ផឹកស្រាបៀរ ៣ កំប៉ុងក្នុងមួយថ្ងៃ អាចបង្កើនហានិភ័យ នៃជំងឺមហារីកថ្លើម ប៉ុន្តែ កាហ្វេ បន្ថយហានិភ័យនៃជំងឺនេះ

ផឹកស្រាបៀរ ៣ កំប៉ុងក្នុងមួយថ្ងៃ អាចបង្កើនហានិភ័យ នៃជំងឺមហារីកថ្លើម ប៉ុន្តែ កាហ្វេ បន្ថយហានិភ័យនៃជំងឺនេះ

ដោយយោងតាមការស្រាវជ្រាវ បានឱ្យដឹងថា អ្នកដែលផឹកស្រាបៀរ លើសពី ៣ កំប៉ុង ក្នុងមួយថ្ងៃ អាចបង្កើនឱកាសនៃជំងឺមហារីកថ្លើម។
ប៉ុន្តែ មានការស្រាវជ្រាវថ្មីមួយ បានរកឃើញថា ការផឹកកាហ្វេ ពិតជាអាចបន្ថយឱកាស របស់មហារីកថ្លើម។
អ្នកស្រាវជ្រាវបានមើលទៅលើមនុស្ស ៨,២ លាននាក់ ដែលបានចូលរួមនៅក្នុងការស្រាវជ្រាវ៣៤។ មានករណីនៃជំងឺមហារីកថ្លើម ២៤.៥០០ ករណីក្នុងចំណោមអ្នក ដែលចូលរួមនៅក្នុងការស្រាវជ្រាវ។
គោលបំណង គឺដើម្បីកំណត់ថាតើចំណីអាហារ ទម្ងន់ និងសកម្មភាពរាងកាយ ប៉ះពាល់ដល់ហានិភ័យ នៃជំងឺមហារីកថ្លើមយ៉ាងដូចម្តេច។
ស្របជាមួយនឹងការកើនឡើងហានិភ័យ ដែលត្រូវបានផ្សារភ្ជាប់ទៅនឹង ការផឹកស្រាបៀរលើសពី ៣ កំប៉ុងក្នុងមួយថ្ងៃ អ្នកស្រាវជ្រាវក៏បានរកឃើញថា ការលើសទម្ងន់ ឬការធាត់ជំរុញដល់ឱកាស នៃការវិវត្តជំងឺមហារីកថ្លើម។
ការស្រាវជ្រាវអំពីកាហ្វេ និងការធាត់ ឬលើសទម្ងន់ គឺជារឿងថ្មី។ ការស្រាវជ្រាវអំពីការផឹកស្រាបៀរ គឺក្នុងឆ្នាំ២០០៧។
អ្នកស្រាវជ្រាវបានបន្តថា អ្នកអាចបន្ថយហានិភ័យ នៃជំងឺមហារីកថ្លើម ដោយរក្សាទម្ងន់ឱ្យបានល្អ និងមិនផឹកស្រាបៀរ ឬកំណត់ការផឹកស្រាបៀរ ដោយកុំឱ្យលើសពី ២ កំប៉ុងក្នុងមួយថ្ងៃចំពោះបុរស និងមួយកំប៉ុងក្នុងមួយថ្ងៃ ចំពោះស្ត្រី៕

ត្រួតពិនិត្យដោយ www.health.com.kh ថ្ងៃទី24 មេសា ឆ្នាំ2015

មុន បន្ទាប់

មតិយោបល់