ហេតុអ្វីបានជាអ្នក ត្រូវជំរុញឱ្យកូនរបស់អ្នក ធ្វើការចែករំលែក?

ហេតុអ្វីបានជាអ្នក ត្រូវជំរុញឱ្យកូនរបស់អ្នក ធ្វើការចែករំលែក?

អ្នកត្រូវលើកទឹកចិត្តឱ្យកូនរបស់អ្នក ធ្វើការចែករំលែក ព្រោះការចែករំលែក គឺជាការថែទាំ។ ប៉ុន្តែ វាជាការលំបាកណាស់ ក្នុងការពន្យល់ទៅកូនអ្នក ថាហេតុអ្វីបានជាគេ ត្រូវធ្វើការចែករំលែកទ្រព្យសម្បត្ដិ ដ៏មានតម្លៃរបស់គេនោះ។
ប៉ុន្តែ វិធីខាងក្រោមនេះ អាចជួយពន្យល់ពីមូលហេតុ ដែលត្រូវធ្វើការចែករំលែក ៖
•    សារៈសំខាន់ នៃការចែករំលែក
វាអាចជួយឱ្យមានការអភិវឌ្ឍន៍ រយៈពេលវែងនៃផ្លូវចិត្ត ដែលត្រូវការធ្វើការចែករំលែក និងការពិចារណាអំពី ទស្សនៈរបស់អ្នកដទៃ និងចំណង់ចំណូលចិត្តក្នុងជីវិត។ វាជាផ្នែកមួយនៃការអភិវឌ្ឍសង្គមទូទៅរបស់កុមារ ហើយមានអត្ថប្រយោជន៍ខ្លាំងណាស់ នៅពេលដែលគេចាប់ផ្ដើមទៅសាលារៀន ហើយនិងមានការចែករំលែកជាច្រើនទៀត។
•    ការលើកទឹកចិត្ត ឱ្យមានការចែករំលែក
រក្សាភាសា និងសេចក្តីណែនាំច្បាស់លាស់ ហើយមានលក្ខណៈសាមញ្ញ ជាជាងការផ្តល់ការពន្យល់ណែនាំ នៅក្នុងដំណាក់កាលនេះ។ ការសរសើរពីចែករំលែក គឺជាវិធីដ៏ល្អមួយ ដើម្បីលើកទឹកចិត្តឱ្យកូនរបស់អ្នក ហើយត្រូវបង្ហាញពីការឆ្លើយតបដ៏ល្អ ពីភាពសប្បុរសនៃការចែករំលែករបស់គេនោះ។
•    ការដោះស្រាយ ជាមួយនឹងការបដិសេធ ក្នុងការចែករំលែក
ប្រសិនបើកូនអ្នកបដិសេធ ក្នុងការចែករំលែក នោះអ្នកអាចប្រាប់កូនអ្នកថា “ប្រសិនបើកូនមិនធ្វើការចែករំលែកនោះទេ អ្នកនឹងយកប្រដាប់ក្មេងលេងបោះចោលហើយ ឬយើងនឹងមិនចូលទៅលេងនៅសួនច្បារនោះទេ”។ បន្ទាប់មក អ្នកត្រូវធ្វើដូចអ្វី ដែលអ្នកនិយាយ។
អ្នកអាចប្រើភាសាសាមញ្ញ និងការពន្យល់ពីអ្វី ដែលអ្នកចង់ឱ្យកូនរបស់អ្នកធ្វើនោះ។ ឧទាហរណ៍ អ្នកអាចនិយាយទៅកាន់កូនដូចជា ”បើកូនសោកស្តាយ កូនអាចលេងជាមួយតុក្តតានោះ រយៈពេល១០នាទីទៀតបាន”។
•    ការដោះស្រាយទំនាស់ ក្នុងការចែករំលែក
កុមារតូចៗអាចបង្កជម្លោះ ជាមួយកុមារផ្សេងទៀត ហើយវាអាចមានការពាក់ព័ន្ធជាមួយឪពុកម្តាយផងដែរ។
នៅពេលដែលកូនរបស់អ្នក ធ្វើអ្វីមួយដែលមិនសមរម្យ ដូចជា ការប៉ះពាល់ដល់កុមារមួយផ្សេងទៀតនោះ អ្នកត្រូវយកកូនអ្នក ចេញពីស្ថានភាពនេះ ហើយត្រូវពន្យល់ពីអ្វី ដែលកូនអ្នកបានធ្វើខុសនោះ៕

ត្រួតពិនិត្យដោយ www.health.com.kh ថ្ងៃទី21 មេសា ឆ្នាំ2015

មុន បន្ទាប់

មតិយោបល់