វិធីសាស្ត្ររំងាប់អារម្មណ៍ រំងាប់កំហឹង

វិធីសាស្ត្ររំងាប់អារម្មណ៍ រំងាប់កំហឹង

នៅពេលអ្នកដឹងថា “កំហឹងកំពុងតែកើនឡើង” និងយល់ច្បាស់អំពីមូលហេតុរបស់វាហើយ អ្នកត្រូវតែដោះស្រាយជាមួយកំហឹងនោះអោយបានលឿន មុនពេលដែលវាស្ថិតក្នុងកាលៈទេសៈគ្រប់គ្រងលែងបាន។

មានវិធីសាស្ត្រច្រើនណាស់ដែលអាចជួយអោយអ្នករំងាប់អារម្មណ៍ និងគ្រប់គ្រងកំហឹងបានដូចជា ៖
• ដកដង្ហើមជ្រៅៗ ៖ ការដកដង្ហើមយឺតៗ និងជ្រៅៗ ជាវិធីសាស្ត្រមួយក្នុងការប្រឆាំងនឹងការកើនឡើងសម្ពាធនៃកំហឹងបាន។ គន្លឹះសំខាន់នោះគឺថា ធ្វើយ៉ាងណាដកដង្ហើមចូលទៅក្នុងពោះអោយបានជ្រៅៗ ដើម្បអោយខ្យល់បរិសុទ្ធរត់ចូលទៅក្នុងសួតបានកាន់តែច្រើន។

• ហាត់ប្រាណ ៖ ការដើរនៅជុំវិញកន្លែងណាមួយក្នុងកន្លែងធ្វើការ គឺជាគំនិតមួយដ៏ល្អ។ វានឹងជួយបញ្ចេញនូវថាមពេលដែលកកកុញក្នុងខ្លួន ដូច្នេះហើយ អ្នកអាចនឹងធ្វើអោយអ្វីៗក្នុងក្បាលមានភាពត្រជាក់ជាងមុនមិនខាន។

• ប្រើអារម្មណ៍ ៖ ចូរទាញប្រយោជន៍នៃការបន្ធូរអារម្មណ៍របស់វិញ្ញាណទាំង។ អ្នកប្រហែលជាអាចព្យាយាមស្តាប់ចម្រៀង មើលរូបភាពដែលអ្នកចូលចិត្ត ទទួលទានកាហ្វេបន្តិច។ល។

• ម៉ាស្សា ឬបន្ថយភាពតានតឹង ៖ ចូរធ្វើចលនាស្មាចុះឡើង បើសិនជាអ្នកកំពុងតែមានអារម្មណ៍ឈឺចាប់ ឬអាចម៉ាស្សាថ្នមៗទៅលើក និងស្បែកក្បាល៕

ប្រភព៖ Health.com.kh

មុន បន្ទាប់

មតិយោបល់