មុនពេលរៀបការ គួរពិភាក្សាគ្នារឿងអ្វីខ្លះ?

មុនពេលរៀបការ គួរពិភាក្សាគ្នារឿងអ្វីខ្លះ?

ពាក្យចាស់ពោលថា “អាពាហ៍ពិពាហ៍ជាចំណង ៥ ប្រការ”។ មានរឿងច្រើនណាស់ ដែលអ្នកគួរតែពិភាក្សាជាមួយគូអនាគតរបស់អ្នក មុនពេលសម្រេចចិត្តរៀបការនឹងគ្នា។

កូន
រឿងដ៏ធំបំផុតដែលត្រូវកើតមានជាមួយនឹងការរៀបការនោះ គឺការរៀបគម្រោងសម្រាប់គ្រួសារមួយ។ ការរៀបការមានន័យថា ជាការចាប់ផ្តើមគ្រួសារមួយ។ មុនពេលអ្នករៀបការ យកល្អ អ្នកទាំងពីរគួរតែអង្គុយនិយាយគ្នាថាតើ អ្នកទាំងពីរពិតជាចង់បានកូន ឬក៏អត់។ មានស្ត្រីច្រើនហើយដែលនិយាយថា ពួកគេមិនចង់ក្លាយទៅជាម្តាយគេលឿនពេកនោះទេក្រោយពីរៀបការរួច ប៉ុន្តែ បុរសទៅវិញទេទើបជាអ្នកចង់។

លុយកាក់
ការដោះស្រាយនឹងរឿងលុយកាក់ គឺជាបញ្ហាមួយដែលគូស្វាមីគ្រប់រូបត្រូវប្រឈមមុខ។ លុយ គឺជារឿងសំខាន់បំផុតដែលគូស្វាមីគ្រប់គ្នាត្រូវតែនិយាយគ្នាមុនពេលពួកគេរៀបការ។ មិនខ្វល់ថាវាទាក់ទងនឹងការកាន់លុយរៀងខ្លួន ឬចែកគ្នាឡើយ អ្នកគួរតែនិយាយវាអោយបានច្បាស់លាស់សិន ដើម្បីកុំអោយមានបញ្ហាកើតមានបាន។

គ្រួសារ
ការពិភាក្សារឿងជាច្រើនទាក់ទងនឹងគ្រួសារអ្នកក៏ជារឿងសំខាន់ណាស់ដែរ។ មិនខ្វល់ថាអ្នកត្រូវរស់នៅជាមួយឪពុកម្តាយទៀតក្រោយពីរៀបការរួច ឬក៏អ្នកត្រូវនៅឆ្ងាយពីឪពុកម្តាយឡើយ អ្នកគួរតែនិយាយពីបញ្ហានេះអោយបានច្បាស់លាស់មុនពេលរៀបការ។

កន្លែងដែលអ្នកត្រូវរស់នៅ
រឿងមួយផ្សេងទៀតដែលអ្នកត្រូវពិចារណានៅពេលនិយាយជាមួយដៃគូមុនពេលរៀបការនោះ គឺកន្លែងដែលអ្នកនឹងត្រូវទៅរស់នៅតែម្តង។ សូមកុំភ្លេចអោយសោះថា មានរឿងច្រើនណាស់ដែលធ្វើអោយ គូស្វាមីជាច្រើនលែងឈ្លោះគ្នាទៀតដោយសារតែរឿងនេះ៕

ប្រភព៖ Health.com.kh

មុន បន្ទាប់

មតិយោបល់