ចាប់អារម្មណ៍មនុស្សម្នាក់ មានសញ្ញាបែបណា?

ចាប់អារម្មណ៍មនុស្សម្នាក់ មានសញ្ញាបែបណា?

ការណាត់ជួបគ្នាប្រហែលជាផ្តល់នូវសញ្ញាជាច្រើនដែលបញ្ជាក់ថា គេកំពុងតែចាប់អារម្មណ៍មកលើអ្នក ហើយរឿងតែមួយគត់ដែលអ្នកត្រូវតែធ្វើនោះ គឺរក្សាខ្សែភ្នែក និងត្រចៀកដើម្បីទទួលយករឿងទាំងនេះទៅ។

ចេះតែខិតមកជិតអ្នក
ខណៈពេលកំពុងតែអង្គុយនៅតុកាហ្វេ បើសិនគេចេះតែព្យាយាមចង់និយាយជាមួយអ្នក នោះ វាពិតជាសញ្ញាថា គេចាប់អារម្មណ៍មកលើអ្នកហើយ។ បើនិយាយអោយចំទៅគឺថា គេទំនងជាចង់ស្វែងយល់ពីអ្នកកាន់តែច្រើន ដើម្បីអាចកាន់តែស្និទ្ធស្នាលនឹងគ្នា។

សម្លឹងមើលអ្នកមិនដាក់ភ្នែក
បើសិនជាគេចាប់អារម្មណ៍លើអ្នកមែន គេពិតជាព្យាយាម និងសម្លឹងមកលើអ្នកជាប់ជាមិនខាន។ ដើម្បីជាការតបស្នង អ្នកអាចផ្តល់អោយគេវិញនូវស្នាមញញឹម និងអោយគេដឹងថា អ្នកចាប់អារម្មណ៍ចំពោះការឃើញមុខគេ។ ចូរស្វែងរកនូវសញ្ញាទាំងឡាយដូចជា ការញាក់ចិញ្ចើមលិតមាត់ ឬបើកភ្នែកធំៗជាដើម។

ស្តាប់អ្នកនិយាយ
នៅពេលគេស្តាប់អ្នក ខណៈពេលអ្នកកំពុងតែនិយាយនោះ មានន័យថាអ្នកកំពុងតែទាក់ទាញចំណាប់អារម្មណ៍របស់គេហើយ។ សម្រាប់បុរសម្នាក់ដែលចេះតែនៅស្ងៀមស្ងាត់ ហើយស្តាប់អ្នកនិយាយនោះ រូបគេពិតជាស្រឡាញ់អ្នកប្រាកដណាស់ហើយ។

មិនអាចលាក់ការភ័យខ្លាចបាន
ចូរធ្វើការស្វែងយល់នូវសញ្ញាជាច្រើនដូចជា ការបែកញើសបាតដៃ សើចដោយការភ័យខ្លាច និងចេះតែនៅមិនស្ងៀម។ តើអ្នកដឹងទេថា អ្នកកំពុងតែធ្វើអោយគេភ័យខ្លាច និងភ្ញាក់ផ្អើលក្នុងពេលតែមួយនោះ? ចូរព្យាយាមសម្រួលអារម្មណ៍គេផង។

គេកំពុងតែព្យាយាមទាក់ទាញការយកចិត្តទុកដាក់របស់អ្នក
គេនឹងធ្វើរឿងបន្តិចបន្តួចដូចជា ការចងក្រវ៉ាត់ក ទាញស្រោមជើង ញីសក់ ឈរច្រត់ចង្កេះ យកដៃស្ទាបមុខ អង្អែលថ្ពាល់ ស្ទាបត្រចៀក និងត្រដុសចង្ការជាដើម។ បើសិនជាអ្នកសម្គាល់ថា គេកំពុងតែធ្វើបែបនេះ មានន័យថាគេកំពុងតែចាប់អារម្មណ៍លើអ្នកហើយ៕

មុន បន្ទាប់

មតិយោបល់