិញ អ្នកនឹងត្រូវអង្គុយនៅមួយកន្លែងមុខកញ្ចក់កុំព្យូទ័រដែលអាចមើលឃើញមនុស្សដើរចុះឡើងទាំងអស់ជាមិនខាន។ ដូច្នេះ យកល្អគួរតែកាត់បន្ថយពេលវេលាដែលអ្នកប្រើចោលអត់ប្រយោជន៍លើ Facebook, អ៊ីម៉ែលផ្ទាល់ខ្លួន និងកន្លែងផ្សេងៗទៀតដែលមិនមែនជាការងារអ្នកត្រូវធ្វើ។ ទោះបីជាប្រធានអ្នកក៏ដោយ ក៏គាត់នឹងមិនសប្បាយចិត្តចំពោះបុគ្គលិកខ្លួនចេះតែយកចិត្តទុកដាក់តែលើមិត្តភក្តិខ្លួនជាងការងារ។

ស្លៀកពាក់មិនសមរម្យ
ពេលខ្លះ វាអាចជារឿងមួយពិបាកក្នុងការធ្វើខ្លួនអោយទៅជាអ្នកជំនាញដ៏វ័យក្មេងម្នាក់។ រឿងមួយដែលអាចជួយ ឬរំខានដល់អ្នកបាននោះគឺជារបៀបដែលអ្នកបង្ហាញខ្លួនតែម្តង។ បើសិនជាការស្លៀកពាក់អ្នកធ្វើអោយបង្កបញ្ហាច្រើនពេក នោះអ្នកអាចនឹងកំពុងតែបញ្ជូនសារដែលមិនត្រឹមត្រូវអោយអ្នកធ្វើការជាមួយគ្នាហើយ។ រឿងនេះមិនមែនមានន័យថា ការិយាល័យដែលអ្នកធ្វើការគឺជាកន្លែងដែលអាចប្តូរសម្លៀកបំពាក់បានឡើយ។

គ្មានការទំនាក់ទំនង
មែនហើយ ការខិតខំធ្វើការ និងធ្វើខ្លួនអោយទៅជាបុគ្គលិកមានប្រយោជន៍គឺជារឿងសំខាន់ណាស់ដើម្បីទទួលបានជោគជ័យចំពោះការងារ ប៉ុន្តែទំនាក់ទំនងនៅកន្លែងធ្វើការគ្រាន់តែជារឿងសំខាន់នៅពេលអ្នកត្រូវការការងារបន្ទាប់ ឬឡើងឋានៈ។ មនុស្សវ័យក្មេងជាច្រើនតែងតែខ្លាចការធ្វើទំនាក់ទំនង និងមានភាពឆេវឆាវកើតមាន ប៉ុន្តែវាគ្រាន់តែផ្នែកមួយនៃពិភពការងារប៉ុណ្ណោះ។ មធ្យោបាយដ៏ល្អមួយដើម្បីចាប់ផ្តើមមានទំនាក់ទំនងគឺតាមរយៈការសុំអោយថ្នាក់លើរបស់អ្នកណែនាំអំពីការងារដែលអ្នកគួរតែធ្វើ៕