អ្វីទៅ ជាកត្តាប្រឈមនឹង ពងកោក?

អ្វីទៅ ជាកត្តាប្រឈមនឹង ពងកោក?

ជំងឺពងកោក គឺជាជំងឺមួយដែលពងស្វាស មិនបានធ្លាក់មកនៅក្នុងកន្លែងរបស់វា (ថង់ពងស្វាស) ដូចក្មេងប្រុសដទៃ មុនពេលកើត។ ជាធម្មតា រឿងនេះកើតមានតែលើពងស្វាសមួយប៉ុណ្ណោះ ប៉ុន្តែ មានប្រហែល ១០ ភាគរយ ប៉ុណ្ណោះដែលកើតលើពងស្វាសទាំងសងខាង។
ជំងឺពងកោក ជាទូទៅ មិនកើតមានជាញឹកញាប់ទេ ប៉ុន្តែ វាច្រើនកើតលើក្មេងប្រុស ដែលកើតមិនគ្រប់ខែ។
កត្តាដែលធ្វើឱ្យប្រឈម នឹងជំងឺពងកោក កាន់តែខ្លាំង លើទារកទើបនឹងកើតនោះ មានដូចជា ៖
•    កូនមិនគ្រប់ទម្ងន់
•    កូនកើតមិនគ្រប់ខែ
•    គ្រួសារធ្លាប់មានប្រវត្តិ កើតបញ្ហាពងកោក ឬបញ្ហាផ្សេងៗទៀត ដែលទាក់ទងនឹងការលូតលាស់ប្រដាប់ភេទ
•    មានជំងឺលើទារក ដែលនាំឱ្យរំខាន ដល់ការលូតលាស់ដូចជា ជំងឺមិនគ្រប់សតិ (Down Syndrome) ឬជញ្ជាំងពោះខូចពីកំណើត។
•    ពេលមានផ្ទៃពោះ ម្តាយផឹកស្រា
•    ម្តាយជក់បារី ឬស្រូបផ្សែងបារីពីគេ
•    ម្តាយធាត់ជ្រុល
•    ម្តាយមានជំងឺទឹកនោមផ្អែម ប្រភេទទី ១ ទី ២ ឬពេលមានផ្ទៃពោះ
•    ឪពុកម្តាយ ប៉ះពាល់នឹងថ្នាំសម្លាប់សត្វល្អិត៕

ត្រួតពិនិត្យដោយ www.health.com.kh ថ្ងៃទី07 ឧសភា ឆ្នាំ2015

មុន បន្ទាប់

មតិយោបល់