ពេលមានផ្ទៃពោះ អ្វីដែលអ្នកគួរតែទទួលទាន?

ពេលមានផ្ទៃពោះ អ្វីដែលអ្នកគួរតែទទួលទាន?

ញ៉ាំអាហារអោយមានតុល្យភាព គឺជារឿងមួយសំខាន់ ដែលអ្នកអាចធ្វើសម្រាប់ខ្លួនអ្នក និងកូនរបស់អ្នក។ មានអាហារមួយចំនួន ដែលអ្នកគួរតែប្រុងប្រយ័ត្ន នៅពេលដែលអ្នកមានផ្ទៃពោះ។ សាច់ ស៊ុត និងត្រីដែលចម្អិនមិនបានឆ្អិនល្អ អាចជំរុញអោយមានហានិភ័យ នៃការឆ្លងមេរោគ។ សូមកុំញ៉ាំត្រីឆ្លាម។ ត្រីនេះ ជួនកាល មានកម្រិតខ្ពស់នៃបារ៉ត ដែលអាចប៉ះពាល់ដល់កូនរបស់អ្នក។
លាងបន្លែ និងផ្លែឈើអោយបានស្អាតល្អ។ សូមញ៉ាំវា ជារៀងរាល់ថ្ងៃ។ វានឹងផ្តល់អោយអ្នកនូវកាល់ស្យូមគ្រប់គ្រាន់សម្រាប់អ្នក និងកូនរបស់អ្នក។ សូមកុំផឹកទឹកដោះ ដែលមិនទាន់ចម្រាញ់អោយសោះ។
ប្រសិនបើអ្នកផឹកកាហ្វេ ឬផឹកភេសជ្ជៈដទៃទៀត ដែលមានជាតិកាហ្វេអ៊ីន សូមកុំផឹកវាលើសពី ១ ឬ ២ ពែងក្នុងមួយថ្ងៃអោយសោះ។
តើគួរតែប្រើ ថ្នាំគ្រាប់វីតាមីនទេ?
អ្នកគួរតែលេបអាស៊ីតហ្វូលីក ១.០០០ មីក្រូក្រាមជារៀងរាល់ថ្ងៃ អំឡុងពេលមានផ្ទៃពោះ។ អាស៊ីតហ្វូលីក អាចជួយការពារបញ្ហាជាមួយនឹងខួរក្បាលកុមារ និងឆ្អឹងកងខ្នង។ វាជារឿងល្អបំផុត ដើម្បីចាប់ផ្តើមលេបអាស៊ីតហ្វូលីក មុននឹងអ្នកមានផ្ទៃពោះ។
គ្រូពេទ្យអាចចង់អោយអ្នកប្រើថ្នាំគ្រាប់វីតាមីន មុននឹងមានផ្ទៃពោះ។ ប្រសិនបើអ្នកលេបវា មុននឹងមានផ្ទៃពោះ សូមប្រាកដថា អ្នកនឹងមិនកំពុងតែប្រើថ្នាំវីតាមីនដទៃទៀត ស្របជាមួយវានោះទេ ប្រសិនបើគ្រូពេទ្យមិនណែនាំអោយប្រើនោះ៕

ត្រួតពិនិត្យដោយ www.health.com.kh ថ្ងៃទី17 មីនា ឆ្នាំ2015

មុន បន្ទាប់

មតិយោបល់