តើការដេកទាំងមុខជាប់គ្រឿតុបតែងពិតជាមានហានិភ័យមែនឬ?

តើការដេកទាំងមុខជាប់គ្រឿតុបតែងពិតជាមានហានិភ័យមែនឬ?

ចំពោះសំណួរនេះអាចឆ្លើយបានយ៉ាងលឿនថា ពិតប្រាកដណាស់។ តាមការសង្កេតមួយក្នុងរដូវក្តៅនេះបានរកឃើញថា មានស្ត្រីមួយភាគបីហើយដែលដេកទាំងខ្លួនមិនបានលាងសម្អាតគ្រឿងតុបតែងមុខចេញយ៉ាងហោចណាស់ ២យប់ក្នុងមួយសប្តាហ៍។ ការធ្វើបែបនេះអាចធ្វើអោយស្ទះដល់រន្ធញើស និងក្រពេញបញ្ចេញជាតិប្រេងរបស់ស្បែកបាន។ នៅពេលគ្រឿងតុបតែងមុខប៉ះពាល់ដល់រន្ធញើសហើយ វាអាចធ្វើអោយរន្ធញើសនោះរីកកាន់តែធំ។ ជាអកុសល្យ ចាប់តាំងពីកម្រិតកូឡាជែននៅស្បែកអ្នកត្រូវថយចុះទៅតាមអាយុមក រន្ធញើសនឹងមិនអាចវិវត្តន៍មកទំហំដើមបានដោយងាយនោះទេ។

មិនត្រឹមតែការត្បិតត្បៀតលាងសម្អាតរន្ធញើស និងការរីកធំនៃរុន្ធញើសធ្វើអោយមានបញ្ហាទេ តែការខកខានមិនបានលាងសម្អាតមុខនៅពេលយប់ក៏អាចធ្វើអោយមានការរលាក ដែលអាចបង្កើតជារ៉ាឌីកាលសេរី និងនាំអោយកម្រិតកូឡាជែនចុះថយដែរ (កូឡាជែនគឺជាសារធាតុដ៏អស្ចារ្យមួយប្រភេទដែលជួយស្បែកមានភាពរឹងមាំ)។ កត្តាទាំងនេះគួបផ្សំនឹងរន្ធញើសរីកធំទៀតអាចធ្វើអោយស្បែកអ្នកកាន់តែឆាប់ចាស់។ ដូច្នេះយកល្អគួរតែលះបង់ទម្លាប់មិនបានលាងសម្អាតគ្រឿងតុបតែងមុខចោលទៅចៀសវាងមានបញ្ហាច្រើនកើតមាននៅថ្ងៃមុខ។

ពេលធ្វើដំណើរអស់កម្លាំងខ្លាំងពេកតើខ្ញុំអាចលាងសម្អាតមុខបានទេ? ការដែលលាងសម្អាតគ្រឿងផាត់មុខចេញពេលដេក នឹងជួយកំចាត់ចោលរាល់គ្រឿងផាត់មុខចោលបានទាំងអស់តែម្តង។ បើសិនជាអ្នកកំពុងតែលាងមុខជារៀងរាល់យប់ហើយនៅតែជួបបញ្ហាស្បែកទៀត ចូរពិនិត្យឡើងវិញក្រែងមានកំហុសក្នុងពេលលាងសម្អាត៕

មុន បន្ទាប់

មតិយោបល់