អាហារ៩ ប្រភេទជួយឲ្យស្បែកស្អាតរាល់ថ្ងៃ

អាហារ៩ ប្រភេទជួយឲ្យស្បែកស្អាតរាល់ថ្ងៃ

តើអ្នកបានចំណាយប្រាក់ច្រើនដើម្បីទទួលបានស្បែកស្អាតមែនទេ? តាមពិតទៅ អ្នកមិនចាំបាច់ចាយប្រាក់ច្រើនក៏អាចទទួលបានស្បែកដ៏ស្រស់ស្អាតបានដែរ ដោយគ្រាន់តែបង្វែរមកមើលអាហារដែលអ្នកបរិភោគជារៀងរាល់ថ្ងៃវិញម្ដង។ មានអាហារ ៩ប្រភេទ ដែលត្រូវបានគេរកឃើញថាអាចជួយឲ្យអ្នកមានស្បែកស្អាតបែបធម្មជាតិ។ អាហារទាំង៩ប្រភេទនោះ មានដូចខាងក្រោម៖

១. ម្ទេសហាវ៉ៃ

ម្ទេសហាវ៉ៃ គឺជាបន្លែមួយប្រភេទមនុស្សទូទៅចូលចិត្ត និងមានភាពងាយស្រួលក្នុងការចម្អិន។ ការទទួលទានម្ទេសហាវ៉ៃមួយផ្លែស្មើនឹងវីតាមីនC ១០០%។ វាសំខាន់ជាងអាហារដែលមានជាតិសរសៃ និងវីតាមីន Bទៅទៀត។

២.សូកូឡា

ជាអាហារពេញនិយមសម្រាប់ការញ៉ាំជាប្រចាំថ្ងៃ និងធ្វើឲ្យស្បែកមានភាពភ្លឺរលោង។ សូកូឡាមានផ្ទុកសារជាតិប្រឆាំងអុកស៊ីតកម្ម និងជួយជំរុញឲ្យស្បែកមានភាពស្រស់ថ្លា។

៣.ត្រីសូម៉ុង (Salmon)

ត្រីសូម៉ុងគឺជាអាហារដែលប្រសើរបំផុតដែលជួយកាត់បន្ថយស្ត្រេស និងភាពធុញថប់។ ត្រីសូម៉ុងមានផ្ទុកវីតាមីន D ជំនួយដល់បេះដូង ឆ្អឹង ពោះវៀនធំ និងជាពិសេសជំនួយដល់ខួរក្បាល។

៤.ប្រេងដូង

ប្រេងដូង មានផ្ទុកសារធាតុវីតាមីន E ដែលអាចជួយដល់ស្បែកឲ្យមានភាពភ្លឺរលោងទន់ល្មើយ និងអាចបំបាត់ភាពជ្រីវជ្រួញថែមទៀតផង។

៥.តែបៃតង

តែបៃតងគឺជាភេសជ្ជៈដែលអាចជួយសម្រួលដល់រាងកាយផ្នែកខាងក្រៅ និងជួយសម្រួលដល់ការកាត់បន្ថយស្ត្រេស។ ការទទួលទានតែបៃតងបីកែវក្នុងមួយថ្ងៃ គឺល្អបំផុតសម្រាប់សុខភាពលោកអ្នក។

៦. ស្ពៃ Spinach

សារធាតុដ៏សម្បូរបែបជាច្រើនមាននៅក្នុងស្ពៃSpinach ដូចជាវីតាមីន A វីតាមីនE ជាដើម។ វាជាប្រភេទអាហារដែលមានជាតិសរសៃ ដែលត្រូវបានគេចាត់ទុកថាជាអាហារដ៏អស្ចារ្យសម្រាប់ស្បែកអ្នក។

៧.គ្រាប់ធញ្ញជាតិ

គ្រាប់ល្ពៅ គ្រាប់ផ្កាឈូករ័តន៍ អាចបានផ្ដល់ផលប្រយោជន៍យ៉ាងច្រើនចំពោះសុខភាពស្បែក។ អាហារទាំងពីរប្រភេទនេះ សម្បូរទៅដោយវីតាមីន E និងសារធាតុប្រូតេអ៊ីន។

៨.ល្ហុង

ល្ហុងគឺជាផ្លែឈើដ៏អស្ចារ្យដែលមានតាំងពីបុរាណមកម្ល៉េះ។ វាមានជាតិកាឡូរីទាប(៣៩កាឡូរីក្នុង ១០០ ក្រាម) និងមិនមានជាតិកូលេស្ត្រេរ៉ូល។ ដូច្នេះអ្នកអាចព្យាយាមសម្រកទម្ងន់ដោយការញ៉ាំល្ហុងក៏បានដែរ។

៩.ការ៉ុត

ការ៉ុតមិនមែនល្អចំពោះភ្នែកតែម្យ៉ាងនោះទេ ប៉ុន្តែវាថែមទាំងល្អចំពោះស្បែកទៀតផង។ ពួកវាជួយកម្ចាត់សារធាតុកង្វក់ចេញផងដែរការ៉ុតសម្បូរទៅដោយវីតាមីន A ដែលជួយបង្ការការផលិតកោសិកានៅលើស្បែកច្រើនហួសកម្រិត។