116

​វីតាមីន K ដើរតួ​ជា​ផ្នែក​មួយ​ដ៏​សំខាន់ ក្នុងការ​ធ្វើ​ឱ្យ​ឈាមកក​។ ទារក​មួយចំនួន​តូច ដែល​ទើបនឹង​កើត (​ប្រហែល ១ ក្នុង ១០០០០​នាក់​) បាន​ទទួលរង​នូវ​បញ្ហា​កង្វះ​វីតាមីន K ដែល​ធ្វើឱ្យ​មាន​ការ​ហូរឈាម ដែល​គេ​ហៅ ជំងឺ​ហូរ​ឈាម​របស់​ទារក​។ ទារក​ដែល​ខ្វះ​វីតាមីន K អាច​ធ្វើ​ឱ្យ​ហូរឈាម ឬ​កើតមាន​ស្នាម​ជាំ ដោយ​ឯកឯង ដែល​នឹង​កើតមានឡើង ក្នុង​រយៈពេល ២៤ ម៉ោង​ដំបូង​នៃ​កំណើត​។ ទារក​អាច​នឹង​មាន​ការ​ហូរឈាម​តាម​ច្រមុះ ឬ​មាត់ ឬ​ចាប់ផ្តើម​ហូរ​ឈាម​តាម​ទងផ្ចិត ឬ​តាម​រន្ធ​គូទ​របស់​ទារក​។​
​ពាក់កណ្តាល​នៃ​ករណី ដែល​បាន​កើតឡើង​ចំពោះ​ទារក ដែល​មាន​អាយុ​មួយ​សប្តាហ៍​ដំបូង បន្ទាប់​ពី​កំណើត បានធ្វើឱ្យ​ទារក​ទទួលរង​នូវ​ការ​ហូរឈាម ផ្នែក​ខាងក្នុង​រាងកាយ​យ៉ាងធ្ងន់ធ្ងរ​ខ្លាំង​។ ហើយ​ជាង​ពាក់កណ្តាល​នៃ​ករណី បានធ្វើឱ្យ​ទារក​មានការ​ហូរឈាម​នៅ​ក្នុង​ខួរក្បាល ហើយ​អាច​បណ្ដាលឱ្យ​ទារក​ស្លាប់​បាន​។​
​ចំពោះ​ជំងឺ​ប្រភេទ​នេះ ក៏​អាច​កើតមាន​ចំពោះ​ទារក ដែល​បៅដោះ​ម្ដាយ ដោយសារ​តែ​ទារក មាន​ជំងឺថ្លើម​ដែល​ធ្វើឱ្យមាន​ការលំបាក នៅ​ក្នុង​ការ​ស្រូប​យក​វីតាមីន K បាន​តិចតួច​។​
​ទារក​ដែល​បំបៅ​ដោះ​ម្ដាយ ងាយ​ស្រូប​យក​វីតាមីន K ជាង​ទារក​ដែល​បំបៅ​ទឹកដោះគោ ដោយសារតែ​នៅក្នុង​ទឹកដោះ​ម្ដាយ មាន​កម្រិត​វីតាមីន K ខ្ពស់​ជាង​ទឹកដោះគោ​។​
​ភាពខុស​គ្នា នៅក្នុង​កម្រិត​នៃ​វីតាមីន K រវាង​ទឹកដោះ​ម្ដាយ និង​ទឹកដោះគោ មិនមែន​ជា​ហេតុផល​ដ៏​ល្អ នៅ​ក្នុង​ការសម្រេចចិត្ត បំបៅ​ដោះ​កូន​ដោយ​ទឹកដោះគោ​នោះទេ​។ ទឹកដោះ​ដំបូង គឺ​សម្បូរ​ទៅ​ដោយ​វីតាមីន K​។​
​ដូច្នោះ អ្នក​ត្រូវ​ចាប់ផ្តើមបំបៅ​ដោះកូន រួម​ជាមួយ​វីតាមីន K ធម្មជាតិ រួម​ជាមួយ​អត្ថប្រយោជន៍​នៃ​ការ​បំបៅ​ដោះ​កូន​ផ្សេងទៀត​៕

ត្រួតពិនិត្យដោយ www.health.com.kh ថ្ងៃទី30 មេសា ឆ្នាំ2015