ណាត់ជួបគ្នាដំបូង គួរនិយាយពីអ្វី?

ណាត់ជួបគ្នាដំបូង គួរនិយាយពីអ្វី?

ថ្ងៃណាត់ជួបគ្នាដំបូងអាចនឹងក្លាយទៅជារឿងដ៏ក្តៅគគុក អន្ទះអន្ទែង និងជ្រួលច្របល់ ពីព្រោះតែភាគីម្ខាងកំពុងតែព្រួយបារម្ភថាតើ គួរលើកយករឿងអ្វីខ្លះមកជជែកគ្នា។ ដូច្នេះហើយ ដើម្បីបង្កើតអោយមានការចាប់អារម្មណ៍ ភាពស្និទ្ឋស្នាល ឬនិយាយគ្នាបានយូរបាននោះ អ្នកគួរតែមានទំនុកចិត្តទៅលើអ្វីគ្រប់យ៉ាងដែលអ្នកនិយាយ។

ការជជែកគ្នាអាចធ្វើអោយការណាត់ជួបរបស់អ្នកក្លាយទៅជារឿងល្អ ឬអាក្រក់បាន។ នោះហើយគឺជាមូលហេតុដែលអ្នកគួរតែរៀបចំគម្រោងអោយបានល្អ។ អ្នកអាចធ្វើទៅតាមវិធីសាស្ត្រដូចខាងក្រោម ៖

ចូរប្រាកដថា អ្នកបានត្រៀមខ្លួនរួចរាល់អស់ហើយមុននឹងណាត់ជួបគ្នា។ មិនត្រូវសួរសំណួរច្រើនពេកទេ។ ចូរជ្រើសរើសប្រធានបទណាដែលកំប្លែង សាមញ្ញ និងស្រួលឆ្លើយឆ្លងគ្នា។ ចូរចាប់ផ្តើមនិយាយលើប្រធានបទណាមួយដែលជារឿងទូទៅសម្រាប់អ្នកទាំងពីរតែម្តង ហើយរឿងនេះនឹងជួយលុបបំបាត់ភាពថប់អារម្មណ៍ពេលជួបគ្នាដំបូងបានទៀតផង។
មិនត្រូវបញ្ចូលខ្លួនឯងទៅក្នុងការពិភាក្សា។ ចូរចៀសវាងការគិតអំពីរឿងផ្ទាល់ខ្លួនច្រើនពេក យកល្អគួរតែកុំសួរសំណួរទាក់ទងនឹងបញ្ហាផ្ទាល់ខ្លួនទាំងអស់។
ខណៈពេលកំពុងតែនិយាយគ្នា ចូរចាប់អារម្មណ៍ទៅលើអ្វីដែលគេកំពុងតែនិយាយ ដោយមិនត្រូវប្រញ៉ាប់ចាប់ផ្តើមប្រធានបទថ្មីពេកឡើយ។
និយាយរឿងកំប្លែងដើម្បីអោយការសន្ទនាកាន់តែរស់រវើក ហើយអ្នកក៏នឹងអាចចែករំលែកព័ត៌មានផ្ទាល់ខ្លួនអ្នកបានយ៉ាងងាយ។
អ្នកអាចចែករំលែកក្តីសុបិន្ត គោលដៅ ឬភាពជោគជ័យរបស់អ្នក ហើយរឿងនេះនឹងជួយអោយអ្នកកាន់តែយល់ចិត្តគ្នាបន្ថែមទៀត។
សាកល្បងនិយាយអំពីចំណាប់អារម្មណ៍ និងចំណង់ចំណូលចិត្តនៅពេលទំនេរ ព្រោះវាអាចជួយអោយអ្នកស្វែងយល់ពីគ្នាបានដោយងាយស្រួល៕

ប្រភព៖ Health

មុន បន្ទាប់

មតិយោបល់