អ្នកជំងឺខ្សោយតម្រងនោម ជាច្រើនលាននាក់ បានស្លាប់ ដោយកង្វះការព្យាបាល

អ្នកជំងឺខ្សោយតម្រងនោម ជាច្រើនលាននាក់ បានស្លាប់ ដោយកង្វះការព្យាបាល

ការស្រាវជ្រាវថ្មីមួយបានរកឃើញថា អ្នកជំងឺខ្សោយតម្រងនោមជាង ២ លាននាក់ ក្នុងពិភពលោកបានស្លាប់មុនអាយុជារៀងរាល់ឆ្នាំ ដោយសារតែពួកគេ មិនអាចទទួលការព្យាបាលបាន។
អ្នកស្រាវជ្រាវបានវិភាគទិន្នន័យលើ ១២៣ ប្រទេស ជាមួយនឹង ៩៣ ភាគរយ នៃចំនួនប្រជាជនលើពិភពលោក ហើយបានរកឃើញថា មានចន្លោះពី ៥ ទៅជិត ១០ លាននាក់ ដែលមានជំងឺខ្សោយតម្រងនោម ត្រូវការការលាងឈាម ឬប្តូរតម្រងនោមក្នុងឆ្នាំ ២០១០។
ការស្រាវជ្រាវបានបង្ហាញថា អ្នកជំងឺ ២,៦ លាននាក់ ដែលត្រូវបានព្យាបាល ៧៨ ភាគរយ បានទទួលការព្យាបាលដោយការលាងឈាម។ ចំពោះអ្នកដែលទទួលការព្យាបាល ជិត ៩៣ ភាគរយ បានរស់នៅក្នុងស្ថានភាពចំណូលមធ្យមទៅខ្ពស់។
អ្នកស្រាវជ្រាវក៏បានគិតដែលថា អ្នកជំងឺចន្លោះពី ២ ទៅ ៧ លាននាក់ ដែលមានជំងឺខ្សោយតម្រងនោម អាចរក្សាជីវិតរបស់ពួកគេ ប្រសិនបើពួកគេបានទទួលការព្យាបាល ដោយការលាងឈាម ឬប្តូរតម្រងនោមនោះ ប៉ុន្តែ ពួកគេបានស្លាប់មុន ដោយសារតែពួកគេ មិនអាចទទួលការព្យាបាលបាន។
ភាគច្រើននៃការស្លាប់មុនអាយុ កើតមានក្នុងប្រទេសចិន ឥណ្ឌា ឥណ្ឌូនេស៊ី ប៉ាគីស្ថាន និងនីហ្សេរីយ៉ា ដែលតិចជាង ១/៤ នៃអ្នកជំងឺខ្សោយតម្រងនោម បានទទួលការព្យាបាល នេះដោយយោងតាមការស្រាវជ្រាវ ដែលត្រូវបានចេញផ្សាយនៅក្នុងកាសែត The Lancet។
វេជ្ជបណ្ឌិត វ្លាដូ ភឺគូវីក (Vlado Perkovic) បាននិយាយថា តម្លៃខ្ពស់នៃបច្ចេកទេស នៃការលាងឈាមថ្មី មិនអាចទ្រទ្រង់ សម្រាប់មនុស្សជាច្រើនដែលត្រូវការវានោះទេ។
ជាមួយនឹងចំនួននៃអ្នកដែលបានទទួលការព្យាបាលដោយការលាងឈាម ឬប្តូរតម្រងនោម គឺមានទ្វេដង ពោល គឺអាចមានលើសពី ៥ លាននាក់ក្នុងឆ្នាំ ២០៣០ ។
ម៉ាស៊ីនលាងឈាម ជំនួសមុខងារសំខាន់នៃតម្រងនោមវិញ។ ប្រសិនបើយើងអាចវិវត្តម៉ាស៊ីនលាងឈាម ជាមួយនឹងតម្លៃថោក មនុស្សជាច្រើន នឹងអាចទទួលយកការព្យាបាល ហើយមនុស្សជាច្រើនលាននាក់ អាចត្រូវបានរស់រានមានជីវិត៕

ត្រួតពិនិត្យដោយ www.health.com.kh ថ្ងៃទី17 មីនា ឆ្នាំ2015

មុន បន្ទាប់

មតិយោបល់