មិនចង់កើតឬសដូងបាត ទាល់តែផ្លាស់ប្តូររបៀបរស់នៅ

មិនចង់កើតឬសដូងបាត ទាល់តែផ្លាស់ប្តូររបៀបរស់នៅ

1620

ជំងឺឬសដូងបាត គឺជាការហើមនៃសរសៃឈាមវ៉ែននៅក្រៅ ឬក្នុងជុំវិញរន្ធគូថ។ ជំងឺនេះ បង្កឡើងដោយការកើនសម្ពាធនៅអាងត្រគាក និងសរសៃឈាមវ៉ែន របស់ចុងពោះវៀនធំ ហើយក៏ទាក់ទងនឹងការទល់លាមក រាគ និងការប្រឹងបន្ទោរបង់ដែរ។ មានមនុស្សច្រើនណាស់ ធ្លាប់មានជំងឺឬសដូងបាតនេះក្នុងឆាកជីវិត ហើយវាក៏ជាហេតុផល ដែលធ្វើឱ្យពួកគេ មិនមានផាសុខភាពដែរ។ ខាងក្រោមនេះ គឺជាការផ្លាស់ប្តូររបៀបរស់នៅមួយចំនួន ដើម្បីចៀសវាងជំងឺឬសដូងបាត។
ចៀសវាងការប្រឹងបន្ទោរបង់ខ្លាំងពេក
ការបន្ទោរបង់តាមធម្មតា គួរតែជារឿងល្អ ប៉ុន្តែ អ្នកគួរតែធ្វើយ៉ាងណា ឱ្យពោះវៀនធ្វើការបែបនេះឱ្យបានផង។ បើសិនជាគ្មានអ្វីកើតឡើងទេ ចូរអង្គុយបន្ទោរបង់តាមធម្មតា រហូតដល់មួយម៉ោងទៅ ហើយចូរព្យាយាមម្តងហើយម្តងទៀត ប៉ុន្តែ អ្វីដែលសំខាន់នោះ គឺមិនត្រូវប្រឹង ឬបង្ខំឱ្យខ្លួនឯង ឱ្យបន្ទោរបង់ឡើយ។
រក្សាជាតិទឹកក្នុងខ្លួន
ចូរបង្កើនការទទួលទានទឹកឱ្យបាន ៨ កែវជារៀងរាល់ថ្ងៃ។ លាមក ត្រូវការផ្ទុកជាតិទឹកមួយចំនួន ទើបអាចឱ្យវាទន់បាន។ កាលណាលាមកទន់ ដោយសារមានជាតិនោះ វាពិតជាងាយស្រួល បញ្ចេញមកខាងក្រៅខ្លាំងណាស់។
ញ៉ាំអាហារសរសៃឱ្យបានច្រើន
ជាតិសរសៃ នឹងជួយរក្សាជាតិទឹកក្នុងលាមក និងធ្វើឱ្យលាមកទន់ ពេលត្រូវចេញមកខាងក្រៅ។ ចំពោះអ្នកជំងឺឬសដូងបាត គួរតែញ៉ាំអាហារសរសៃឱ្យបានច្រើន ព្រោះវានឹងជួយកាត់បន្ថយការឈឺចាប់បានច្រើន។ ប្រភពអាហារសរសៃដ៏ល្អ មានដូចជា ៖
•    គ្រាប់ធញ្ញជាតិ
•    ផ្លែឈើ
•    បន្លែ
•    សណ្តែក។
ចៀសវាងថ្នាំបន្ទន់លាមក
ថ្នាំបន្ទន់លាមក អាចក្លាយទៅជាទម្លាប់មួយ របស់អ្នកជំងឺទល់លាមក ហើយវាក៏ធ្វើឱ្យខ្សោយពោះវៀន និងនាំឱ្យកើតការទល់លាមករ៉ាំរ៉ៃទៀតផង។ បើសិនជាអ្នកយល់ថា ត្រូវការប្រើថ្នាំបន្ទន់លាមកនោះ គួរតែប្រើរបស់បូរាណវិញ។
ហាត់ប្រាណទៀងទាត់
ការហាត់ប្រាណ អាចជាការហាត់បែបអ៊ែរ៉ូប៊ិក ឬការដើរធម្មតាៗ។ អ្វីដែលជាគំនិតសំខាន់ក្នុងរឿងនេះគឺតម្រូវឱ្យធ្វើចលនារាងកាយ ព្រោះវាអាចជួយរក្សាចលនារបស់ពោះវៀន តាមរយៈការម៉ាស្សាលើពោះវៀន ដោយការហាត់ប្រាណ។ យើងមិនគិតថារឿងនេះ នឹងកើតមានញឹកញាប់ទេ ប៉ុន្តែ នៅពេលរាងកាយធ្វើចលនា សរីរាង្គក្នុងខ្លួន នឹងធ្វើចលនា ដូចការម៉ាស្សាឱ្យវាអញ្ចឹងដែរ៕

ត្រួតពិនិត្យដោយ www.health.com.kh ថ្ងៃទី30 មេសា ឆ្នាំ2015

មុន បន្ទាប់

មតិយោបល់