មនុស្សស្រី ចង់បានបុរសប៉ិនកំប្លែងធ្វើជាសង្សារ

មនុស្សស្រី ចង់បានបុរសប៉ិនកំប្លែងធ្វើជាសង្សារ

បើយើងចេះនិយាយរឿងអស់សំណើចនោះ វាតែងតែក្លាយទៅជាមន្តស្នេហ៍មួយធ្វើអោយមនុស្សស្រីចូលចិត្តដល់ថ្នាក់ទន់ជង្គង់បាន។ មនុស្សស្រីប្រហែលជាទះស្មាអ្នកយ៉ាងខ្លាំងទៀតផង បើសិនជាអ្នកធ្វើអោយនាងសើចគ្រប់ពេលនោះ។ ដូច្នេះ យើងខ្ញុំនឹងបង្ហាញនូវហេតុផលខ្លះៗ ថាតើហេតុអ្វីបានជាមនុស្សស្រីចូលចិត្ត ឬចង់បានបុរសពូកែកំប្លែងធ្វើជាសង្សារ។

បុរសដែលពូកែកំប្លែង តែងតែមានការកម្សាន្តច្រើន
ការទៅដើរលេងជាមួយបុរសដែលប៉ិនកំប្លែងច្រើន នឹងមិនធ្វើអោយមនុស្សស្រីធុញទ្រាន់ឡើយ នេះក៏ព្រោះតែទឹកមុខបែបគួរអោយចង់សើច និងភាពកំប្លែងរបស់មនុស្សប្រុសតែម្តង។ មនុស្សប្រុសប្រហែលជាអាចធ្វើអោយមនុស្សស្រីសើចខ្លាំង ទាំងទឹកមុខនៅស្ងួតទៀតក៏មានដែរ។ ការណាត់ជួបគ្នាជាមួយបុរសដែលកំប្លែង គឺជារឿងមួយភ្ញាក់ផ្អើលណាស់ ព្រោះមនុស្សនឹងចង់តាមដាននូវអាកប្បកិរិយារប៉ិលរប៉ូចរបស់គេបន្តទៀត។

ជាមនុស្សច្នៃប្រឌិត
បើយើងសួរអ្នកនិពន្ធទាំងអស់ថា តើអ្វីដែលជាកន្លែងពិបាកបំផុតនោះ? ពួកគេនឹងនិយាយថា វាច្រើនតែទាក់ទងនឹងឈុតឆាកកំប្លែងតែម្តង។ បើសិនជាបុរសម្នាក់នោះ ជាមនុស្សកំប្លែងមែន គាត់ប្រហែលជាមានចំណេះដឹងយ៉ាងទូលំទូលាយក្នុងការបង្កើតនូវបញ្ហា និងសកម្មភាពណាមួយ ដែលស្រដៀងគ្នានឹងភាពកំប្លែងមុនៗប្រកបដោយភាពច្នៃប្រឌិតជាមិនខានឡើយ។

ជាមនុស្សចូលចំណោមគេចុះ
បុរសប៉ិនកំប្លែង ច្រើនតែមានជីវិតរីករាយ។ គេអាចលុបបំបាត់នូវស្ថានភាពដែលពិបាកៗ ក្នុងសង្គមដែលគេរស់នៅបានជាមួយនឹងការបញ្ចូលភាពកំប្លែងរបស់គេតែម្តង។ ការណាត់ជួបជាមួយបុរសបែបកំប្លែងៗ គឺជារឿងងាយទេ ហើយអ្នកក៏មិនបាច់បារម្ភថា អ្នកទុកគេចោលនៅក្នុងចំណោមមនុស្សចម្លែកៗជាច្រើនដែរ ព្រោះគេនឹងចេះប្រើវិធីធ្វើទំនាក់ទំនងជាមួយមនុស្សជុំវិញខ្លួនបានយ៉ាងងាយស្រួលបំផុត។

ពួកគេជាមនុស្សមានជំនាញក្នុងការសង្កេតយ៉ាងល្អ
អ្នកកំប្លែងជាមនុស្សដែលប៉ិនធ្វើការសង្កេតទៅលើមនុស្ស និងអ្វីៗនៅជុំវិញខ្លួនពួកគេណាស់។ នោះហើយទើបជាមូលហេតុដែលធ្វើអោយពួកគេចេះរកទំនុកនិយាយពីរឿងគួរអោយចង់សើចបាន។ ដូច្នេះ មនុស្សស្រីនឹងតែងតែមើលឃើញមនុស្សបែបនេះប្រើអារម្មណ៍ខ្លាំងទៅលើអ្វីៗនៅជុំវិញខ្លួនជាមិនខានទេ។

ពួកគេនឹងធ្វើអោយអ្នកមានអារម្មណ៍ថា “មានសុវត្ថិភាព”
មនុស្សស្រីអាចរស់នៅជាមួយគេបានយ៉ាងស្រួល។ មនុស្សស្រីភាគច្រើននឹងមានអារម្មណ៍ថា មានសុវត្ថិភាព និងផាសុខភាពនៅពេលបានរស់នៅជុំវិញបុរសដែលពួកគេធ្វើអោយសើច។ អត្តចរិករបស់គេនឹងបង្រៀនមនុស្សអោយចេះសើចចំពោះខ្លួនឯង និងភាពពុំសមហេតុផលនៃជិវិតផងដែរ។ អ្វីដែលល្អនោះគឺ គេចេះប្រើវិធីធ្វើយ៉ាងណាអោយមនុស្សមានភាពកក់ក្តៅក្នុងជីវិត តាមរយៈភាពក្រម៉ិចក្រមើមរបស់គេតែម្តង។

គាត់ជាមនុស្សដែលមានទំនុកចិត្ត
មានតែបុរសប៉ិនកំប្លែងទេ ដែលអាចបង្កើតភាពអស់សំណើចអំពីខ្លួនឯងសម្រាប់ការកម្សាន្តរបស់អ្នកដទៃ។ គេប្រហែលជាមិនមានទំនុកចិត្តលើខ្លួនឯងទាំងស្រុងនោះទេ តែគេពិតជាមានការធានាលើខ្លួនឯងទាំងស្រុងតែម្តងបាន។

គេផ្តល់ស្នាមញញឹមលើមុខរបស់អ្នក
មនុស្សពិតជាមិនអាចខឹងចំពោះបុរសដែលធ្វើអោយនាងសើចនោះបានយូរឡើយ។ គ្រាន់តែជាស្នាមញញឹមចំអកមួយនឹងធ្វើអោយនាងភ្លេចថា ហេតុអ្វីបានជានាងមិនសប្បាយចិត្តនឹងរូបគេទៅហើយ។ គេនឹងធ្វើអោយនាងសើចរហូតដល់ហៀរទឹកភ្នែកទៀត បើសិនជានាងនៅតែបន្តរក្សាទំនាក់ទំនងជាមួយគ្នាទៀត៕

ប្រភព៖ Health.com.kh

មុន បន្ទាប់

មតិយោបល់