ជំងឺរលាក អាងត្រគាក

ជំងឺរលាក អាងត្រគាក

274

ជំងឺរលាកអាងត្រគាក គឺជាការឆ្លងមេរោគ លើសរីរាង្គបន្តពូជរបស់ស្ត្រី។ សរីរាង្គនៅក្នុងឆ្អឹងអាងត្រគាកស្ត្រី រួមមានដៃស្បូន ក្រពេញអូវែ មាត់ស្បូន និងស្បូន។
ជំងឺរលាកអាងត្រគាក បណ្ដាលមកពីការបង្ករោគ ដោយបាក់តេរីជាច្រើនប្រភេទផ្សេងៗគ្នា ដូចជា បាក់តេរី ដែលបង្កឱ្យមានជំងឺកាមរោគ ជំងឺប្រមេះទឹកបាយ និងជំងឺប្រមេះទឹកថ្លា។
ជាដំបូង បាក់តេរីបានឆ្លងចូលទៅក្នុងទ្វារមាស ហើយបានចាប់ផ្ដើមបង្ករោគ បន្ទាប់មក បាក់តេរីបានរាលដាល ដល់សរីរាង្គដែលស្ថិតនៅក្នុងអាងត្រគាក ។
ការបង្ករោគនេះ កាន់តែមានស្ថានភាពធ្ងន់ធ្ងរទៅ នៅពេលដែលមេរោគបានឆ្លងរាលដាល ចូលទៅជាឈាម ដែលអាចគំរាមកំហែង ដល់អាយុជីវិតបាន។
ស្ត្រីមួយចំនួន ពុំមានបណ្ដាលឱ្យមានរោគសញ្ញាណាមួយឡើយ។
ចំពោះស្ត្រីមួយចំនួន អាចបណ្ដាលឱ្យមានរោគសញ្ញា ដូចជា ៖
•    ការឈឺពោះ ផ្នែកខាងក្រោម
•    ការឈឺពោះ ផ្នែកខាងលើ
•    គ្រុនក្ដៅ
•    ការឈឺចាប់ នៅពេលរួមភេទ
•    ការឈឺចាប់ នៅពេលនោម
•    ការមានរដូវមិនទៀងទាត់
•    ឈឺខ្នង
•    ធ្លាក់ស តាមទ្វារមាស
•    អស់កម្លាំង
•    ជំងឺរលាកអាងត្រគាក អាចបង្កឱ្យមានការឈឺចាប់ស្រាល ឬមធ្យម។
ទោះបីជាយ៉ាងណាក៏ដោយ ស្ត្រីមួយចំនួន អាចមានការឈឺចាប់ធ្ងន់ធ្ងរ និងមានរោគសញ្ញាដូចជា ៖
•    ការឈឺចាប់យ៉ាងខ្លាំងនៅក្នុងពោះ
•    ក្អួត
•    ការដួលសន្លប់
•    គ្រុនក្ដៅខ្លាំង។
ប្រសិនបើអ្នកមានរោគសញ្ញាធ្ងន់ធ្ងរ អ្នកត្រូវទៅជួបជាមួយវេជ្ជបណ្ឌិតជាបន្ទាន់។ ការឆ្លងមេរោគ អាចត្រូវបានរីករាលដាលទៅក្នុងឈាម ឬផ្នែកផ្សេងទៀតនៃរាងកាយ ដែលអាចគំរាមកំហែងដល់អាយុជីវិតបាន៕