ការបញ្ចូលឈាម ផ្តល់នូវសុវត្ថិភាពទេ?

ការបញ្ចូលឈាម ផ្តល់នូវសុវត្ថិភាពទេ?

ឈាមដែលត្រូវបានប្រើ សម្រាប់បញ្ចូលនៅសហរដ្ឋអាមេរិក គឺមានសុវត្ថភាព និងជាទូទៅ មិនមានជំងឺអ្វីទាំងអស់។ ឈាមដែលត្រូវបានគេផ្តល់ ត្រូវបានធ្វើតេស្ត ដោយប្រុងប្រយ័ត្ន។ វាពិតជាកម្រ នឹងមានជំងឺ តាមការបញ្ចូលឈាមណាស់។
ការទទួលប្រភេទឈាមខុស ដោយចៃដន្យ គឺជាហានិភ័យចំបង ចំពោះការបញ្ចូលឈាម ប៉ុន្តែ វាកម្រនឹងកើតមានណាស់។ សម្រាប់រាល់ ១ លានប្លោកនៃឈាម ដែលត្រូវបានបញ្ចូល ការទទួលប្រភេទឈាមខុស បានកើតមាន ៤ ដង។ ការបញ្ចូលឈាម ជាមួយនឹងប្រភេទឈាមខុស បណ្តាលឱ្យមានប្រតិកម្មធ្ងន់ធ្ងរ ដែលអាចគម្រាមកំហែង ដល់អាយុជីវិតបាន។
មនុស្សមួយចំនួន ស្តុកឈាមផ្ទាល់ខ្លួនរបស់ពួកគេពីរ ឬបីសប្តាហ៍ មុននឹងពួកគេមានការវះកាត់។ ប្រសិនបើពួកគេ ត្រូវការការបញ្ចូលឈាម អំឡុងពេលវះកាត់ ពួកគេអាចទទួលឈាមរបស់ពួកគេបាន។ នេះបន្ថយហានិភ័យនៃជំងឺ និងប្រតិកម្ម នៃការបញ្ចូលឈាមពីឈាមរបស់អ្នកបរិច្ចាក។
ប្រសិនបើអ្នកមានការបញ្ចូលឈាមច្រើន អ្នកអាចហាក់ដូចជាងាយ នឹងមានបញ្ហាពីប្រតិកម្មនៃប្រព័ន្ធភាពស៊ាំ។ ប្រតិកម្មបណ្តាលឱ្យខ្លួនរបស់អ្នក បង្កអង់ទីករ ដែលវាយប្រហារនឹងកោសិកាគ្រាប់ឈាមថ្មីរបស់អ្នក។ ប៉ុន្តែ តេស្តអាចជួយចៀសវាងបញ្ហានេះបាន។ មុននឹងអ្នកទទួលការបញ្ចូលឈាម ឈាមរបស់អ្នក ត្រូវបានធ្វើតេស្ត ដើម្បីមើលពីប្រភេទឈាមរបស់អ្នក។ ហើយឈាមដែលអ្នក នឹងទទួលក្នុងការបញ្ចូលនោះ ត្រូវបានធ្វើតេស្ត ដើម្បីប្រាកដថា វាត្រូវជាមួយនឹងឈាមរបស់អ្នក។
អ្នកអាចមាប្រតិកម្មអាលែកស៊ី កម្រិតស្រាល ទោះបីជាអ្នកបានទទួលប្រភេទឈាម ត្រឹមត្រូវក៏ដោយ។ រោគសញ្ញា នៃប្រតិម្មនោះ រួមមាន ៖
-    គ្រុនក្តៅ
-    ចេញអុចៗ នៅលើស្បែក
-    ឈឺ
-    ដកដង្ហើមខ្លីៗ
-    ចង្វាក់បេះដូងលោតញាប់
-    ញាក់
-    សម្ពាធឈាមចុះ។
ប្រតិកម្មកម្រិតស្រាល អាចជារឿងមួយគួរឱ្យខ្លាច ប៉ុន្តែ វាកម្រនឹគ្រោះថ្នាក់ណាស់ ប្រសិនបើវាត្រូវបានព្យាបាលភ្លាមៗ៕

ត្រួតពិនិត្យដោយ www.health.com.kh ថ្ងៃទី09 ឧសភា ឆ្នាំ2015

មុន បន្ទាប់

មតិយោបល់