ពេលអត់ស្រួលខ្លួន គួរធ្វើបែបណាទៅ?

ពេលអត់ស្រួលខ្លួន គួរធ្វើបែបណាទៅ?

879

តើអ្នកកំពុងតែអត់ស្រួលខ្លួន ដោយសារផ្តាសាយមែនទេ? នៅពេលអ្នកយល់ថា ខ្លួនដូចជាមានជំងឺ អ្នកនឹងមានអារម្មណ៍ថាអស់កម្លាំង។ ខាងក្រោមនេះ គឺជាវិធីសាស្ត្រមួយចំនួន ដើម្បីជួយអ្នក ឱ្យរួចផុតពីអារម្មណ៍មិនស្រួលខ្លួនបាន។
ញ៉ាំអាហារក្តៅៗ

នៅពេលអ្នកមិនស្រួលខ្លួន ចូរញ៉ាំអាហារក្តៅៗ ដូចជាស៊ុប និងតែជាដើម។ វាគឺជាវិធីសាស្ត្រដ៏ល្អ ដើម្បីជួយថែរក្សារាងកាយ ឱ្យនៅកក់ក្តៅ។ បើសិនជាអ្នកឈឺបំពង់ក ចូរផឹកទឹកតែខ្លះ ដើម្បីសម្រួលដល់ការឈឺនោះ។ ចូរប្រាកដថា អ្នកបានបង្គ្រប់ជាតិទឹកក្នុងខ្លួន បានច្រើនតាមតែអាចធ្វើទៅបាន ដោយការផឹកទឹកនេះឯង។ ទឹកផ្លែឈើ ដែលសម្បូរវីតាមីន C (ក្រេនបឺរី ក្រូច ស្វាយ) នឹងជួយពង្រឹងប្រព័ន្ធភាពស៊ាំ ដើម្បីឱ្យឆាប់ជាពីជំងឺ។

ផឹកទឹកស៊ុបក្តៅៗ

វានឹងជួយអ្នកបាន បើសិនជាអ្នក មានអាការៈផ្តាសាយ ក្អក ឬឈឺបំពង់ក។ ទឹកស៊ុប ដែលសម្បូរវីតាមីន C និងប្រូតេអ៊ីន គឺជារបស់ដ៏ល្អមួយ នៅពេលអ្នកមានជំងឺ ហើយស៊ុបមាន់ ក៏ត្រូវបានគេទទួលស្គាល់ថា អាចព្យាបាលអាការៈផ្តាសាយបានដែរ។

បង្គ្រប់ជាតិទឹកក្នុងខ្លួន

ទឹក តែ និងភេសជ្ជៈផ្សេងៗទៀត អ្នកគួរតែទទួលទានឱ្យបានច្រើន។ ទោះបីជាការផឹកទឹកដោះគោ ប្រហែលជាធ្វើឱ្យស្លេសកាន់តែខាប់ និងកាន់តែធ្វើឱ្យ បំពង់កឈឺជាងធម្មតាក៏ដោយ តែក៏វាមិនធ្វើឱ្យរាងកាយ ផលិតស្លេសកាន់តែច្រើនថែមទៀតដែរ។ យកល្អ គួរតែទទួលទានទឹកធម្មតា ដែលគ្មានជាតិផ្អែម។

ញ៉ាំអាហារមានជីវជាតិ
ចូរញ៉ាំអាហារណា ដែលផ្តល់សុខភាព។ អាហារសម្រន់ ជាប្រភេទគ្រាប់សណ្តែក និងផ្លែឈើ ឬបន្លែស្រស់ៗ គួរតែជារបស់ ដែលត្រូវការហើយ ព្រោះវាអាចជួយជំរុញ ដល់ប្រព័ន្ធភាពស៊ាំ និងជួយឱ្យអ្នកឆាប់ជាវិញដែរ។

គេងថ្ងៃ

ទោះបីជាអ្នក ប្រហែលជាមានបញ្ហា ក្នុងការគេងឱ្យបានទៀងទាត់ក៏ដោយ តែនៅពេលមិនស្រួលខ្លួន អ្នកពិតជាងងាយ នឹងអស់កម្លាំងញឹកញាប់ណាស់។ ហេតុដូច្នេះហើយ នៅពេលអ្នកមានអារម្មណ៍ថា អស់កម្លាំងហើយនោះ ចូរផឹកទឹកដោះគោក្តៅមួយពែង ហើយចូលគេងទៅ ទោះបីជានៅពេលថ្ងៃក៏ដោយ។ នៅពេលភ្ញាក់ពីគេងវិញ អ្នកប្រហែលជាមានអារម្មណ៍ស្រស់ស្រាយ ជាងមុនជាងមិនខាន។
• មិនត្រូវឱ្យនរណាម្នាក់ មករំខាន ពេលកំពុងតែគេងឡើយ
• បិទភ្លើងឱ្យអស់ បើសិនជាអ្នក កំពុងតែព្យាយាមគេង៕