159

​នៅ​ពេល​អ្នក​មាន ជំងឺ​ទឹកនោម​ផ្អែម​ប្រភេទ​ទី ២ រាងកាយ​នៅតែ​ផលិត​អាំង​ស៊ុយ​លីន​បាន​ដដែល ប៉ុន្តែ រយៈពេល​កាន់តែ​កន្លងទៅ លំពែង​អ្នក ប្រហែល​ជា​ផលិត​អាំង​ស៊ុយ​លីន កាន់តែ​តិច​ទៅៗ ជា​មិន​ខាន​ទេ ដែល​វា​នឹង​ធ្វើឱ្យ​រាងកាយ កាន់តែ​ពិបាក​គ្រប់គ្រង កម្រិត​ជាតិ​ស្ករ​។ បើសិនជា​កម្រិត​ជាតិ​ស្ករ​ក្នុង​ឈាម​ឡើង​ខ្ពស់ និង​មាន​រយៈពេល​យូរ​ទៀត​នោះ ការ​ប្រឈម​នឹង​បញ្ហា​សុខភាព កាន់តែ​ច្រើន​ក៏​នឹង​កើនឡើង​ដែរ​។ រយៈពេល​យូរៗ​ទៅ ការឡើង​ជាតិ​ស្ករ​ខ្លាំង​ក្នុង​ឈាម អាច​នឹង​ធ្វើឱ្យ​ខូចខាត ដល់​ផ្នែក​ជាច្រើន​នៃ​រាងកាយ​អ្នក​បាន​។
​ភ្នែក​
​កម្រិត​ជាតិ​ស្ករ ក្នុង​ឈាម​ឡើង​ខ្ពស់ ប្រហែល​ជា​ធ្វើឱ្យ​ព្រឹល​ភ្នែក ជា​បណ្តោះអាសន្ន ដែល​វា​ជា​សញ្ញា​មួយ នៃ​ជំងឺ​ភ្នែក ដោយសារ​ជំងឺ​ទឹកនោម​ផ្អែម (Diabetic Retinopathy) ហើយក៏​អាច​ឈាន​ដល់​មើលលែងឃើញ​ទៀតផង​។
​ប្រអប់ជើង និង​ស្បែក​
​អ្នក​ប្រហែលជា​មាន​អារម្មណ៍​ថា លែង​សូវ​ដឹង​ជើង ដូច្នេះ ការ​មាន​ពងបែក ដុះ​ត្រចៀកក្រាញ់ មាន​របួស​តិចតួច ឬ​បញ្ហា​ផ្សេងៗ​ទៀត ដែល​មាន​លក្ខណៈ​តិចតួច​នោះ ក៏​អាច​បង្ក​ទៅ​ជា​ភាព​ធ្ងន់ធ្ងរ​បាន​។ បើសិនជា​មាន​ការបង្ក​រោគ​ធ្ងន់ធ្ងរ ឬ​ភាព​មិន​ធម្មតា​របស់​ឆ្អឹង និង​សន្លាក់ នោះ​អ្នក​ប្រហែលជា​ត្រូវ​ការវះកាត់ (​កាត់​អវៈយវៈ​) ដើម្បី​ព្យាបាល​។ ការបង្ក​រោគ ដែល​កើតមាន​ជា​ញឹកញាប់ អាច​នឹង​ក្លាយទៅជា​កាន់តែ​ធ្ងន់ធ្ងរ​យ៉ាង​លឿន ពេល​មាន​ជំងឺ​ទឹកនោម​ផ្អែម​។
​បេះដូង និង​សរសៃឈាម​
​ការ​លើស​ជាតិ​ស្ករ ក្នុង​ឈាម​ខ្ពស់ នឹង​ធ្វើឱ្យ​ខូចខាត ដល់​កម្រាល​របស់​សរសៃឈាម​។ រឿងនេះ​អាច​នឹង​ធ្វើ​ឱ្យ​ដាច់​សរសៃ​ឈាម​ខួរក្បាល គាំងបេះដូង ឬ​មាន​ជំងឺ​សរសៃឈាម​អាកទែ នៅ​ចុងដៃចុងជើង​ទៀត​។ បញ្ហា​នៃ​ការឡើង​រឹង​របស់​លិង្គ អាច​ក្លាយទៅជា​រោគសញ្ញា​ប្រកាសអាសន្ន នៃ​ជំងឺ​សរសៃឈាម ហើយ​ក៏​នឹង​ធ្វើឱ្យ​ប្រឈម នឹង​ជំងឺ​បេះដូង និង​ដាច់​សរសៃឈាម​ខួរក្បាល​កាន់តែ​ខ្ពស់​ដែរ​។
​សរសៃប្រសាទ​
​កម្រិត​ជាតិ​ស្ករ​ក្នុង​ឈាម​ឡើង​ខ្ពស់ អាច​នឹង​ខូចខាត​ដល់​សរសៃប្រសាទ ក្នុង​រាងកាយ​បាន​។ ការខូចខាត​សរសៃប្រសាទ​នេះ ហៅ​ថា​ជំងឺ​សរសៃប្រសាទ ដោយសារ​ជំងឺ​ទឹកនោម​ផ្អែម (Diabetic Neuropathy)៕
 

ត្រួតពិនិត្យដោយ www.health.com.kh ថ្ងៃទី27 មេសា ឆ្នាំ2015

- See more at: http://health.com.kh/newdetail.php?newid=12398&catid=7#sthash.CkolayyM.dpuf

មតិ​យោបល់