តើធ្វើយ៉ាងណា ដើម្បីឱ្យមានសុខភាពល្អ នៅពេលមានផ្ទៃពោះ?

តើធ្វើយ៉ាងណា ដើម្បីឱ្យមានសុខភាពល្អ នៅពេលមានផ្ទៃពោះ?

294

អ្នកបានដឹងរួចហើយថា នៅអំឡុងពេលមានផ្ទៃពោះ ស្រី្តប្រឈមមុខនឹងហានិភ័យខ្ពស់ជាច្រើន។
ដូច្នោះ គន្លឹះខាងក្រោមនេះ អាចជួយឱ្យអ្នកបង្ការខ្លួន ពីការប្រឈមមុខនឹងហានិភ័យខ្ពស់ នៃការមានផ្ទៃពោះដូចជា ៖
•    កំណត់ការមានផ្ទៃពោះ
នៅមុនពេលអ្នកមានគំរោងមានផ្ទៃពោះ អ្នកត្រូវពិគ្រោះជាមួយអ្នកផ្តល់សេវាថែទាំសុខភាព ដើម្បីចាប់ផ្តើមក្នុងការទទួលទានវីតាមីនជារៀងរាល់ថ្ងៃ ដើម្បីឱ្យអ្នកមានសុខភាពល្អ មុនពេលមានផ្ទៃពោះ។ ប្រសិនបើអ្នកមានជំងឺអ្វីមួយ អ្នកត្រូវធ្វើការព្យាបាលជាមុនសិន ដើម្បីរៀបចំសម្រាប់ការមានផ្ទៃពោះ។
•    ការថែទាំមុនសម្រាលកូន
អ្នកត្រូវជួបជាមួយអ្នកផ្តល់សេវាថែទាំសុខភាព ដើម្បីពិនិត្យសុខភាពអ្នក និងទារកអ្នកជាប្រចាំ។
•    ការបរិភោគរបបអាហារដែលមានសុខភាពល្អ
អំឡុងពេលមានផ្ទៃពោះ អ្នកនឹងត្រូវការបន្ថែមទៀត ដូចជា អាស៊ីតហ្វូលិក ជាតិកាល់ស្យូម ជាតិដែក និងសារធាតុចិញ្ចឹមដែលសំខាន់ផ្សេងៗទៀត។ អ្នកត្រូវពិគ្រោះជាមួយអ្នកផ្តល់សេវាថែទាំសុខភាព អំពីតម្រូវការអាហារូបត្ថម្ភ ប្រសិនបើអ្នកមានបញ្ហាសុខភាព ដូចជា ជំងឺទឹកនោមផ្អែមជាដើម។
•    ការកើនទម្ងន់
ការកើនទម្ងន់ អាចជួយឱ្យទារកមានសុខភាពល្អ ហើយធ្វើឱ្យមានភាពងាយស្រួល ក្នុងការស្រកទម្ងន់បន្ទាប់ពីសម្រាលកូន។ អ្នកត្រូវពិគ្រោះជាមួយជាមួយអ្នកផ្តល់សេវាថែទាំសុខភាព ដើម្បីកំណត់ទម្ងន់របស់អ្នកឱ្យបានត្រឹមត្រូវ។
•    ចៀសវាងសារធាតុគ្រោះថ្នាក់
អ្នកត្រូវបញ្ឈប់ការជក់បារី ការសេពគ្រឿងស្រវឹង និងថ្នាំញៀន។ ហើយអ្នកត្រូវទទួលការប្រឹក្សា ជាមួយអ្នកផ្តល់សេវាថែទាំសុខភាព មុនពេលអ្នកចាប់ផ្តើម ឬបញ្ឈប់ការប្រើប្រាស់ថ្នាំណាមួយ៕

ត្រួតពិនិត្យដោយ www.health.com.kh ថ្ងៃទី10 មីនា ឆ្នាំ2015

មុន បន្ទាប់

មតិយោបល់