គួរធ្វើដូចម្តេចទើបពង្រឹងដល់ជីវិតគ្រួសារបាន

គួរធ្វើដូចម្តេចទើបពង្រឹងដល់ជីវិតគ្រួសារបាន

ការបង្កើតទំនាក់ទំនងវិជ្ជមានរវាងឪពុកម្តាយ និងកូនគឺជារឿងមួយដែលទាមទារអោយកើតមាន ព្រមទាំងខិតខំធ្វើវាអោយបានខ្លាំង និងជោគជ័យ។ ក្នុងនាមជាឪពុកម្តាយគឺជាការងារដែលពិបាកបំផុតមួយ ហើយការថែរក្សាទំនាក់ទំនងដែលស្និទ្ធស្នាល និងបើកចំហរអាចជួយអោយឪពុកម្តាយ និងកូនពួកគេរស់នៅមានទំនាក់ទំនងគ្នាបានគ្រប់អាយុតែម្តង។ ខាងក្រោមនេះគឺជាវិធីសាស្ត្រងាយៗដែលអាចជួយផ្សារភ្ជាប់ទំនាក់ទំនងរវាងឪពុកម្តាយ និងកូនបាន។

និយាយថាខ្ញុំស្រឡាញ់អ្នក
ចូរប្រាប់កូនថា អ្នកស្រឡាញ់គេជារៀងរាល់ថ្ងៃ មិនខ្វល់ថាគេមានអាយុប៉ុន្មានឡើយ។ គ្រាន់តែឃ្លាធម្មតាៗថា “ខ្ញុំស្រឡាញ់អ្នក” នេះអាចជួយអោយកើតមានទំនាក់ទំនងដ៏រឹងមាំ និងខ្លាំងក្លាបាន ដូច្នេះអ្នកគួរតែសាកល្បងវាហើយ។

បង្រៀនពីជំនឿរបស់អ្នក
ចូរបង្រៀនកូនអ្នកអំពីជំនឿរបស់អ្នកផង។ ចូរប្រាប់កូននូវអ្វីដែលអ្នកជឿជាក់ និងមូលហេតុផងទៅ។ ចូរចំណាយពេលវេលាអ្នកសម្រាប់កូនដើម្បីសួរសំណួរ និងឆ្លើយដោយស្មោះត្រង់ចំពោះគេទៅ។ ហើយអ្នកក៏គួរតែប្រើវិធីបង្រៀននេះអោយបានញឹកញាប់ផង។

បង្កើតឈ្មោះពិសេស ឬលេខកូដ
ចូរបង្កើតឈ្មោះពិសេសអោយកូនដែលថានោះគឺជាន័យវិជ្ជមាន និងពិសេស ឬលេខកូដសម្ងាត់មួយដែលអ្នកអាចប្រើរវាងគ្នាទៅវិញទៅមកបាន។ ចូរប្រើឈ្មោះនោះដើម្បីបញ្ជាក់អំពីក្តីស្រឡាញ់របស់អ្នកទៅ។ លេខកូដអាចបង្កើតចំពោះន័យពិសេសរវាងកូនអ្នក និងអ្នកដើម្បីអាចយល់ដឹងគ្នាបានយ៉ាងល្អថែមទៀត។ លេខកូដនេះអាចប្រើប្រាស់ដើម្បីបំបាត់នូវស្ថានភាពិនស្រួលក្នុងអារម្មណ៍របស់កូនបាន ជាពិសេសការអៀនខ្មាស់របស់គេតែម្តង។

បង្កើត និងថែរក្សាពេលវេលាលើគ្រែដែលពិសេស
សម្រាប់ក្មេងតូចៗ ការអានសៀវភៅរឿងដែលគេចូលចិត្ត ឬនិទានរឿងគឺជារឿងដ៏សំខាន់មួយដើម្បីអាចអោយជីវិតកាន់តែស្រស់បំព្រងក្នុងគ្រួសារ។ ក្មេងដែលមានអាយុច្រើនហើយក៏គួរតែយកចិត្តទុកដាក់ដូចគ្នាដែរ។ នៅពេកក្មេងចាប់ផ្តើមអានសៀវភៅ, ចូរអោយពួកគេអានអោយអស់មួយទំព័រ, ជំពូក ឬសៀវភៅរឿងខ្លី។

អោយកូនជួយ
ឪពុកម្តាយមានពេលខ្លះក៏ខកខានឱកាសបង្កើតភាពស្និទ្ធស្នាលជាមួយកូនខ្លួនដែរ ជាពិសេសការដែលមិនបានអោយពួកគេជួយការងារដែលខ្លួនកំពុងតែធ្វើ។ ការរឺឥវ៉ាន់ចេញពីកន្ត្រក់ក្រោយពីមកពីផ្សាវិញគឺជាឧទាហរណ៍ដ៏ល្អមួយដែលកូនគួរតែដើរតួជាជំនួយដល់អ្នក។ ការជ្រើសរើលស្បែកជើងណាមួយដែលសមនឹងសម្លៀកបំពាក់អាចជួយអោយកូនដឹងថាអ្នកនឹងមានគំនិតយោបលបែបណា។

លេងជាមួយកូនអ្នក
អ្វីដែលជាចំណុចសំខាន់នោះគឺថាអ្នកគួរតែលេងជាមួយកូនអោយបានច្រើន។ ចូរលេងជាមួយតុក្កតា, ច្រៀងចម្រៀង ឬអ្វីក៏ដោយអោយតែសប្បាយ និងមានការចាប់អារម្មណ៍។ មិនខ្វល់ថាអ្នកលេងអ្វីឡើយ អោយតែអ្នកទាំងពីររីករាយជាមួយគ្នាទៅបានហើយ។ ចូរអោយកូនអ្នកមើលឃើញភាពអៀនខ្មាស់របស់អ្នកផងទៅ។ ក្មេងដែលអាយុច្រើនចូលចិត្តការលេងបៀរ, អុក,ឬ កុំព្យូទ័រហ្គេម ចំណែកឯក្មេងតូចៗនឹងចូលចិត្តលេងអ្វីដែលសប្បាយកាលណាមានរូបអ្នកចូលរួម៕