ទារក ត្រូវការឡេការពារកម្តៅថ្ងៃ ដែរឬទេ?

ទារក ត្រូវការឡេការពារកម្តៅថ្ងៃ ដែរឬទេ?

ឡេការពារកម្តៅថ្ងៃ គឺអាចប្រើបាន ចំពោះទារកដែលមានអាយុ ៦ ខែ ឬច្រើនជាងនេះ។ ទារកដែលមានអាយុតិចជាងនេះ គួរប្រើវិធីផ្សេងៗទៀត នៅក្នុងការការពារពន្លឺព្រះអាទិត្យ។
ទារកដែលមានអាយុ ៦ ខែ ឬច្រើនជាងនេះ អាចប្រើឡេការពារកម្តៅថ្ងៃបាន ប៉ុន្តែ អ្នកគួរចៀសវាងឱ្យទារក មានការប៉ះពាល់ជាមួយព្រះអាទិត្យក្នុងអំឡុងម៉ោង ១០ ព្រឹកដល់ម៉ោង ២ រសៀល ហើយអ្នកត្រូវស្លៀកសម្លៀកបំពាក់ មួក ជាមួយនឹងវ៉ែនតា ដើម្បីការពារពន្លឺព្រះអាទិត្យ។
បើទារកមានអាយុតិចជាង ៦ ខែ អ្នកក៏ត្រូវការពារទារក ដោយអ្នកត្រូវស្លៀកសម្លៀកបំពាក់ មួកជាមួយវ៉ែនតា ដើម្បីការពារពន្លឺព្រះអាទិត្យ។
នៅពេលអ្នកជ្រើសរើសឡេការពារកម្តៅថ្ងៃ អ្នកត្រូវជ្រើសយកឡេណាដែលមាន SPF យ៉ាងហោចណាស់ ១៥។ អ្នកអាចលាបឡេការពារកម្តៅថ្ងៃឱ្យពេញខ្លួន ហើយលាបជារៀងរាល់ ២ ម៉ោងម្ដង ឬជាញឹកញាប់ ប្រសិនបើកូនរបស់អ្នកត្រូវចំណាយពេលវេលានៅក្នុងទឹកយូរ ឬបែកញើសខ្លាំង។
ដើម្បីចៀសវាងការរលាកស្បែក និងភ្នែករបស់ទារក អ្នកត្រូវប្រើឡេការពារកម្តៅថ្ងៃដែលមានស័ង្កសីអុកស៊ីត និងទីតានៀមឌីអុកស៊ីត។ ហើយត្រូវចៀសវាងការប្រើផលិតផលណា ដែលរួមបញ្ចូលគ្នារវាងឡេការពារកម្តៅថ្ងៃ ជាមួយនឹងថ្នាំកាពារកុំឱ្យសត្វល្អិតមកជិត។
អ្នកត្រូវចងចាំថា ការរលាកដោយកម្តៅថ្ងៃធ្ងន់ធ្ងររបស់ទារកមួយចំនួន អាចបង្កើនហានិភ័យនៃជំងឺមហារីកស្បែក នៅពេលក្រោយក្នុងជីវិត។ ដូច្នោះ អ្នកត្រូវចេះការពារទារកដោយជំហានសាមញ្ញៗ ដើម្បីការពារហានិភ័យនៃការប៉ះពាល់ពន្លឺព្រះអាទិត្យ៕

ត្រួតពិនិត្យដោយ www.health.com.kh ថ្ងៃទី27 មីនា ឆ្នាំ2015

មុន បន្ទាប់

មតិយោបល់