កំហុសខាងទំនាក់ទំនងដែលអ្នកជំនួញគួរយល់ដឹង

កំហុសខាងទំនាក់ទំនងដែលអ្នកជំនួញគួរយល់ដឹង

ក្នុងនាមជាអ្នកធ្វើជំនួញម្នាក់ អ្នកនឹងត្រូវប្រឈមមុខនឹងការលំបាកជាច្រើនជាពិសេស ការកំណត់កន្លែងក្រុមហ៊ុនក្នុងទីផ្សាជំនួញតែម្តង។ កំហុសខាងទំនាក់ទំនងប្រហែលជាកើតឡើងនៅពេលអ្នកបង្កើតទំនាក់ទំនងជាមួយអតិថិជន និងអ្នកផ្គត់ផ្គង់។ យកល្អគួរតែសិក្សាចាប់ពីកំហុសខាងទំនាក់ទំនងរបស់អ្នកសិនមិនខ្វល់ថាអ្នកប្រើបច្ចេកវិទ្យាទំនាក់ទំនងបែបណានោះទេ។

ការទំនាក់ទំនងតាមទូរស័ព្ទ
កំហុសមួយចំនួននឹងកើតឡើងនៅពេលអ្នកស្ថិតក្នុងស្ថានភាពរហន់ពេក ព្រមទាំងជ្រើសរើសរបៀបទំនាក់ទំនងដែលមិនត្រឹមត្រូវ។ ឧទាហរណ៍ មានកំហុសធំៗបីយ៉ាងដែលអ្នកបង្កើតឡើងនៅពេលប្រើទូរស័ព្ទ។ ទីមួយ អ្នកប្រហែលជាឆ្លើយតបនឹងអ៊ីម៉េលដែលសំខាន់ណាមួយ ប៉ុន្តែបែរជាមានកំហុសចំពោះការសរសេរមិនត្រូវពាក្យ និងវេយ្យករណ៍ ក្នុងពេលសរសេរតាមទូរស័ព្ទ។ ទីពីរ អ្នកប្រហែលជាយល់ច្រឡំព័ត៌មានខ្លះដូចជា តាមរយៈការមើលរបាយការណ៍ឡើងវិញតាមទូរស័ព្ទដែលតូចពេក, ពិបាកអាន និងការទំនាក់ទំនងទៅអតិថិជនដោយសារតែការយល់ច្រឡំទាំងនោះ។ ទីបី អ្នកប្រហែលជាសន្យាថានឹងឆ្លើយតបអ្វីមួយដែលពិសេសទៅនរណាម្នាក់ បន្ទាប់មកប្រើទូរស័ព្ទឆ្លាតវៃដើម្បីជំនួសកុំព្យូទ័រទៅវិញ។

ការផ្សព្វផ្សាយ
ម្ចាស់ជំនួញក៏អាចសាងកំហុសដ៏សំខាន់ជាច្រើនដែរចំពោះសាខាមុខជំនួញរបស់ខ្លួន។ បញ្ហាទីបួននោះគឺថា វាគឺជារឿងទាក់ទងនឹងការប្រើប្រាស់របៀបផ្សាយពាណិជ្ជកម្ម និងសារផ្សព្វផ្សាយដើម្បីបង្កើនទស្សនៈនៃប្រភេទផលិតផលរបស់អ្នកដូចជា សេវាកម្មអតិថិជនដ៏ឆ្លាតវៃ ជាដើម។ ទីប្រាំ អ្នកប្រហែលជាប្រើសារផ្សព្វផ្សាយដើម្បីផ្តល់ភាពងាយស្រួលដល់អតិថិជនដែលថាផលិតផលអ្នកមានលក្ខណៈល្អជាងផលិតផលរបស់ក្រុមហ៊ុនប្រកួតប្រជែង។ វិធីសាស្ត្រមួយនេះមិនគួរណាប្រើដើម្បីធ្វើទំនាក់ទំនងតម្លៃរបស់ក្រុមហ៊ុនឡើយ លុះត្រាតែអ្នកអាចទាញយកការប្រៀបធៀបនូវការពិតប្រាកដរបស់វា។

ការគ្រប់គ្រង
ម្ចាស់ជំនួញច្រើនតែបំពេញតួនាទីជាអ្នកគ្រប់គ្រង ជាពិសេសនៅពេលពួកគេត្រូវបង្កើតការសម្រេចចិត្តដ៏សំខាន់ៗក្នុងការងារប្រចាំថ្ងៃ។ កំហុសទីប្រាំមួយនោះគឺថា អ្នកបានបង្កើតការសម្រេចចិត្តដែលប្រញាប់ប្រញាល់ពេក និងប្រកាសអោយបុគ្គលិកដឹង។ ការធ្វើអ្វីៗដែលទាន់ហន់បែបនេះអាចក្លាយទៅជាបញ្ហាកាន់តែច្រើនសម្រាប់ថ្ងៃក្រោយ។ កំហុសទីប្រាំពីរនោះគឺជាការប៉ាន់ស្មានទៅលើភាពឆ្លាតវៃនៃសារដែលផ្ញើរអោយគេ។ មុនពេលធ្វើលិខិត ឬសារអោយអតិថិជន ចូរពិចារណាទៅលើកម្រិតនៃការយល់ដឹងរបស់ភ្ញៀវផង។ អ្នកពិតជាមិនចង់អោយមានប្រតិកម្មដែលគ្មានការរំពឹងទុកទៅលើសារ ឬលិខិតអ្នក ដែលអាចផ្តល់ផលវិបាកដល់ក្រុមហ៊ុនឡើយ។ កំហុសទីប្រាំបីគឺជាការនិយាយមិនត្រង់នៅពេលអតិថិជនសុំអ្នកអោយទទួលខុសត្រូវលើការសម្រេចចិត្តទាំងឡាយ ហើយភាពស្មោះត្រង់តែងតែជាគោលការណ៍ដ៏ល្អបំផុត។

ការទំនាក់ទំនងផ្ទាល់ខ្លួន
ក្នុងនាមជាម្ចាស់ជំនួញម្នាក់ មិនគួរណាសាងកំហុសទីប្រាំបួន តាមរយៈការបណ្តោយអោយជីវិតការងារអ្នកមានភាពរអាក់រអួលនឹងជីវិតផ្ទាល់ខ្លួន។ ឧទាហរណ៍ មិនត្រូវធ្វើការទំនាក់ទំនងពាណិជ្ជកម្មនៅផ្ទះឡើយ។ កំហុសចុងក្រោយដែលត្រូវចៀសវាងនោះគឺ ការដោះស្រាយជាមួយអតិថិជនដោយកំហឹង ជាពិសេសពេលអ្នកអស់កម្លាំងតែម្តង។ ដូច្នេះចូរជ្រើសរើសពេលវេលាព្រឹកឡើងដើម្បីដោះស្រាយនឹងការត្អូញត្អែររបស់អតិថិជន និងធ្វើទៅតាមការសន្យារបស់អ្នកទៅ៕

ប្រភព៖ Health

មុន បន្ទាប់

មតិយោបល់