អត្ថប្រយោជន៍នៃ “ការធ្វើការងារជាក្រុម” ក្នុងសាលារៀន

អត្ថប្រយោជន៍នៃ “ការធ្វើការងារជាក្រុម” ក្នុងសាលារៀន

ថ្នាក់រៀនរបស់អ្នកមិនគួរណាប្រើវិធីសិក្សាតែម្នាក់ឯងឡើយ ហើយគួរតែមានការសិក្សាបែបសហការណ៍គ្នាដែរទើបជាការប្រសើរ។ អ្នកអាចបញ្ចូលការធ្វើលំហាត់ជាក្រុមរៀងរាល់សប្តាហ៍ ដើម្បីអាចដឹងអំពីមេរៀនបែបចម្រុះ។ សកម្មភាពទាំងនេះអាចនឹងមានប្រយោជន៍ណាស់ចំពោះបុគ្គលម្នាក់ៗ មនុស្សជាក្រុម និងកម្រិតយល់ដឹងរបស់ថ្នាក់រៀនតែម្តង។

ធ្វើការជាជំនាញក្នុងសង្គម
នៅពេលសិស្សបង្កើតបានជាក្រុមការងារមួយ ជំនាញសម្រាប់ការងារក្នុងសង្គមនឹងត្រូវកើតមានតែម្តង។ សិស្សមួយក្រុមត្រូវតែមានភាពសកម្មក្នុងការស្តាប់គ្នាទៅវិញទៅមក ផ្តល់ជាគំនិតយោបល់ និងប្រើប្រាស់ភាពឆ្លាតរបស់ខ្លួន ដើម្បីវាយតម្លៃប្រកបដោយប្រសិទ្ធភាព។ ក្មេងៗត្រូវតែរៀនធ្វើការជាមួយគ្នា និងសហការណ៍គ្នា។ រឿងនេះអាចជាឱកាសដើម្បីអោយក្មេងអាចពង្រឹងដល់ការប្រើពាក្យសម្តី ធ្វើការដោយអត់ធ្មត់ និងសិក្សាអំពីរបៀបរស់នៅជាមួយគ្នា។ ចំពោះដំណោះស្រាយជម្លោះវិញក៏អាចក្លាយទៅជាការសិក្សាថ្មីមួយដែរ។

កម្រិតនៃការយល់ដឹងផ្ទាល់ខ្លួន
សិក្សាម្នាក់អាចទទួលបានប្រយោជន៍លើការយល់ដឹងផ្ទាល់ខ្លួនពីការងារជាក្រុមបាន។ គេអាចមានអារម្មណ៍យល់ថា តម្លៃនៃការងារជាក្រុមអាចជួយពួកគេអោយចែករំលែកគំនិតយោបល់ទៅក្នុងគម្រោងមួយ ដើម្បីបង្កើតជាការទុកចិត្តលើខ្លួនឯង និងស្រឡាញ់នូវអ្វីដែលខ្លួនមាន។ សិស្សនឹងត្រូវបង្ហាញអំពីគំនិតថ្មីៗ និងរបៀបនៃការគិត ដើម្បីពង្រឹងដល់ទស្សនៈផ្ទាល់ខ្លួនលើរបស់អ្វីមួយ។ សកម្មភាពជាក្រុមអាចជាពេលវេលាដែលសិស្សម្នាក់បង្ហាញអំពីជំនាញ និងភាពឆ្លាតវៃរៀងៗខ្លួន។

រៀនទាំងអស់គ្នា
នៅពេលអ្នកសម្លឹងមើលគោលដៅរបស់ការងារជាក្រុមមួយ អត្ថប្រយោជន៍នៃការអប់រំរបស់វានឹងមានលក្ខណៈកាន់តែច្បាស់តែម្តង។ នៅពេលក្រុមមួយធ្វើការបានល្អ ពួកគេអាចនឹងផ្តល់ជាគំនិតយោបល់ទាំងអស់តែម្តង ព្រមទាំងធ្វើការសន្និដ្ឋានជាមួយគ្នាទៀត។ សិស្សមិនត្រឹមតែរៀនតាមរយៈការធ្វើការជាគម្រោងមួយទេ តែពួកគេនឹងរៀនតាមរយៈការពន្យល់អំពីគំនិតរបស់ខ្លួន និងហេតុផលរបស់មនុស្សម្នាក់ៗទៀត។ ការងារជាក្រុមក៏ជួយបង្កើនជំនាញនៃការដោះស្រាយបញ្ហា ជំនាញនៃការផ្តល់ហេតុផល និងការត្រិះរិះពិចារណាជាច្រើនទៀតដែរ។ សិស្សនឹងសិក្សាពីរបៀបប្រើប្រាស់ការគិតបែបវាយតម្លៃ និងជំនាញវាយតម្លៃជាក្រុម។ ក្រុមការងារដ៏មានប្រសិទ្ធភាព គឺជាក្រុមដែលចេះទទួលខុសត្រូវខ្ពស់៕

ប្រភព៖ Health.com.kh

មុន បន្ទាប់

មតិយោបល់