រោគសញ្ញា ដុំប្ញសដូងនៅក្នុងស្បូន

រោគសញ្ញា ដុំប្ញសដូងនៅក្នុងស្បូន

ដុំប្ញសដូងនៅក្នុងស្បូន គឺជាការលូតលាស់មួយ ដែលភ្ជាប់ទៅនឹងជញ្ជាំង ផ្នែកខាងក្នុងនៃស្បូន ហើយចូលទៅក្នុងប្រហោងនៃស្បូន។ វាកើតឡើងដោយសារតែ ភាពមិនប្រក្រតីនៃការលូតលាស់ កោសិកាស្រទាប់ក្នុងនៃស្បូន (endometrium) បង្កើតបានជាដុំប្ញសដូងនៅក្នុងស្បូន។ ជាធម្មតា ដុំប្ញសដូងនៅក្នុងស្បូន ភាគច្រើនជាដុំស្លូត ប៉ុន្តែ មួយចំនួនទៀត អាចជាដុំមហារីក ឬអាចវិវត្តទៅជាមហារីក។
វាអាចមានទំហំចាប់ពី ២-៣ មីលីម៉ែត្រឡើង ហើយអាចមានទំហំប៉ុនគ្រាប់បាល់កីឡាវាយកូនគោល ឬអាចធំជាងនេះ។ វាអាចមានមួយ ឬច្រើន។ ជាធម្មតា វាស្ថិតនៅក្នុងស្បូន ប៉ុន្តែ ពេលខ្លះ វាអាចធ្លាក់ចូលទៅក្នុងទ្វារមាស។ ជាទូទៅ វាច្រើនកើតមានចំពោះស្ត្រី ជិត ឬបានបញ្ចប់ការអស់រដូវ ប៉ុន្តែ វាក៏អាចកើតមាន លើស្ត្រីវ័យក្មេងផងដែរ។
សញ្ញានៃដុំប្ញសដូង នៅក្នុងស្បូន រួមមាន ៖
•    ការហូរឈាមរដូវមិនទៀងទាត់ ដូចជា ការមានរដូវញឹកញាប់ក្នុងរយៈពេលណាមួយ ហើយមានកម្រិតធ្ងន់ធ្ងរ
•    ការហូរឈាម នៅចន្លោះពេលមករដូវ
•    ការហូរឈាមរដូវធ្ងន់ធ្ងរ
•    ការហូរឈាមតាមទ្វារមាស ក្រោយពេលអស់រដូវ
•    ភាពគ្មានកូន
•    ស្ត្រីមួយចំនួន អាចមានហូរឈាមតិចៗ ប៉ុន្តែ គ្មានរោគសញ្ញាអ្វីទាំងអស់៕

ត្រួតពិនិត្យដោយ www.health.com.kh ថ្ងៃទី21 មេសា ឆ្នាំ2015

មុន បន្ទាប់

មតិយោបល់