babe អ្នកម្ដាយអាចមិនដឹង៖ ដាក់ទារកគេងជាមួយអ្នកដទៃ អាចឲ្យកូនតូចស្លាប់

babe អ្នកម្ដាយអាចមិនដឹង៖ ដាក់ទារកគេងជាមួយអ្នកដទៃ អាចឲ្យកូនតូចស្លាប់

អ្នកស្រាវជ្រាវនៅសហរដ្ឋអាមេរិកបាននិយាយកាលពីថ្ងៃច័ន្ទម្សិលមិញនេះថា ការដាក់ឲ្យទារកគេងជាមួយអ្នកដទៃ គឺជាមូលហេតុធំបំផុតដែលបណ្ដាលឲ្យពួកគេស្លាប់ភ្លាមៗ ជាពិសេសគឺទារកតូចៗដែលទើបនឹងកើត។ យោងតាមរបាយការណ៍ផ្នែកជំងឺកុមារបានឲ្យដឹងថា ៦៩% នៃទារកដែលស្លាប់ភ្លាមៗ គឺជាទារកដែលបានគេងជាមួយអ្នកដទៃ។

ការស្រាវជ្រាវដែលផ្អែកទៅលើទិន្នន័យរបស់រដ្ឋាភិបាលនេះ បានបង្ហាញលទ្ធផលថា ទារក ៨.២០៧ នាក់ នៅក្នុងរដ្ឋចំនួន ២៤ បានស្លាប់ដោយសារការគេងរួមគ្រែជាមួយអ្នកផ្សេង ពីឆ្នាំ២០០៤ ដល់ឆ្នាំ២០១២។

ការស្រាវជ្រាវនេះបានរកឃើញទៀតថា ការស្លាប់របស់ទារកដែលបង្កឡើងដោយការគេងជាមួយអ្នកដទៃមានខុសៗគ្នាទៅតាមវ័យ ដែលក្នុងនោះទារកដែលមានអាយុ ៣ ខែចុះក្រោម (៧៣,៨ ភាគរយ) និងទារកដែលមានអាយុ ៤ ខែទៅ ១ ឆ្នាំ (៥៨,៩ ភាគរយ)។

ការគេងជាមួយអ្នកដទៃមានន័យថា ដាក់ទារកឲ្យគេងជាមួយមនុស្សពេញវ័យ ទាំងនៅជិត ឫដាក់ឲ្យគេងនៅលើអ្នកណាម្នាក់ផ្សេងទៀត។ ភាគច្រើននៃទារកដែលបានស្លាប់ពេលកំពុងគេង គឹមានរបស់ផ្សេងៗនៅលើពោះរបស់ពួកគេ ដូចជាភួយ ខ្នើយ និងមានរបស់លេងធ្វើពីក្រណាត់ផ្សេងៗនៅកន្លែងដែលពួកគេគេង។

វិទ្យាស្ថានសហរដ្ឋអាមេរិកសម្រាប់រោគកុមារ (AAP) បានផ្ដល់អនុសាសន៍ថា គួរដាក់ទារកឲ្យគេងនៅកន្លែងដែលមានផ្ទៃរឹង នៅក្នុងកូនគ្រែតូចមួយជិតឪពុកម្ដាយ ឬអ្នកមើលថែទារកនោះ តែមិនគួរដាក់ឲ្យគេងជាមួយគ្នាផ្ទាល់ទេ ជៀសវាងគ្រោះថ្នាក់ថប់ដង្ហើមដោយចៃដន្យ។ APP បាននិយាយបន្ថែមទៀតថា របស់ដែលមិនចាំបាច់ ដូចជាភួយ ខ្នើយ និងរបស់លេងគួរតែទុកឲ្យឆ្ងាយពីគ្រែដេករបស់ទារក៕

មុន បន្ទាប់

មតិយោបល់