គួរ​ញ៉ាំ​ទឹក​យ៉ាងណា ទើប​សម្រក​ខ្លាញ់​ក្បាលពោះ​បាន​?

គួរញ៉ាំទឹកយ៉ាងណា ទើបសម្រកខ្លាញ់ក្បាលពោះបាន?

26.8K

ចំពោះមនុស្សដែលស្រឡាញ់រាងស្អាត ជាពិសេសស្ត្រីភេទ តែងតែប្រាថ្នា មិនចង់បានទេ នូវការដុះខ្លាញ់ក្បាលពោះ ដូច្នេះ ពួកគេច្រើនតែប្រើវិធីហាត់ប្រាណ ដើម្បីសម្រកក្បាលពោះ។ ជាមួយគ្នានោះដែរ បើសិនជាទទួលបានជោគជ័យ វាពិតជារឿងមួយគួរឱ្យសប្បាយចិត្តណាស់ ប៉ុន្តែ ក៏មានមនុស្សជាច្រើន មិនទទួលបានជោគជ័យដែរ។ ហេតុដូច្នេះហើយ សូមកុំទាន់អស់សង្ឃឹមអី ព្រោះគ្រាន់តែទទួលទានទឹក ក៏អាចសម្រកខ្លាញ់ក្បាលពោះ បានយ៉ាងល្អដែរ។

ញ៉ាំទឹកត្រជាក់

ការទទួលទានទឹកត្រជាក់ នឹងធ្វើឱ្យការរំលាយអាហារក្នុងរាងកាយ ធ្វើការកាន់តែខ្លាំងទៅៗ ដើម្បីបញ្ចុះសីតុណ្ហភាព តាមរយៈការប្រើប្រាស់ទឹក។

ផឹកទឹកមួយកែវពេញ នៅពេលភ្ញាក់ពីដេក

រឿងនេះ នឹងជួយបង្កើនការរំលាយអាហារ និងជួយច្រោះជាតិពុល ពីក្នុងខ្លួនបានដែរ។ ក្រៅពីនេះ ការទទួលទានទឹកច្រើន នៅពេលព្រឹក នឹងបង្ការកុំឱ្យអ្នកញ៉ាំអាហារច្រើនៗ នៅព្រឹកឡើងដែរ។

ញ៉ាំទឹក យ៉ាងហោចណាស់ ៨ កែវឡើងទៅ ក្នុងមួយថ្ងៃ

នៅពេលអ្នកខ្សោះជាតិទឹក រាងកាយនឹងរក្សាទឹកកាន់តែច្រើន ជាពិសេស ក្នុងកោសិកាខ្លាញ់តែម្តង។ តាមរយៈការបង្គ្រប់ជាតិទឹក ឱ្យបានគ្រប់គ្រាន់ រាងកាយនឹងមិនអាចរក្សាទឹកច្រើន ក្នុងកោសិកាខ្លាញ់ទេ ហើយកោសិកាខ្លាញ់ទាំងនោះ នឹងថយចុះទំហំដែរ។

ញ៉ាំអាហារបណ្តើរ ញ៉ាំទឹកបណ្តើរ

ការធ្វើបែបនេះ នឹងជួយបន្ថយល្បឿន នៃការញ៉ាំអាហារ និងឱ្យញ៉ាំអាហារ ឆាប់ឆ្អែតផងដែរ។

ដាក់ទឹក តាមខ្លួនជានិច្ច

ការធ្វើបែបនេះ នឹងជួយឱ្យអ្នក មិនចង់ញ៉ាំអាហារសម្រន់ ឬផឹកភេសជ្ជៈខុស នៅពេលស្រេកទឹកដែរ៕

ត្រួតពិនិត្យដោយ www.health.com.kh ថ្ងៃទី15 ឧសភា ឆ្នាំ2015

មុន បន្ទាប់

មតិយោបល់