ចង់ណាត់នាងទៅក្រៅ តើគួរធ្វើអ្វីខ្លះទៅ?

ចង់ណាត់នាងទៅក្រៅ តើគួរធ្វើអ្វីខ្លះទៅ?

ការសុំណាត់ជួបជាមួយមនុស្សស្រីម្នាក់អាចក្លាយទៅជារឿងដ៏ពិបាកមួយ ព្រោះវានៅតែអាចជាបទពិសោធន៍ដ៏គួរអោយខ្លាចសម្រាប់អ្នកដែលអៀនខ្មាស់ ឬឆាប់ភ័យតែម្តង នៅពេលស្ថិតក្នុងមជ្ឈដ្ឋានសង្គម។ ដូច្នេះ តើយើងគួរធ្វើដូចម្តេចខ្លះទើបជាការងាយស្រួលទៅ?

រៀបចំ
មុនពេលអ្នកអាចដាក់ការស្នើរសុំនៅចំពោះមុខនាងបាន អ្នកត្រូវតែមានការរៀបចំទុកជាមុនសិន។

ស្គាល់នាង
អ្នកមិនអាចចូលទៅនិយាយត្រង់ៗ ឬនិយាយជាមួយនាងតែម្តង ក្រោយពីទើបតែស្គាល់នាង ពីម្សិលមិញឡើយ។ ដំបូងឡើយ អ្នកគួរតែរាយមន្តស្នេហ៍ដាក់នាងសិន ហើយធ្វើខ្លួនអោយដូចជាមនុស្សម្នាក់ដែលនាងចង់ទៅក្រៅជាមួយ ហើយអ្នកគួរតែប្រាកដថា អ្នកបានស្គាល់នាងច្បាស់លាស់ហើយ។ ដូច្នេះ អ្នកគួរតែចាប់ផ្តើមធ្វើរឿងនេះ និងរកអោយឃើញថា តើអ្វីទៅជាចំណាប់អារម្មណ៍របស់នាង? នាងចូលចិត្តមនុស្សបែបណា? ហើយចង់ធ្វើអ្វីនៅពេលអនាគត?

រកអោយឃើញថា តើនាងចូលចិត្តអ្វី?
ដើម្បីផ្តល់ការចាប់អារម្មណ៍ដល់មនុស្សស្រីម្នាក់ ដំបូងឡើយអ្នកគួរតែស្គាល់នាង ហើយណាត់ជួបគ្នាជាមួយនាង។ អ្នកគួរតែរកអោយឃើញថា តើនាងចូលចិត្តអ្នកដែរឬអត់? តើនាងមានប្រើខ្សែភ្នែកដាក់អ្នកញឹកញាប់ដែរទេ នៅពេលអ្នកស្ថិតក្នុងចំណោមមនុស្សច្រើននាក់? តើនាងមានញញឹមដាក់អ្នក នៅពេលនាងនៅជាមួយមិត្តភក្តិដែរទេ? វាគឺជារឿងដ៏ល្អមួយសម្រាប់អោយបុរសអាចយល់ដឹងអំពីរឿងដ៏សំខាន់ៗរបស់មនុស្សស្រី។

ធ្វើអោយនាងគិតអំពីអ្នក មុនពេលនាងដេក
បើសិនជាអ្នកសង្ឃឹមយ៉ាងមុតមាំចំពោះការបង្កើតភាពស្និទ្ធស្នាលជាមួយនាង ការនិយាយលេងជាមួយនាងនៅពេលយប់ គឺជាពេលវេលាដ៏ល្អបំផុតហើយ។ ចូរចាប់ផ្តើមផ្ញើសារអោយនាងគ្រប់ពេលទាំងអស់នៅពេលល្ងាច និងចាប់ផ្តើមទូរស័ព្ទទៅនាង នៅពេលយប់បន្តិចម្តងៗទៅ តែម្តងម្កាលបានហើយ។ ចូរចាប់ផ្តើមនិយាយជាមួយនាងអំពីរឿងជាច្រើនដែលនាងចូលចិត្ត និងចង់អោយនៅជាមួយអ្នក ហើយនាងក៏ត្រូវការនិយាយគ្នាលេងជាមួយអ្នកជារៀងរាល់យប់ដែរ៕

ប្រភព៖ health.com.kh

មុន បន្ទាប់

មតិយោបល់