បង្កើនភាពរឹងមាំ ពេលណាត់ជួបគូស្នេហ៍

បង្កើនភាពរឹងមាំ ពេលណាត់ជួបគូស្នេហ៍

គ្មាននរណាម្នាក់កើតមកមានរបស់សព្វគ្រប់ដែលល្អឥតខ្ចោះនោះទេ ប៉ុន្តែ តាមរយៈការចងចាំនូវរឿងតូចតាចមួយចំនួនក្នុងចិត្តអាចជួយអោយអ្នកពង្រឹងដល់ជំនាញនៃការណាត់ជួបគូស្នេហ៍កាន់តែល្អជាងមុនបាន។

• រឿងដំបូងដែលអ្នកត្រូវធ្វើនោះគឺថា អ្នកត្រូវតែរៀបចំខ្លួនអោយរួចរាល់សម្រាប់ការណាត់ជួបគ្នានេះ។ មិនត្រូវប្តេជ្ញាចិត្តចំពោះការណាត់របស់អ្នកទាំងភាពស្ទាក់ស្ទើរឡើយ។ នៅពេលអ្នកសម្រេចចិត្តណាត់ជាមួយគេហើយ ចូរចាប់ផ្តើមយល់ដឹងអំពីខ្លួនឯងសិន បន្ទាប់មកចូរផ្តល់ទំនុកចិត្តដល់ខ្លួនឯងបន្ថែមទៀត។ ទំនុកចិត្តនឹងផ្តល់នូវមន្តស្នេហាចំពោះបុគ្គលិកលក្ខណៈរបស់អ្នកបាន។

• ចូរស្លៀកពាក់ទៅតាមពេលវេលា ហើយចូរព្យាយាមធ្វើយ៉ាងណាអោយខ្លួនឯងមើលទៅល្អបំផុតតាមតែអាចធ្វើទៅបាន។

• មិនត្រូវភ្លេចបង្កើតស្នាមញញឹមនោះទេ។ ស្នាមញញឹមនឹងជួយផ្តល់ពន្លឺដល់មុខ និងធ្វើអោយអ្នកកាន់តែមានភាពទាក់ទាញ។

• ចូរនិយាយសរសើរការណាត់ជួបគ្នារបស់អ្នកជានិច្ចទៅ។ ទោះបីជាយ៉ាងណាក៏ដោយ ចូរប្រាកដថា ការអួតសរសើររបស់អ្នកគឺជាការពិតផង។ ការនិយាយសរសើរនឹងបង្ហាញអោយដឹងថា អ្នកបានធ្វើការកត់សម្គាល់ទៅលើការណាត់ជួបគ្នានេះ ហើយក៏បានចូលចិត្តវាដែរ។

• ការប្រើខ្សែភ្នែកគឺជារឿងសំខាន់ណាស់ ព្រោះវាអាចធ្វើអោយអ្នកដទៃមានអារម្មណ៍កាន់តែមានផាសុខភាព។ ទោះបីជាយ៉ាងណាក៏ដោយ ចូរប្រាកដថា អ្នកមិនបានសម្លឹងមើលគេម្នាក់ជាប់នោះទេ ព្រោះវាអាចនឹងធ្វើអោយគេមានអារម្មណ៍ថា គ្មានសន្តិសុខក្នុងចិត្ត។

• ព្យាយាមធ្វើខ្លួនជាអ្នកស្តាប់ដ៏ល្អម្នាក់។ វាពិតជារឿងសំខាន់ណាស់ក្នុងការស្តាប់នូវអ្វីដែលគេនិយាយក្នុងពេលណាត់ជួបគ្នា ដោយចៀសជាងការនិយាយតែឯងជាប់រហូត។ តាមរយៈការធ្វើខ្លួនជាអ្នកស្តាប់ដ៏ល្អម្នាក់ អ្នកអាចដឹងអំពីដៃគូកាន់តែល្អ ព្រមទាំងផ្តល់ឱកាសដល់គេបង្ហាញអំពីខ្លួនឯងផងដែរ។

• វាពិតជាសំខាន់ណាស់ក្នុងការធ្វើអោយកិច្ចសន្ទនានៅមានជាប់រហូត។ ចូរចាប់ផ្តើមការនិយាយ និងកុំអោយភាពស្ងៀមស្ងាត់កើតមានចំពោះអ្នកទាំងពីរអោយសោះ។ ជាមួយគ្នានេះដែរ ចូរប្រាកដថា ការសន្ទនារបស់អ្នកមានលក្ខណៈសាមញ្ញៗ និងរីករាយ ហើយចូរចៀសវាងនិយាយអំពីប្រធានបទណាដែលធ្វើអោយកើតទុក្ខ និងគ្មានផាសុខភាពចំពោះអ្នកទាំងពីរ។

• នាំនូវភាពកំប្លែងខ្លះដល់ការណាត់ជួបរបស់អ្នក។ ទោះបីជាយ៉ាងណាក៏ដោយ ការផ្តល់នូវរឿងកំប្លែងមិនមែនមានន័យថា ជាការបង្កើតការសប្បាយចំពោះមនុស្សគ្រប់គ្នាទេ វាគ្រាន់តែមានន័យថា ជាការបើកចិត្តអោយទូលាយ និងរក្សាអោយស្ថានភាពនៅជុំវិញខ្លួនមានភាពរស់រវើកក៏បានដែរ៕

ប្រភព៖ Health.com.kh

មុន បន្ទាប់

មតិយោបល់