អតីតមនុស្សជំនិតបំផុត ទម្លាយរឿងរ៉ាវ កាលពីនៅក្មេង របស់មេដឹកនាំកូរ៉េខាងជើង គីម ជុងអ៊ុន

អតីតមនុស្សជំនិតបំផុត ទម្លាយរឿងរ៉ាវ កាលពីនៅក្មេង របស់មេដឹកនាំកូរ៉េខាងជើង គីម ជុងអ៊ុន

ជាមនុស្សម្នាក់ ដែលពិភពលោកទទួលស្គាល់ថា ជាបុរសផ្តាច់ការ និងមិនចេះខ្លាច ព្រមទាំង គ្មានការអាណិតអាសូរទៀតផង។ ខាងក្រោមនេះគឺជា សម្តីរបស់លោក Kenji Fujimoto ជនជាតិជប៉ុន ដែលធ្លាប់ជាអ្នកដែលរស់នៅ ជិតស្និទ្ធជាមួយ និង Jong Un អស់រយៈពេលជាង មួយទសវត្សនោះ នឹងលាតត្រដាងពី ប្រវត្តិកាលពីក្មេងរបស់ មេដឹកនាំម្នាក់នេះ។

យោងតាមសម្តីរបស់លោក Fujimoto វ័យ៦៦ឆ្នាំ ធ្លាប់ជាមេចុងភៅនិង ជាអ្នកជំនិតរបស់លោក Kim Jong Il ដែលត្រូវជាឪពុករបស់ Jong Un និងជាដៃគូដ៏ ល្អបំផុតរបស់ មេដឹកនាំម្នាក់ នេះដែរនោះ បានអោយដឹងថាជិវិតកាល ពីនៅក្មេងរបស់ Jong Un គឺស្ថិតនៅលើ ទ្រព្យសម្បតិ្ត ស្តុកស្តម អ្វីក៏មាន។ ហើយគាត់បានរំឭកថា Jong Un រៀនបើកឡាន តាំងពីនៅអាយុ ៧ឆ្នាំមកម្ល៉េះ ដោយចាប់ផ្តើមរៀន ជាមួយនឹង រថយន្ត Mercedes ដោយគេដាក់ប្រអប់ តូចមួយនៅក្រោមជើង របស់គេសម្រាប់ ដាក់លើឈ្នាន់។

គាត់បានបន្តទៀតថា៖ “ នៅក្នុងវិមាននោះ ខ្ញុំពិតជាមានការងារ ពីរមែនដែលមួយ គឺជាមេចុងភៅ Sushi របស់ Kim Jong Il និងមួយទៀត អាចហៅថា ជាអ្នកមើលថែ កុមារ Jong Un និងលេងជាមួយ រូបគេសឹងតែរាល់ថ្ងៃ។ ខ្ញុំអាចនិយាយបានថា ខ្ញុំជាមនុស្សដ៏ជិតស្និទ្ធ ជាងគេសម្រាប់គាត់ ពេលដែលនៅក្មេង ហើយខ្ញុំចាត់ទុកគាត់ ប្រៀបដូចជាកូនប្រុស ខ្ញុំអញ្ចឹង ”។

" តាំងពីអាយុ៦ឆ្នាំមក រូបគេបានចំណាយពេល ជាច្រើនម៉ោងដើម្បី មកលេងជាមួយខ្ញុំ។ ពួកយើងលេង និងញ៉ាំជាមួយគ្នា ហើយក៏ធ្លាប់គេងក្បែរគ្នា នៅលើគ្រែតែមួយទៀតផង។ Jong Un គឺខុសពីបងប្រុស របស់គេ Jong Chul ដែលមានចរិតទន់ជ្រាយ ហើយ Jong Un ត្រូវបានឪពុក របស់ពួកគេ វាយតម្លៃថា ពិតជាដូចរូបគាត់ នឹងសន្មត់ថារូបគេ គឺជាអ្នកស្នងតំណែង ក្នុងការគ្រប់គ្រងប្រទេសនេះ បន្តពីរូបគាត់។ រីឯបងប្រុសធំ Kim Jong Nam មិនត្រូវបាន ឪពុករបស់គេ ទុកក្នុងចិត្តឡើយ នោះក៏ដោយសារតែ Jong Nam ធ្លាប់បានលួចបន្លំលិខិតឆ្លងដែនក្លែងក្លាយ ដើម្បីទៅលេង រមណីយដ្ឋាន Disney ក្នុងទីក្រុង Tokyo ប្រទេសជប៉ុន ហើយត្រូវគេចាប់បាន។ "

" Jong Un មានចរិតជាអ្នក ដឹកនាំតាំងពីនៅក្មេង ហើយគេស្អប់បំផុតអ្នកណា ដែលហៅគេថាក្មេងតូច។ ចំពោះចំណូលចិត្តវិញ រូបគេចូលចិត្តលេង បាល់បោះជាខ្លាំង ដោយតែងតែលេងក្រោយ បាយពេលល្ងាច ហើយកីឡាករល្បីៗរបស់ NBA ដូចជា Michael Jordan និង Dennis Rodman គឺជាមនុស្ស ដែលគេចូលចិត្តបំផុត។ "

" ពេលវេលាចេះ តែកន្លងផុតទៅ Jong Un ក៏ក្លាយជាមនុស្ស ប្រុសពេញវ័យ រស់នៅក្នុង លក្ខណៈហ៊ឺហា ហើយរូបគេចេះជក់បារី តាំងពីអាយុ១៤ឆ្នាំ តែទោះជា មានការហាមប្រាម ពីគ្រួសារយ៉ាងណាក៏ដោយ ក៏គេនៅតែបន្តការ ជក់បារីជាសម្ងាត់ផងដែរ។ គេឧស្សាហ៍មកគោះទ្វារ បន្ទប់របស់ខ្ញុំ នៅម៉ោង៣ព្រឹក ដើម្បីអោយខ្ញុំកំដរគេ ជិះឡានទៅជក់បារី នៅឯកំពូលភ្នំ ដ៏ស្ងាត់មួយ។ Jong Un ក៏ផឹកស្រាច្រើនផងដែរ ពេលខ្លះគេអាចផឹកស្រា Vodka អស់មួយដបតែម្នាក់ឯង ក៏មានដែរ។ "

" អាយុ១៥ឆ្នាំ Jong Un ត្រូវបានបញ្ជូនទៅរៀន នៅឯសាកលវិទ្យាល័យមួយ នៅឯប្រទេស Switzerland ដោយប្រើឈ្មោះក្លែងក្លាយ Un Park ដើម្បីរស់នៅនិងរៀន នៅទីនោះ តែក្រោយមករូបគេ ក៏ត្រូវបានដកមកកាន់ សាកលវិទ្យាល័យយោធា Kim Il Sung នៅឯទីក្រុងព្យុងយ៉ាង វិញ ក្នុងអាយុ១៨ឆ្នាំ។ "

លោក Fujimoto បាននិយាយជា ចុងក្រោយថា៖ " ក្នុងវ័យជំទង់ Jong Un ត្រូវបានឪពុករបស់គេ ជឿជាក់ថារូបគេជា មនុស្សម្នាក់ដែល មិនចេះស្រឡាញ់ស្រី តែផ្ទុយស្រឡះរូបគេ ក៏បានរៀបការជាមួយ នឹងប្រពន្ធដ៏ស្រស់ស្អាត ដែលមានឈ្មោះថា Ri Sol-Ju។ "

គួររំឭកផងដែរថា មេដឹកនាំវ័យក្មេងម្នាក់នេះ បានធ្វើអោយពិភពលោក មានការភ្ញាក់ផ្អើលជាខ្លាំង បន្ទាប់ពីបានសម្រេចចិត្ត ប្រហារជិវិត ពូបង្កើតរបស់លោកទាំងគ្រួសារ ដោយមិនមាន ក្តីអាណិតអាសូរ៕

រូបថតជួបជុំគ្នាវិញ រវាងលោក Fujimoto និង មេដឹកនាំ កូរ៉េខាងជើង Kim Jong-Un កាលពីឆ្នាំ ២០១២ ក្រោយពីលោក Fujimoto បានចាកចេញពីកូរ៉េខាងជើង អស់ជាច្រើនសិបឆ្នាំ កន្លងមក