របៀបកសាងទំនាក់ទំនងល្អ

របៀបកសាងទំនាក់ទំនងល្អ

តើអ្នកធ្លាប់ជួបបញ្ហាដែល សង្សារអ្នកយល់ច្រឡំនឹងអ្វីដែលអ្នកប្រាប់គេដែរទេ? ឬមិត្តភក្តិរបស់អ្នកប្រាប់មនុស្សម្នាក់ទៀតខុសពីអ្វីដែលចង់និយាយទេ? ហើយថាតើអ្នកបានព្យាយាមទាក់ទង ឬបកស្រាយជាមួយគេវិញដោយវិធីណា? ទំនាក់ទំនង គឺជាគន្លឹះដ៏សំខាន់សម្រាប់ការរស់នៅប្រចាំថ្ងៃ។ ទោះបីជាយ៉ាងណាក៏ដោយ វាទាមទារអោយអ្នកមានការខិតខំប្រឹងប្រែង និងជំនាញពិសេសរៀងៗខ្លួន។

សួរសំណួរ
ដើម្បីយល់ដឹងកាន់តែច្បាស់ ចំពោះប្រធានបទដែលត្រូវពិភាក្សានោះ យកល្អគួរតែចោទជាសំណួរ។ ចូរប្រាកដថា អ្នកបានសួរនូវសំណួរ ដែលធ្វើអោយការពិភាក្សាអាចបន្តទៅមុខទៀត ហើយក៏មិនមែនជាសំណួរដែលឆ្លើយត្រឹមតែ Yes ឬ No ដែរ។ ឧទាហរណ៍សំណួរមួយថា “រឿងនោះ តើអ្នកចូលចិត្តអ្វីខ្លះទៅ?” នឹងជួយអោយការសន្ទនាកាន់តែមានឥទ្ធិពលល្អជាងសំណួរថា “តើអ្នកចូលចិត្តរឿងនោះដែរទេ?”។ គោលបំណងរបស់អ្នក គឺដើម្បីបង្កើនប្រសិទ្ធិភាពនៃទំនាក់ទំនង និងការសួរនូវសំណួរដែលមានការច្នៃប្រឌិតល្អ។

មើលភាសាកាយវិការ
ភាសាកាយវិការមានសារៈសំខាន់ក្នុងទំនាក់ទំនង។ ចូរមើលយ៉ាងប្រុងប្រយ័ត្នចំពោះភាសាកាយវិការដែលអ្នកកំពុងតែប្រាប់គេអោយដឹង ព្រោះមនុស្សយើងប្រហែលជាយល់ច្រឡំនូវអ្វីដែលអ្នកពន្យល់គេ បើសិនជាភាសាកាយវិការនោះបង្ហាញអំពីអ្វីមួយផ្សេងពីគំនិតអ្នក។ ការប្រើខ្សែភ្នែក និងយកចិត្តទុកដាក់ពីកាយវិការ អ្នកនឹងមានឱកាសកាន់តែច្រើនក្នុងការបង្កើនប្រសិទ្ធិភាពនៃការធ្វើទំនាក់ទំនង។

ព្យាយាមចាប់អារម្មណ៍ពីយោបល់របស់អ្នកដទៃ
នៅពេលអ្នកស្ថិតក្នុងការពិចារណាចំពោះទស្សនៈរបស់អ្នកដទៃនោះ អ្នកនឹងមានឱកាសកាន់តែល្អក្នុងការធ្វើអោយពួកគេយល់ថា អ្នកបានយកចិត្តទុកដាក់ចំពោះគំនិតទាំងនោះ។

កុំស្មាន
កុំគិតថាគេចូលចិត្តពណ៌ក្រហមដូចអ្នក! កុំគិតថាគេចូលចិត្តអ្វីដូចអ្នក។ ការប៉ាន់ស្មានលើអ្នកដទៃអាចបង្កើតជាបញ្ហាយ៉ាងច្រើន ហើយក៏អាចធ្វើអោយអ្នកបរាជ័យក្នុងទំនាក់ទំនងផងដែរ។

កុំនិយាយលុបពាក្យគេច្រើនពេក
ពេលទាក់ទងជាមួយអ្នកដទៃ យកល្អ អ្នកគួរតែបញ្ជាក់អំពីទស្សនៈរបស់អ្នក ដោយមិនបាច់គ្រប់គ្រងលើយោបល់របស់អ្នកដទៃ ឬការសន្ទនាទាំងមូលពេកឡើយ។ មនុស្សចូលចិត្តបង្ហាញមតិយោបល់រៀងៗខ្លួនរបស់ពួកគេ ហើយបើសិនជាអ្នកយកពេលវេលាទាំងអស់ ដើម្បីគ្រប់គ្រងលើការសន្ទនាតែម្នាក់ឯងនោះ អ្នកដទៃប្រាកដជាគិតថា អ្នកកំពុងតែគ្របលើគេ និងធ្វើអោយអ្នកអាចបាត់បង់ការយកចិត្តទុកដាក់របស់ពួកគេទៀត៕

ព្រភព៖ Health

មុន បន្ទាប់

មតិយោបល់