តើអ្វីទៅដែលធ្វើអោយមានភាពតានតឹងដល់ស្នេហារបស់អ្នក?

តើអ្វីទៅដែលធ្វើអោយមានភាពតានតឹងដល់ស្នេហារបស់អ្នក?

មិនមានចំណងស្នេហាណាមួយដែលងាយស្រួល១០០ភាគរយនោះទេ។ ស្ថិតក្នុងទំនាក់ទំនងស្នេហាដ៏យូរអង្វែងមួយ វាអាចនឹងមានភាពតានតឹងមួយចំនួនតូចកើតមានក្នុងជិវិតជាមិនខាន។ កូន, បញ្ហាលុយកាក់, ការងារ និងភាពអសន្តិសុខសុទ្ធតែអាចប៉ះពាល់ដល់ស្នេហាអ្នកបានទាំងអស់។

កូន
បើសិនជាអ្នកកំពុងតែមានគម្រោងយកកូន ចូរយល់ថា ស្នេហារបស់អ្នកនឹងមិនមានការប្រែប្រួលអ្វីឡើយ។ ការបង្កើតកូននឹងមិនគ្រាន់តែធ្វើអោយមានទំនួលខុសត្រូវកាន់តែច្រើនទេ តែក៏មិនមានពេលវេលាច្រើនសម្រាប់អ្នកនៅជាមួយដៃគូដែរ។ ការងារនិងថាមពលនៃការយចិត្តទុកដាក់ និងបង្រៀនកូនមានន័យថា វានឹងផ្តល់ស្ត្រេសកាន់តែច្រើនក្នុងនាមជាឪពុកម្តាយ។ ក្មេងម្នាក់ក៏ធ្វើអោយមានភាពច្រណែនចំពោះស្នេហាអ្នកដែរ។ ឧទាហរណ៍ ឪពុកប្រហែលជាច្រណែនថា ម្តាយកំពុងតែចំណាយពេលវេលាកាន់តែច្រើនចំពោះកូនជាងរូបគាត់ ឬមិនសប្បាយចិត្តទាល់តែសោះពេលដែលម្តាយមានទំនាក់ទំនងជាមួយកូនខ្លាំងជាងគាត់។

លុយកាក់
បញ្ហាលុយកាក់អាចបង្កើតភាពតានតឹងដល់ស្នេហាច្រើនណាស់។ បើសិនជាលុយជាចំណងយ៉ាងតឹងនោះ វាច្រើនតែធ្វើអោយមនុស្សម្នាក់ឈ្លោះគ្នានឹងដៃគូរបស់ខ្លួនបាន។ ម្យ៉ាងវិញទៀត លុយអាចក្លាយទៅជាប្រធានបទដ៏តានតឹងខ្លាំងមួយនៅពេលគូសង្សាមិនយល់ស្របនឹងរបៀបនៃការចំណាយវាតែម្តង។ មនុស្សស្រីយល់ឃើញថាលុយគឺជារបស់ដែលមានសន្តិសុខ និងបារម្ភច្រើនអំពីការទុកដាក់ ចំណែកឯបុរសវិញទំនងជាចាយលុយខ្ជះខ្ជាយទៅវិញ។

ការងារ
ស្ត្រេសចំពោះការងារអាចក្លាយទៅជារឿងពិបាកក្នុងការបំពេញតួនាទី។ វាអាចជារឿងងាយណាស់ក្នុងការផ្តល់ជាសម្ពាធមួយដល់ផ្ទះ និងជះកំហឹងដាក់ដៃគូទៀតផង។ ក្នុងពេលដែលមានភាពតានតឹងខ្លាំងនៅកន្លែងធ្វើការ វាអាចនឹងពិបាកក្នុងការបែងចែកស្ត្រេសការងារចេញពីស្ត្រេសដោយសារស្នេហាណាស់។ ស្ត្រេសនៅកន្លែងការងារក៏អាចមានឥទ្ធិពលទៅលើស្នេហាមួយបានដែរបើសិនជាមនុស្សម្នាក់មានអារម្មណ៍ថា ការងាររបស់មនុស្សម្នាក់ទៀតកំពុងតែមានអតិភាពច្រើនជាងស្នេហារបស់គេ។

មិនមានសន្តិសុខ
បើសិនជាមនុស្សម្នាក់មិនមានសន្តិសុខចំពោះស្នេហាទេ វាមិនត្រឹមតែធ្វើអោយគាត់មានភាពតានតឹងទេ តែភាពតានតឹងនោះក៏កើតមានចំពោះដៃគូគាត់ទៀតដែរ។ នៅពេលមនុស្សម្នាក់មានអារម្មណ៍ថាគ្មានផាសុខភាពហើយ គាត់ទំនងជាសង្កេតមើលអាកប្បកិរិយា និងការចង់បានរបស់ដៃគូបែរជាមានជាប់ទាក់ទងនឹងការឆ្លើយតបបែបអវិជ្ជមានបាន៕

ប្រភព៖ Health

មុន បន្ទាប់

មតិយោបល់