តើឬសត្រូវព្យាបាលយ៉ាងដូចម្តេច?

តើឬសត្រូវព្យាបាលយ៉ាងដូចម្តេច?

ឬសគឺជាការរំខាន ហើយមានការលូតលាស់ដោយអ្នកមិនដឹងខ្លួនដែលអាចមាននៅគ្រប់ទីកន្លែងនៅលើស្បែកដែលជាញឹកញាប់បំផុតមាននៅលើដៃ ឬជើង ហើយម្តងម្កាលអាចមានការហូរឈាម មានការរមាស់ ឬបណ្តាលអោយមានការឈឺចាប់។ វាមានរូបរាងស្រដៀងទៅនឹងផ្កាខាត់ណា។ មានវិធីផ្សេងគ្នាជាច្រើនដើម្បីព្យាបាលការកើតឬស ហើយវាក៏អាចនឹងភាពស្មុគស្មាញក្នុងការបំបាត់វាអោយអស់តែម្តង។ ឬសត្រូវបានបង្កឡើងដោយវីរុសHPVដែលមានច្រើនជាង១០០ប្រភេទខុសគ្នា ពួកវាមួយចំនួនបណ្តាលអោយមានឬសកើនឡើងនៅកន្លែងផ្សេងៗគ្នានៅលើរាងកាយ។ មេរោគនេះត្រូវបានគេគិតថាបង្ករោគនៅលើស្រទាប់លើបំផុតនៃស្បែក(epidermis)តាមរយៈការមានរបួសលើស្បែក។ វាជាវីរុសដែលឆ្លង ហើយឬសអាចឆ្លងបានតាមរយៈទំនាក់ទំនងដោយផ្ទាល់ ឬដោយប្រយោលតាមរយៈការប្រើប្រាស់កន្លែង ឬវត្ថុប្រើប្រាស់រួមគ្នា។ ការព្យាបាលដោយខ្លួនឯងតាមវិធីបុរាណមួយចំនួនមិនត្រូវបានគេឃើញថា មានប្រសិទ្ធភាពនោះទេក្នុងការសិក្សា។ ឬសមួយចំនួននឹងបាត់ទៅវិញដោយឯកឯង បន្ទាប់ពីពីរបីខែទៅមួយឆ្នាំ។ ឬសអាចត្រូវបានព្យាបាលតាមវិធីជាច្រើន។ វិធីដែលគេនិយ័មបំផុតគឺការប្រើថ្នាំដែលមានពពួក salicylic acid។ វិធីមួយផ្សេងទៀតគឺការប្រើប្រាស់សារធាតុរាវដែលមានdimethyl និងpropane ដែលទៅបង្កកឬសនោះ។ ប្រសិនបើការព្យាបាលទាំងនេះមិនមានប្រសិទ្ធភាព អ្នកគួរពិគ្រោះជាមួយគ្រូពេទ្យ។ គ្រូពេទ្យអាចប្រើថ្នាំដែលខ្លាំងៗមួយចំនួនទៀតដូចជា cantharidin ឬ cryosurgeryដែលជាប្រភេទមួយនៃការព្យាបាលដោយសារធាតុត្រជាក់ទៅកាត់ឬសនោះចេញ។ ឬសដែលពិបាកខ្លាំងអាចត្រូវបានកាត់យកចេញដោយប្រើអគ្គីសនី(electrosurgery) ឬឡាស៊ែរ ឬដោយការវះកាត់។ បច្ចេកទេសវះកាត់យកចេញទាំងនេះអាចទុកស្លាកស្នាម ហើយឬសអាចកើតឡើងមកវិញជាថ្មីនៅក្នុង ឬនៅជិតស្នាមទាំងនោះ៕

មុន បន្ទាប់

មតិយោបល់