ធ្វើយ៉ាងណា ដើម្បីឱ្យស្ត្រីដែលអស់រដូវ មានសុខភាពល្អ?

ធ្វើយ៉ាងណា ដើម្បីឱ្យស្ត្រីដែលអស់រដូវ មានសុខភាពល្អ?

ការអស់រដូវ មានន័យថា វដ្តនៃរដូវរបស់ស្ត្រី ត្រូវបានបញ្ឈប់ ហើយអាចរួមមាននូវរោគសញ្ញាមួយចំនួនដូចជា ការអស់កម្លាំង ការឡើងទម្ងន់ ភាពស្ងួតនៃទ្វារមាស បែកញើសយប់ និងអារម្មណ៍មួរម៉ៅជាដើម។ រោគសញ្ញាទាំងនេះ អាចធ្វើឱ្យស្ត្រីមិនមានភាពសប្បាយរីករាយ និងមានជីវិតសុខស្រួលនោះទេ។
នោះហើយ ជាមូលហេតុដែលអ្នកចាំបាច់ ត្រូវថែរក្សាសុខភាពអ្នកបន្ថែមទៀត ដើម្បីទប់ទល់នឹងរោគសញ្ញា នៃការអស់រដូវឱ្យបានល្អប្រសើរ។
ខាងក្រោមនេះ គឺជាគន្លឹះមួយចំនួន ដើម្បីជួយឱ្យស្ត្រីដែលអស់រដូវ មានសុខភាពល្អ ៖
•    ការធ្វើលំហាត់ប្រាណ ជារៀងរាល់ថ្ងៃ
ការសិក្សាមួយបានបង្ហាញថា ស្ត្រីអាចប្រឈមនឹងរោគសញ្ញា នៃការអស់រដូវតិចជាងមុន
ប្រសិនបើស្ត្រី ធ្វើលំហាត់ប្រាណឱ្យបានគ្រប់គ្រាន់ ជាទម្លាប់ប្រចាំថ្ងៃ នៅពេលដែលស្ត្រី ឈានចូលដល់អាយុ ៤០ ឆ្នាំ។
ការធ្វើលំហាត់ប្រាណ ៣០ នាទីជារៀងរាល់ថ្ងៃ អាចជួយបង្កើនមេតាប៉ូលីស នៅក្នុងរាងកាយ ប្រឆាំងនឹងការឡើងទម្ងន់ និងជួយឱ្យមានអារម្មណ៍ស្រស់ស្រាយ។
•    គេងឱ្យបានគ្រប់គ្រាន់
ការគេងឱ្យបាន ៨ ម៉ោងជារៀងរាល់ថ្ងៃ អាចជួយកាត់បន្ថយរោគសញ្ញាអស់កម្លាំង និងបែកញើសនៅពេលយប់ ។
•    ទទួលបាននូវសារធាតុចិញ្ចឹម ដ៏សំខាន់មួយចំនួន
រូបរាងកាយ ត្រូវការសារធាតុចិញ្ចឹមដ៏សំខាន់មួយចំនួន ដើម្បីមានសុខភាពល្អ និងដើម្បីកាត់បន្ថយនូវរោគសញ្ញា នៅពេលអស់រដូវ។ សារធាតុចិញ្ចឹមដ៏សំខាន់មួយចំនួននោះ រួមមាន វីតាមីន និងអាហារដែលសម្បូរដោយសារជាតិប្រឆាំងអុកស៊ីតកម្មជាដើម ហើយអ្នកត្រូវទទួលទាននូវប្រូតេអ៊ីនគ្មានខ្លាញ់ គ្រាប់ធញ្ញជាតិ ផ្លែឈើ និងបន្លែ និងត្រូវធ្វើឱ្យការទទួលទានអាហារ មានតុល្យភាពផងដែរ។
•    យល់ដឹងពីបញ្ហាសុខភាព
វាជាការសំខាន់ខ្លាំងណាស់ នៅក្នុងការយល់ដឹងពីបញ្ហាសុខភាព
របស់អ្នក បន្ទាប់ពីការអស់រដូវនោះ ដោយសារតែរោគសញ្ញា និងការផ្លាស់ប្តូរមួយចំនួន អាចនឹងកើតមានឡើង។
ការយល់ដឹងកាន់តែប្រសើរឡើង នឹងជួយឱ្យអ្នកមានការសម្រាក និងការទទួលយកការផ្លាស់ប្តូរបានល្អប្រសើរជាងមុន៕

ត្រួតពិនិត្យដោយ www.health.com.kh ថ្ងៃទី30 មីនា ឆ្នាំ2015

មុន បន្ទាប់

មតិយោបល់