វិធីការពារទារក មិនអោយលើសទម្ងន់

វិធីការពារទារក មិនអោយលើសទម្ងន់

ប្រសិនបើអ្នកមានការព្រួយបារម្ភអំពីទម្ងន់ ឬសមាសធាតុរាងកាយរបស់ទារក ដូចជាការមានជាតិខ្លាញ់ច្រើនពេក អ្នកត្រូវតែទៅពិគ្រោះជាមួយវេជ្ជបណ្ឌិតអោយបានទៀងទាត់។

ការលូតលាស់ ការវិវត្ត និងទម្ងន់ គឺជាប្រធានបទដ៏ល្អមួយ ដើម្បីពិភាក្សាក្នុងអំឡុងពេលជួបនឹងគ្រូពេទ្យម្តងៗ។ ត្រូវចាំទុកផងដែរថា ទារកត្រូវការរបបអាហារដែលមានជាតិខ្លាញ់ខ្ពស់ ដើម្បីទ្រទ្រង់ដល់ដំណើរលូតលាស់ក្នុងអំឡុងពេលជាទារក។

ជាការពិតណាស់ ទារកដែលបំបៅដោយដោះម្តាយ អាចទទួលបានប្រហែលជាពាក់កណ្តាលនៃកាឡូរីប្រចាំថ្ងៃរបស់គេពីជាតិខ្លាញ់ដែលមាននៅក្នុងទឹកដោះម្តាយនោះ។ ការលើសជាតិខ្លាញ់ និងកាឡូរីនៅតែអាចជាការព្រួយបារម្ភមួយ។ ឧទាហរណ៍ ការធាត់ពេកអាចពន្យាពេលនៃការចេះវៀរ និងដើរ ដែលជាផ្នែកមួយដ៏សំខាន់នៃការវិវត្តខាងផ្លូវកាយ និងផ្លូវចិត្តរបស់ទារក។

ដើម្បីជួយការពារទារកពីការលើសជាតិខ្លាញ់អ្នកគួរតែ ៖
•    តាមដានការឡើងទម្ងន់របស់អ្នក ក្នុងអំឡុងពេលមានផ្ទៃពោះ ៖ ការឡើងទម្ងន់ក្នុងអំឡុងពេលមានផ្ទៃពោះ អាចបង្កើនទម្ងន់ទារកពេលកើតបាន។ ការស្រាវជ្រាវបានបង្ហាញថា ការលើសទម្ងន់ពេលកើតកូនអាចបង្កើនហានិភ័យនៃការធាត់ទៅលើកុមារ។
•    បំបៅកូនដោយទឹកដោះម្តាយ អោយបានយូរតាមដែលអាចធ្វើទៅបាន ៖ បំបៅកូនដោយដោះម្តាយ ហាក់បីដូចជាអាចកាត់បន្ថយហានិភ័យនៃការធាត់នៅកុមារភាពបាន។ នៅក្នុងការសិក្សាមួយ ទារកដែលបៅទឹកដោះគោ ហាក់ដូចជាបៅច្រើនជាងទារកដែលបៅដោះម្តាយ។ ការសិក្សាផ្សេងទៀតមានលទ្ធផលស្រដៀងគ្នានេះដែរ ដែលបង្ហាញថាកុមារដែលបៅដោះម្តាយ ដូចជាអាចឆ្លើយតបនឹងការឃ្លាន និងអាចបញ្ឈប់ការញ៉ាំនៅពេលដែលពួកគេឆ្អែត បានប្រសើរជាងកុមារបៅទឹកដោះគោ។
•    ចូរចាំថា ទឹកមិនមែនជារបបអាហារចាំបាច់របស់ទារកនោះទេ ៖ សូមកុំផ្តល់នូវទឹកចាប់ពីកើតដល់អាយុ ៦ ខែលុះត្រាតែត្រូវការចំបាច់ ដើម្បីព្យាបាលការទល់លាមក។ ប្រសិនបើអ្នកចង់អោយទឹកបន្ទាប់ពីអាយុ ៦ ខែសូមដាក់វានៅក្នុងមួយពែងជាជាងក្នុងដប ហើយកំណត់វាត្រឹម ១១៨ មីលីលីត្រក្នុងមួយថ្ងៃ។
•    មានវិធីជាច្រើនដើម្បីកាត់បន្ថយការធាត់របស់ទារក ៖ សូមកុំទម្លាប់អោយបៅដោះ ឬទឹកដោះគោនៅពេលដែលទារកយំ ព្រោះពេលខ្លះទីតាំងថ្មី បរិស្ថានស្ងប់ស្ងាត់ ឬការថ្នាក់ថ្នមទន់ភ្លន់គឺជាអ្វីដែលទារកត្រូវការ។

នៅពេលដែលកូនធំបន្តិច សូមបន្តទៅជួបគ្រូពេទ្យពិភាក្សាអំពីទម្ងន់ និងអាហាររូបត្ថម្ភ។ សម្រាប់ការណែនាំបន្ថែម អ្នកអាចពិគ្រោះជាមួយអ្នកឯកទេសខាងចំនីអាហារទើបជាការប្រសើរ៕

ប្រភព៖ Health

មុន បន្ទាប់

មតិយោបល់