ចង់បានសាច់ដុំដើមដៃស្អាត គួរហាត់ប្រាណដូចម្តេចល្អ?

ចង់បានសាច់ដុំដើមដៃស្អាត គួរហាត់ប្រាណដូចម្តេចល្អ?

សាច់ដុំដើមដៃខាងមុខ ត្រូវបានផ្សំឡើងដោយ សាច់មួយក្រុម ដែលអាចរីកធំយ៉ាងស្អាត ពេលដែលបត់កែងដៃ។ ដើម្បីឱ្យសាច់មួយនេះ កាន់តែធំស្អាតល្អនោះ វាតម្រូវឱ្យធ្វើលំហាត់ប្រាណដដែលៗច្រើនដង។ យកល្អ គួរតែហាត់ប្រាណបែបនេះ ជាមួយនឹងការលើកដុំដែក។
ឈរ លើកដុំដែក

ចូរឈរឱ្យត្រង់ខ្លួន ដោយជើងកន្ធែកធម្មតា បន្ទាប់មក កាន់ដុំដែកលើដៃទាំងសងខាង ដែលមានទំហំប៉ុនគ្នា ទៅតាមទម្ងន់ដែលអ្នកអាចលើកបាន រួចសំយុងទៅក្រោម ហើយដៃទាំងសងខាង ក៏ត្រូវលាឱ្យអស់ដែរ។ បន្ទាប់មក ចាប់ផ្តើមច្បត់កែងដៃ ដែលកាន់ដុំដែកនោះ លើកឡើងម្តងម្ខាងៗ ដោយធ្វើយ៉ាងណា ឱ្យដុំដែកនោះ ប៉ះដើមទ្រូង។
ចូរធ្វើបែបនេះ ឱ្យបាន ៦ ទៅ ៨ ដង ចំនួន ២ សា។ បន្ទាប់មក ចូរបង្កើនរហូតដល់ ៣ សារ នៅពេលហាត់បានមួយ ឬពីរសប្តាហ៍ក្រោយ។ អ្នកក៏អាចបង្កើនទម្ងន់ដុំដែកបានបន្ថែមទៀតដែរ បើសិនជាអ្នកយល់ថា ទម្ងន់ពីមុន ដូចជាស្រាលពេក។
អង្គុយដេកបញ្ឆិត លើកដុំដែក

ចូរអង្គុយលើកៅហាត់ប្រាណ ដែលបត់ទៅក្រោយ ៤៥ ដឺក្រេ ដោយជើងទាំងសងខាង ដាក់លើដី និងដៃកាន់ដុំដែក ហើយលាដៃឱ្យអស់ និងសំយុងចុះក្រោម។ លើកនេះ អ្នកអាចច្បត់កែងដៃ ដើម្បីលើកដុំដែកនោះ មកដល់កំពស់ស្មារម្តងវិញ និងទម្លាក់ទៅវិញយឺតៗ។
អ្នកអាចធ្វើបែបនេះពី ៦ ទៅ ៨ ដង ចំនួន ២ សារ។ បន្ទាប់មក ចូរបង្កើនរហូតដល់ ៣ សារ នៅពេលហាត់បានមួយ ឬពីរសប្តាហ៍ក្រោយ ហើយអ្នកក៏អាចបន្ថែមទម្ងន់ទៀតបានដែរ។
ដោយសារតែការហាត់របៀបនេះ វាមានភាពពិបាកបន្តិច ដូច្នេះ អ្នកប្រហែលជាត្រូវការបន្ថយទម្ងន់ដុំដែក ទាបជាងធម្មតាហើយ ប៉ុន្តែ មិនបាច់បារម្ភទេ ព្រោះវានឹងផ្តល់ឱ្យអ្នកនូវលទ្ធផលដូចគ្នាទេ៕

ត្រួតពិនិត្យដោយ www.health.com.kh ថ្ងៃទី20 មេសា ឆ្នាំ2015

មុន បន្ទាប់

មតិយោបល់