មានកំហឹងគួរតែគ្រប់គ្រងយ៉ាងដូចម្តេច?

មានកំហឹងគួរតែគ្រប់គ្រងយ៉ាងដូចម្តេច?

ការខឹងអាចជាអារម្មណ៍មួយធម្មតាដែលអាចជួយអោយមនុស្សយើងដឹងអំពីសភាវគតិ និងឆ្លើយតបទៅលើស្ថានភាពដែលកំពុងតែគំរាមកំហែងមួយ។ លើសពីនេះទៅទៀត នៅពេលដែលអ្នកប្រើប្រាស់វាបានយ៉ាងល្អ វាអាចជាឧបករណ៍លើកទឹកចិត្តមួយដ៏ខ្លាំងពូកែបានផងដែរ។ ប៉ុន្តែទោះបីជាយ៉ាងណាក៏ដោយ វាក៏អាចជាអារម្មណ៍ដែលមិនអាចគ្រប់គ្រងបានដែរ ដែលបណ្តាលអោយកើតជាបញ្ហាស្ត្រេស, តានតឹងក្នុងអារម្មណ៍, មានជំងឺ និងគ្មានសុភមង្គល។ កំហឹងដែលមិនអាចគ្រប់គ្រងបានអាចមានគ្រោះថ្នាក់យ៉ាងធ្ងន់ធ្ងរទៅលើខ្លួនឯង និងជីវិតទាំងមូល ព្រោះវាអាចក្លាយទៅជាការបំផ្លាញដ៏សាហាវមួយទៅលើខ្លួនអ្នក និងមនុស្សនៅជុំវិញអ្នក។

អត្ថបទនេះយើងនឹងបង្ហាញអ្នកអំពីជំហ៊ានទាំង ១២ប្រភេទដែលអាចជួយអោយអ្នកដោះស្រាយនឹងកំហឹងបានយ៉ាងមានប្រសិទ្ធភាព។ ជំហ៊ានទាំង ១២នេះដែរ ត្រូវបានដកស្រង់ពីគំនិតរបស់លោកវេជ្ជបណ្ឌិត រ៉េតហ្វត វីលៀម (Redford William, MD) ជាមួយប្រពន្ធរបស់គាត់ ព្រមទាំងជាអ្នកនិពន្ធសៀវភៅដែលលក់ដាច់បំផុតមួយឈ្មោះថា Anger Kills ផងដែរ។ នៅក្នុងសៀវភៅ Anger Kills និយាយអំពីជំហ៊ានដោះស្រាយចំនួន ១៧ ប៉ុន្តែយើងនឹងលើកមកនិយាយតែ ១២ចំណុចនោះទេ។

ការយល់ដឹងអំពីទ្រឹស្តី

កំហឹងគឺជាយន្តការណ៍គេចចេញពីការរីកចម្រើនយ៉ាងល្អមួយដែលយើងចង់អោយកើតមាននៅពេលគោលដៅរបស់យើងមានភាពស៊ាំចិត្តនឹងទទួលបាន ឬនៅពេលយើងមានអារម្មណ៍បង្ខំអោយខ្លួនឯង ឬអ្នកដទៃ, អ្វីជុំវិញខ្លួន និងគំនិតដែលយើងកំពុងតែយកចិត្តទុកដាក់ទៅលើវា។ វាជួយអោយយើងមានប្រតិកម្មយ៉ាងរហ័ស និងមិនអាចហាមឃាត់បានទៅលើស្ថានភាពទាំងឡាយដែលគ្មានពេលសម្រាប់យកចិត្តទុកដាក់, ឬវិភាគអោយសមហេតុផល។ ហើយវាអាចលើកទឹកចិត្តអោយយើងដោះស្រាយបញ្ហា, សម្រេចគោលដៅ, និងលុបចោលការបង្ខិតបង្ខំទាំងឡាយ។

ដូច្នេះហើយ ការសម្តែងនូវការខឹងអាចជួយការពារខ្លួនឯង ឬអ្នកដទៃបាន។ ការឆ្លើយតបវិជ្ជមាន និងលទ្ធផលដ៏មានប្រយោជន៍អាចពង្រឹងដល់ការគោរពខ្លួនឯង និងទំនុកចិត្តលើខ្លួនឯង។

គ្រោះថ្នាក់នៃកំហឹង ឬភាពល្ងង់ខ្លៅ

ម្យ៉ាងវិញទៀត ការឆ្លើយតបអវិជ្ជមានអាចបំផ្លាញទំនាក់ទំនង និងធ្វើអោយបាត់បង់ការគោរព និងគោរពខ្លួនឯងបាន។ ជាពិសេសរឿងនេះកើតឡើងនៅពេលយើងមានប្រតិកម្មខឹងភ្លាមៗចំពោះអ្វីដែលយើងដឹងថាជាការគំរាមកំហែង ប៉ុន្តែការយល់ឃើញនោះគឺមិនត្រឹមត្រូវទៅវិញទេ។ ហេតុនេះហើយទើបវាធ្វើអោយគេមើលទៅថាយើងនេះពិតជាល្ងង់ខ្លៅមែនទែន។

ដូច្នេះយើងត្រូវតែសិក្សាដើម្បីអាចប្រើកំហឹងក្នុងន័យវិជ្ជមាន និងគ្រប់គ្រងវាអោយបានដើម្បីអោយមានជាប្រយោជន៍ និងមិនមានការខូចខាត។ ស្ថានភាពកន្លែងណាដែលគ្មានការគំរាមកំហែងដល់ជីវិតភ្លាមៗ យើងត្រូវតែចេះអត់ធ្មត់ និងវាយតម្លៃទៅលើការយល់ឃើញរបស់យើងអោយបានច្បាស់លាស់ និងសុក្រិតជាមុនសិន។

ការគ្រប់គ្រងកំហឹង គឺជាដំណើរការណ៍នៃការសិក្សាពីរបៀប “អត់ធ្មត់” និងការបន្សាយនូវអារម្មណ៍អវិជ្ជមានចំពោះកំហឹងដែលអ្នកមានមុនពេលវាឈានដល់កម្រិតមួយដែលអាចបំផ្លេចបំផ្លាញបាន។

បទពិសោធន៍ទៅលើប្រធានបទមួយ

មនុស្សយើងអាចធ្លាប់ខឹងតាមរបៀបខុសៗគ្នា និងមានហេតុផលផ្សេងៗគ្នាជាច្រើន។ អ្វីដែលធ្វើអោយអ្នកខឹងប្រហែលជាគ្រាន់តែអាចរំខានតិចតួចដល់សហការីរបស់អ្នកតែប៉ុណ្ណោះ ហើយក៏មានតិចតួចចំពោះឥទ្ធិពលលើអ្នកណាផ្សេងម្នាក់ទៀត។ ប្រធានបទមួយនេះអាចធ្វើអោយការខឹងពិបាកនឹងយល់ និងដោះស្រាយ ហើយវាក៏គូសបង្ហាញខ្លីៗថា ការឆ្លើយតបមានការថយចុះចំពោះអ្នក។ ដូច្នេះការគ្រប់គ្រងកំហឹងផ្តោតទៅលើទំនួលខុសត្រូវក្នុងការគ្រប់គ្រងរបស់អ្នក (ជៀសជាងកត្តាពីខាងក្រៅពិសេសណាស់មួយ)។ តាមរយៈការសិក្សាគ្រប់គ្រងកំហឹង អ្នកអាចពង្រឹងវិធីសាស្ត្រដោះស្រាយ និងកំចាត់ចោលប្រតិកម្ម និងអារម្មណ៍អវិជ្ជមានមុនពេលវាធ្វើអោយអ្នកស្ត្រេស, ថប់អារម្មណ៍ និងមិនស្រួលក្នុងចិត្តកាន់តែខ្លាំង។

ថ្វីបើកម្រិតនៃការខិសទៅលើអ្វីមួយរបស់ពួកយើងមានលក្ខណៈខុសៗគ្នាក៏ដោយ ក៏មានមូលហេតុនៃកំហឹងរួមមួយចំនួនដែរដូចជា៖

ស៊ាំចិត្តនឹងគោលដៅរបស់យើង
ការឈឺចាប់
ការរុកគួន
ការវាយប្រហារទៅលើខ្លួនឯង (ទាំងផ្លូវកាយ ឬផ្លូវចិត្ត)
បង្ខំមនុស្ស, អ្វីមួយ ឬគំនិតដែលយើងត្រូវការដោះស្រាយ

ជាញឹកញាប់យើងសុទ្ធតែធ្លាប់មានពិសោធន៍នៃបញ្ហាធ្វើអោយខឹងទាំងនេះនៅក្នុងជីវិតប្រចាំថ្ងៃ។ កម្រិតនៃការខិងដ៏សមស្របមួយដែលត្រូវបានបញ្ចេញឡើងដោយត្រឹមត្រូវអាចជយយអោយយើងធ្វើសកម្មភាពក៏បានត្រឹមត្រូវ, ដោះស្រាយបញ្ហាដែលកំពុងតែកើតឡើងដោយឯងៗ ឬដោះស្រាយជាមួយស្ថានភាពបានក្នុងឥរិយាបថត្រឹមត្រូវមួយ។ បើសិនជាយើងអាចសិក្សាគ្រប់គ្រងកំហឹងរបស់យើងបាន យើងនឹងចេះវិធីបង្ហាញវាចេញបានយ៉ាងត្រឹមត្រូវ និងមានប្រយោជន៍។

ការប្រើប្រាស់វិធី

ដូច្នេះនៅពេលអ្នកខឹង ចូរប្រើប្រាស់ជំហ៊ានទាំង ១២របស់វេជ្ជបណ្ឌិត រ៉េតហ្វត វីលៀម ដើម្បីធ្វើការអត់ធ្មត់ទៅ៖

១. រក្សាអោយបាននូវ Hostility Log

Hostility Log ចង់សម្តៅទៅលើតារាងបញ្ហាជាច្រើនដើម្បីអោយអ្នកអាចតាមដានរាល់បញ្ហាទាំងឡាយណាដែលធ្វើអោយអ្នកខឹងជាញឹកញាប់។ នៅពេលអ្នកដឹងថាអ្វីធ្វើអោយអ្នកខឹងហើយ អ្នកនឹងអាចស្ថិតក្នុងស្ថានភាពល្អប្រសើរជាងមុនដើម្បីបង្កើតវិធីសាស្ត្រទាំងឡាយដើម្បីអាចគ្រប់គ្រងវាបានយ៉ាងមានប្រសិទ្ធភាព។

២.បើសិនជាអ្នកខឹងមែន ចូរយល់ថាអ្នកមានមានកំហឹងគ្រប់គ្រងបញ្ហាមួយ

វាគឺជាការពិតដ៏ត្រឹមត្រូវមួយដែលអ្នកមិនអាចផ្លាស់ប្តូរនូវអ្វីដែលអ្នកមិនដឹងបានឡើយ។ ដូច្នេះយកល្អគួរតែសម្គាល់ និងយល់ព្រមថាកំហឹងគឺជា ផ្លូវទាល់ក្នុងការសម្រេចជោគជ័យរបស់អ្នក។

៣.ប្រើប្រាស់បណ្តាញគាំទ្ររបស់អ្នក

បើសិនជាកំហឹងគឺជាបញ្ហា ចូរអោយមនុស្សសំខាន់ក្នុងជីវិតរបស់អ្នកដឹងអំពីការប្រែប្រួលដែលអ្នកកំពុងតែព្យាយាមបង្កើតវា។ ពួកគេអាចជាប្រភពនៃការលើកទឹកចិត្ត ហើយការគាំទ្ររបស់ពួកគេនឹងជួយអ្នកនៅពេលអ្នកភ្លាត់ស្នៀតធ្លាក់ចូលទៅក្នុងទម្រង់នៃឥរិយាបថចាស់វិញ។

៤. ប្រើប្រាស់វិធីសាស្ត្រគ្រប់គ្រងកំហឹងដើម្បីរំខានដល់វត្តមានរបស់កំហឹង

ផ្អាកវា
ដកដង្ហើមអោយបានជ្រៅៗ
ប្រាប់ខ្លួនឯងថាអ្នកអាចគ្រប់គ្រងស្ថានភាពបាន
បញ្ឈប់គំនិតអវិជ្ជមាន

៥. ប្រើវិធីយល់អារម្មណ៍អ្នកដទៃ

បើសិនជាមនុស្សម្នាក់ទៀតគឺជាប្រភពកំហឹងរបស់អ្នក ចូរព្យាយាមមើលស្ថានភាពចេញពីឥរិយាបថរាប់គេវិញ។ ចូររំលឹកដល់ខ្លួនឯងថាជាកម្មបទមួយ និងយល់ថា មនុស្សគ្រប់គ្នាសុទ្ធតែសាងកំហុស ហើយតាមរយៈការមានកំហុសនេះគឺជាមាគារមួយដែលមនុស្សអាចធ្វើអោយខ្លួនឯងរីកចម្រើនបាន។

៦. សើចចំពោះខ្លួនឯង

ការកំប្លែងច្រើនតែជាថ្នាំដ៏ល្អបំផុតមួយរបស់មនុស្ស។ ចូរសិក្សាអំពីការសើចចំពោះខ្លួនឯង តែមិនត្រូវធ្វើអោយខ្លាំងក្លាពេកនោះទេ។ នៅថ្ងៃបន្ទាប់អ្នកមានអារម្មណ៍ចង់ទាត់ទូឯកសារមួយជើង ប៉ុន្តែចូរគិតអំពីចូរគិតឡើងវិញអំពីភាពភ្លីភ្លឺដែលនឹងកើតមាន និងមើលឃើញនូវប្រតិកម្មដ៏កំប្លែងចំពោះការបញ្ចេញកំហឹងដ៏មិនសមរម្យរបស់អ្នកវិញ។

៧.សម្រាក

មនុស្សខឹងច្រើនតែជាមនុស្សដែលចង់អោយមានរឿងតិចតួចរំខានគេតែប៉ុណ្ណោះ។ បើសិនជាអ្នករៀនចេញពីវិធីធ្វើអោយខ្លួនឯងអត់ធ្មត់ អ្នកនឹងដឹងថា មិនចាំបាច់ក្រោកឈរឡើងវិញទេ ហើយអ្នកនឹងមានការខិតតិចតួចមកវិញហើយ។

៨. បង្កើតការជឿជាក់

មនុស្សខឹងអាចជាមនុស្សដែលមើលឃើញតែចំនុចអាក្រក់ប៉ុណ្ណោះ។ ពួកគេជឿថា មនុស្សផ្សេងៗទៀតនឹងមានចេតនាធ្វើអោយរំខាន ឬផ្តល់នូវភាពស៊ាំចិត្តដល់ពួកគេ ទាំងរឿងនោះមិនទាន់កើតមានផង។ បើសិនជាអ្នកអាចសាងទំនុកចិត្តលើមនុស្សដែលអ្នកពេញចិត្តបាន អ្នកទំនងជាមិនសូវខឹងចំពោះអ្វីដែលដែលពួកគេធ្វើខុសទៅវិញទេ។

៩.ស្តាប់

ទំនាក់ទំនងដែលមានការយល់ច្រឡំជាហេតុនាំអោយស្ថានភាពពោរពេញទៅដោយភាពស៊ាំចិត្ត និងមិនទុកចិត្តគ្នា។ កាលណាអ្នកស្តាប់នូវអ្វីដែលមនុស្សម្នាក់និយាយបានកាន់តែល្អ អ្នកនឹងអាចរកឃើញដំណោះស្រាយដោយសន្តិវិធីកាន់តែប្រសើរដែរ។

១០. មានទំនុកចិត្តលើខ្លួនឯង

ចូរចាំថា ពាក្យថាមានទំនុកចិត្តលើខ្លួនឯង វាមិនមែនជាការធ្វើអ្វីៗដោយឆេវឆាវនោះទេ។ នៅពេលអ្នកខឹង វាច្រើនតែពិបាកនឹងបញ្ជាក់អោយខ្លួនឯងដឹងច្បាស់ណាស់។ អ្នកពិតជាឆាប់មានអារម្មណ៍អវិជ្ជមាន និងរោគសញ្ញាផ្លូវកាយ (បេះដូងដើរញ៉ាប់, មុខឡើងក្រហម) ដែលវាគ្រប់គ្រាន់នឹងបង្កើតជាដុំកំហឹងបានណាស់។ បើសិនជាអ្នករៀនចេះពីរបៀបធ្វើអោយមានទំនុកចិត្តលើខ្លួនឯង និងអនុញ្ញាតអោយអ្នកដទៃដឹងអំពីការរំពឹងទុក, ព្រំដែន, ឬបញ្ហារបស់អ្នកនោះ អ្នកនឹងមានជោគជ័យអន្តរបុគ្គលកាន់តែច្រើន។

១១. បើសិនជាវាគឺជាថ្ងៃចុងក្រោយរបស់អ្នក ចូរធ្វើវាដូចជាអ្វីដែលអ្នកធ្លាប់រស់នៅរាល់ថ្ងៃដែរទៅ

សម្តីបែបនេះប្រហែលជាស្តាប់មើលទៅហួសហេតុពេកហើយ ប៉ុន្តែវាគ្របដណ្តប់ទៅដោយមូលដ្ឋាននៃការពិតមួយ។ ជីវិតគឺខ្លីណាស់ ហើយវាក៏ជារឿងល្អដែរក្នុងការចំណាយពេលវេលាទៅលើអ្វីដែលជាភាពវិជ្ជមានជៀសជាងអវិជ្ជមាន។ ចូរយល់ថា បើសិនជាអ្នកចំណាយពេលវេលាទាំងអស់របស់អ្នកមកខឹងវិញ សួរថាមានប្រយោជន៍អ្វីទៅ ផ្ទុយទៅវិញអ្នកនឹងខាត់បង់នូវភាពរីករាយ និងការភ្ញាក់ផ្អើលជាច្រើនដែលជីវិតគួរតែទទួលបាន។

១២. លើកលែងទោស

ដើម្បីអោយប្រាកដថា ការផ្លាស់ប្តូរដែលអ្នកនឹងបង្កើតឡើងគឺកប់ជ្រៅនៅក្នុងចិត្តរបស់អ្នកតែម្តង ហើយអ្នកត្រូវតែលើកលែងទោសដល់មនុស្សដែលធ្វើអោយអ្នកខឹង។វាមិនងាយស្រួលទេក្នុងការបណ្តោយអោយអតីតកាលដែលបានធ្វើអោយអ្នកឈឺចាប់នោះរលាយផុតទេ ប៉ុន្តែមធ្យោបាយតែមួយគត់ដើម្បីអោយវារសាយបាត់ ចូរអារម្មណ៍ដែលអ្នកចង់នោះបណ្តោយវាទៅ។

ជំហ៊ានទាំង ១២នេះបង្កើតបានជាគម្រោងដ៏ល្អមួយក្នុងការគ្រប់គ្រងការខិតដ៏ឥតប្រយោជន៍ និងមិនត្រឹមត្រូវបាន។ ហើយកាលណាអ្នកចាប់ផ្តើមធ្វើវាកាន់តែលឿនកាន់តែប្រសើរ។ កំហឹង និងស្ត្រេសមានទំនាក់ទំនងគ្នាខ្លាំងណាស់ ហើយឥទ្ធិពលរបស់ស្ត្រេសលើរាងកាយគឺងាយនឹងសម្គាល់ដឹងណាស់៕

ប្រភព៖ Health.com.kh

មុន បន្ទាប់

មតិយោបល់