មូលហេតុ៦យ៉ាងដែលធ្វើអោយក្មេងជំទង់រត់ចេញពីផ្ទះ

មូលហេតុ៦យ៉ាងដែលធ្វើអោយក្មេងជំទង់រត់ចេញពីផ្ទះ

វ័យជំទង់ គឺជាដំណាក់កាលនៃអាយុ ដែលពោរពេញទៅដោយភាពភ័ន្តច្រលំ និង ឧបាយកលផ្សេង សម្រាប់ក្មេងជំទង់ម្នាក់ៗ។ ក្នុងវ័យនេះ ក្មេងជំទង់ភាគច្រើន តែងប្រឈមនឹង បញ្ហាក្នុងការប្រាស័យទាក់ ទងជាមួយនឹង ក្រុមគ្រួសាររបស់ពួកគេ។ ហើយជាលទ្ធផល ពួកគេថែមទាំងអាចរត់ចេញពីផ្ទះ បានទៀត ផង។ ដូច្នេះ តើមានមូលហេតុអ្វីខ្លះ ដែលធ្វើអោយពួកគេសម្រេចចិត្តធ្វើដូចនេះនោះ?

១. ការចាប់កំណើតរបស់ក្មេងម្នាក់ទៀតនៅក្នុងផ្ទះ
ក្មេងជំទង់ភាគច្រើន តែងមានអារម្មណ៍មិនផាសុក ជាមួយនឹងការចាប់កំណើត របស់ប្អូនថ្មីម្នាក់ របស់ ពួកគេ។ ពួកគេអាចនឹងមិនសារភាពចំពោះអារម្មណ៍បែបនេះទេ ប៉ុន្តែ ពួកគេអាចនឹងមានការច្រណែន នូវ ការបែងចែកនូវ អារម្មណ៍ដែលខ្លួនត្រូវបានគេយកចិត្តទុកដាក់។ លើសពីនេះទៅទៀត ប្រសិនបើពួកគេ មិនអាច ប្រឈមនឹងស្ថានភាពនេះបាន នោះពួកគេនឹង ធ្វើការរត់ចេញពីផ្ទះ ដើម្បីបង្ហាញពីការឈឺចាប់ របស់ពួកគេ ។

២. ការប្រើអំពើហឹង្សាក្នុងគ្រួសារ
ភាគច្រើននៃក្មេងជំទង់ ដែលបានរត់គេចចេញពីផ្ទះ គឺដោយសារតែមូលហេតុមួយនេះ ។ ពួកគេបាន ទទួលនូវអារម្មណ៍ នៃការរំខាន និង មិនអាចជួយបាន ចំពោះការកើតឡើងនៅបញ្ហានេះ នៅក្នុងគ្រួសារ ដូច្នេះ ទើបបាជាពួកគេសម្រេចចិត្តរត់ចេញពីផ្ទះ ។ វាអាចទាក់ទង នឹងបញ្ហានៃអពើហឹង្សាទាំងផ្នែក ផ្លូវ កាយ និង ផ្លូវចិត្ត ចំពោះសមាជិកណាម្នាក់ នៅក្នុងគ្រួសារ។ តែទោះជាយ៉ាងណាក៏ដោយ ស្ថានភាពនេះ អាចនឹង ប៉ះពាល់ដល់ ស្ថានភាពផ្លូវចិត្តរបស់ក្មេងជំទង់បាន ។

៣. មានឪពុកម្តាយផឹកស្រា ឬ ប្រើប្រាស់ថ្នាំញៀន
ប្រសិនបើពួកគេមាន ឪពុកម្តាយដែលញៀនស្រា ឬ ថ្នាំ នោះវាប្រាកដជា ជះឥទ្ធិពលអាក្រក់ដល់ ក្មេងជំទង់ជាមិនខានឡើយ។ មានកុមារជាច្រើន បានរត់ចេញពីផ្ទះរបស់ពួកគេ ដោយសារតែពួកគេ ប្រឈមនឹង មូលហេតុមួយនេះ ។ ពួកគេ មិនអាចទទួលស្គាល់នូវការពិតមួយដែលថា ខ្លួនគេ មានឪពុក ឬ ម្តាយដែលជា មនុស្សញៀនស្រា និង ប្រើប្រាស់ថ្នាំញៀនបាននោះទេ។

៤. បញ្ហាកង្វល់ផ្នែកហិរញ្ញវត្ថុ
ជាទូទៅ បញ្ហាកង្វល់ផ្នែកហិរញ្ញវត្ថុ ក៏អាចនឹងជះឥទ្ធិពល ដល់កត្តាផ្លូវចិត្តរបស់កុមារបានផងដែរ។ ដោយសារតែ ហេតុផលមួយនេះ ពួកគេអាចនឹង សម្រេចចិត្តធ្វើការចាកចេញពីផ្ទះ ។ ដូច្នេះ មានពាក្យ ណែនាំមួយបាន និយាយថា ឪពុកម្តាយមិនគួរណា ធ្វើការនិយាយពីបញ្ហាហិរញ្ញវត្ថុនៅក្នុងគ្រួសារ អោយកូនៗ របស់ពួកគេបានលឺនោះទេ។ វាអាចនឹង ជះឥទ្ធិពលជាអវិជ្ជមានយ៉ាងខ្លាំង ទៅលើផ្លូវចិត្ត របស់ពួកគេ ។

៥. ទទួលរងសម្ពាធខាងផ្នែកសិក្សាពីមិត្តភកិ្តរបស់ពួកគេ
តើអ្នកមានដឹងទេ ថាការរងសម្ពាធផ្នែកសិក្សា ពីក្រុមមិត្តភក្តិ ក៏អាចជះឥទ្ធិពល ដល់កត្តាផ្លូវចិត្តរបស់ ក្មេងជំទង់ទេ ? ប្រសិនបើកូនអ្នក មិនសូវពូកែខាង ការរៀនសូត្រ ដូច្នេះ អ្នកត្រូវផ្តល់ពេលវេលាធ្វើអោយ គេពន្យល់ពីបញ្ហា របស់ពួកគេ មកកាន់អ្នកយឺតៗ ។ការបង្ខិតបង្ខំ នឹងកាន់តែធ្វើអោយស្ថានការណ៍នេះ កាន់តែអាក្រក់ឡើង ហើយជាលទ្ធផល នោះគឺពួកគេ អាចរត់ចេញពីផ្ទះ។ ដូច្នេះ អ្នកត្រូវមានការប្រុង ប្រយ័ត្ន នៅពេលប្រឈមនឹងបញ្ហានេះ ។

៦. បញ្ហានៃការត្រូវបានសាលាបណ្តេញចេញ
ប្រសិនបើកូនៗរបស់អ្នក ត្រូវបានសាលាបណ្តេញចេញ ដោយសារតែបញ្ហាមួយចំនួន ដែលទាក់ទង នឹង អត្តចរិតមិនល្អ, ការសិក្សាចុះខ្សោយខ្លាំងពេក នោះអ្នកត្រូវតែ ធ្វើការដោះស្រាយវា ដោយសន្តិវិធី និង រក្សានូវភាពនឹងន ក្នុងចិត្ត។ នេះអាចជាមូលហេតុទូទៅមួយ ដែលធ្វើអោយពួកគេខ្មាស នឹងសមាជិក ក្នុងក្រុមគ្រួសារ រួចធ្វើការត់ចេញពីផ្ទះ។

ការគាំទ្រផ្នែកផ្លូវចិត្ត គឺជាកត្តាសំខាន់បំផុត ដែលក្មេងជំទង់គ្រប់រូបតែងត្រូវការ។ អ្នកត្រូវ រៀននិយាយ ជាមួយនឹងពួកគេ ក្នុងនាមជាមិត្តដ៏ស្និទ្ធស្នាលម្នាក់ និង គាំទ្រលើកទឹកចិត្តអោយពួកគេ ក្រោកឈរឡើង ដោះស្រាយនឹង បញ្ហាទាំងនេះជាមួយនឹងអ្នក។ កត្តានេះ អាចនឹងជម្រុញអោយពួកគេ ហ៊ានប្រឈមនឹង បញ្ហានេះ ក្នុងផ្លូវជាវិជ្ជមានបាន ៕

ប្រភព៖ Health.com.kh

មុន បន្ទាប់

មតិយោបល់