ភ្នំពេញ៖ នាពេលបច្ចុប្បន្ននេះ ការចាក់ចង្ការឲ្យស្រួច ជារឿងមួយដ៏ពេញនិយម ដែលមានមនុស្សភាគច្រើន ចង់កែប្រែសម្រស់របស់ខ្លួន ឲ្យស្រស់ស្អាតខ្លាំងថែមមួយកម្រិតទៀត។

កាលពីថ្មីៗនេះដែរ មានរូបថត ២សន្លឹករបស់នារីម្នាក់ ដែលបង្ហាញពីផលប៉ះពាល់នៃការ ចាក់ចង្ការ ដោយស៊ីលីកូន បានធ្វើឲ្យមានការចាប់អារម្មណ៍ ចែកចាយព័ត៌មាននេះបន្ត យ៉ាងច្រើន នៅលើបណ្តាញសង្គមហ្វេសប៊ុក តាំងពីថ្ងៃទី ៤ ខែកញ្ញា ឆ្នាំ២០១៥ កន្លងទៅថ្មីៗនេះ។ បើយោងតាមសារប្រិយមិត្ត បានផ្ញើរមកកាន់ខ្មែរឡូត មានតំណភ្ជាប់ ឬលីង ជាមួយគណនីហ្វេសមួយឈ្មោះ Achorly Bunleng ដែលបានបង្ហោះរូបថតជាសាធារណ:​ បង្ហាញពីស្នាមប្រហោងត្រង់ចង្ការ ហើយនាងបានសរសេរ ខាងលើរូបនោះថា "សូមផុសរឿងពិតតិច ខ្ញុំផ្តាំដល់ស្រីៗ សូមកុំចាក់ស៊ីលីកូនលើផ្ទៃមុខ លទ្ធផលចុងក្រោយ ខ្ទុះស៊ីដូចមុខខ្ញុំចឹង មិនយូរជាង៥ឆ្នាំ " ៕

បន្ទាប់ពីអ្នកបាន ឃើញរូបថតនេះហើយ តើអ្នកនឹងចង់ចាក់ចង្ការ ឲ្យស្រួចទៀតដែរទេ?

រូបថតរបស់នារីម្នាក់ បង្ហាញពីផលប៉ះពាល់ នៃការចាក់ចង្ការ ដោយស៊ីលីកូន

ប្រភព ហ្វេសប៊ុក

ដោយ៖ កា

ខ្មែរឡូត