វិធី ៥យ៉ាងដើម្បីបង្កើនការច្នៃប្រឌិត

វិធី ៥យ៉ាងដើម្បីបង្កើនការច្នៃប្រឌិត

ការច្នៃប្រឌិតគឺជាសមត្ថភាពក្នុងការធ្វើអោយហួសព្រំដែននៃក្បូនដែលធ្លាប់ធ្វើ, គំនិត ឬទំនាក់ទំនង ព្រមទាំងបង្កើតបានអ្វីមួយដែលថ្មី។ ខណៈពេលដែលការបង្កើតថ្មីគឺជាគុណភាពបែបធម្មតារបស់មនុស្សមួយចំនួននោះ តែវាក៏អាចក្លាយទៅជារឿងធ្វើកុំអោយស្ទះដល់ការងារ និងបំបាត់បញ្ហាស្ត្រេសក្នុងជីវិតប្រចាំថ្ងៃបាន។ មានវិធីច្រើនណាស់ក្នុងការបង្កើនភាពច្នៃប្រឌិតរបស់អ្នកបានដូចជា៖

ហាត់ប្រាណលើចិត្តគំនិត
ការហាត់ប្រាណលើចិត្តគំនិតរបស់អ្នកគឺជាវិធីសាស្ត្រដ៏ល្អមួយដើម្បីបង្កើនភាពច្នៃប្រឌិត។ វាមិនខុសគ្នាពីរាងកាយឡើយ ចិត្តអ្នកក៏ត្រូវការហាត់ប្រាណដើម្បីធ្វើការលើសាច់ដុំច្នៃប្រឌិត និងបង្កើនប្រសិទ្ធភាពវាកាន់តែខ្លាំងទៅមុខទៀតដែរ។ ការហាត់ប្រាណខួរក្បាលអាចធ្វើបានតាមរយៈការសិក្សាលើអ្វីដែលថ្មីៗ, ការចូលរួមទៅក្នុងកិច្ចពិភាក្សាអំពីគោលនយោបាយ, ការនិយាយអំពីការច្នៃប្រឌិត និងមនុស្សឆ្លាតវៃផ្សេងៗទៀត។ សកម្មភាពអស់ទាំងនេះនឹងជួយភ្ញោចទៅលើខួរក្បាល និងជម្រុញអោយមានលំហូរច្នៃប្រឌិតកើតមានជាមិនខាន។

មានតណ្ហា
ទស្សនៈមួយរបស់ការច្នៃប្រឌិតនោះគឺមានតណ្ហា។ ជាធម្មតា មនុស្សម្នាក់នឹងពូកែខាងមុខវិជ្ជាដែលគេប្រាថ្នា ឬមានតណ្ហាចង់រៀនតាំងពីដើម។ ដើម្បីបង្កើតការច្នៃប្រឌិតថ្មី ចូរភ្ជាប់ទំនាក់ទំនងឡើងវិញជាមួយនឹងប្រធានបទដែលវាធ្វើអោយអ្នកចូលចិត្តទាំងចិត្តទាំងកាយ។ ចូរស្វែងរកការលើកទឹកចិត្តពីខាងក្នុង និងធ្វើទៅតាមតណ្ហារបស់អ្នកទៅដើម្បីបង្កើនភាពច្នៃប្រឌិតបាន។

ផ្លាស់ប្តូរទម្លាប់
ជាធម្មតា ការច្នៃប្រឌិតអាចជាអ្វីៗដែលអាចត្រូវបានរំខានដោយសារតែអារម្មណ៍នៃភាពធុញទ្រាន់ និងទម្លាប់ដដែលៗពេក។ មនុស្សយើងភាគច្រើនរស់នៅដោយអាស្រ័យទៅតាមកាលវិភាគអូតូម៉ាទិចដូចជា ពេលវេលាភ្ញាក់ពីដេក, ទម្លាប់នៃការធ្វើការ, អានសៀវភៅ, មើលទស្សនាវដ្តី, អានសារព័ត៌មាន, ញ៉ាំអាហារ, និងមើលទូរទស្សន៍ជាដើម។ ដើម្បីបង្កើនការច្នៃប្រឌិតបាន ចូរពិចារណាផ្លាស់ប្តូរពីសមាសធាតុមួយទៅសមាសធាតុពីរនៃទម្លាប់ប្រចាំថ្ងៃរបស់អ្នក។ បើសិនជាអ្នកកំពុងតែធ្វើការក្នុងគម្រោងមួយ ចូរពិចារណាដោយបញ្ឈប់គម្រោងមួយនោះទៅធ្វើគម្រោងមួយទៀតដោយមានគម្លាតពេលវេលាទៀងទាត់ជាថ្ងៃ ឬសប្តាហ៍វិញ។

អាន
ខណៈពេលដែលការអានផ្តល់ជាអត្ថប្រយោជន៍នៃភាពឆ្លាតវៃច្រើននោះ វាក៏មានប្រយោជន៍ដល់ការច្នៃប្រឌិត, ហាត់ប្រាណខួរក្បាល និងផ្តល់គំនិតជាការច្នៃអ្វីៗដែលថ្មីផងដែរ។ ចូរអានសៀវភៅអោយបានច្រើនតាមតែអាចធ្វើបានអំពីប្រធានបទផ្សេងៗអោយបានច្រើន។ ចូរអានអំពីអ្វីដែលអ្នកមិនចាប់អារម្មណ៍ព្រោះវាអាចនឹងផ្តល់នូវចំណាប់អារម្មណ៍បែបច្នៃប្រឌិតបាន៕

ប្រភព៖ Health

មុន បន្ទាប់

មតិយោបល់