រាងកាយរបស់ស្ត្រី នឹងផ្លាស់ប្តូរអ្វីខ្លះ នៅក្នុងអំឡុងពេលមានផ្ទៃពោះ

រាងកាយរបស់ស្ត្រី នឹងផ្លាស់ប្តូរអ្វីខ្លះ នៅក្នុងអំឡុងពេលមានផ្ទៃពោះ

តើនឹងមានអ្វីកើតឡើង ក្នុងអំឡុងពេលមានផ្ទៃពោះ ចាប់ពីពេលបង្កកំណើត រហូតដល់ទារកមានអាយុ ៩ខែ។ អ្នកម្តាយជាច្រើន ចូលចិត្តស្តាប់នការផ្លាស់ប្តូរនៃរូបរាងកាយ ក្នុងអំឡុងពេលមានផ្ទៃពោះ។
ខាងក្រោមនេះ នឹងបង្ហាញអ្នក ពីអ្វីដែលរាងកាយអ្នកនឹងត្រូវផ្លាស់ប្ដូរ ៖
•    ការផ្លាស់ប្តូរសុដន់
សុដន់របស់ស្ត្រី នឹងរៀបចំសម្រាប់ការមកដល់នៃទារក នៅដើមត្រីមាសដំបូង នៅពេលដែលក្រពេញទឹកដោះ បានប្រែក្លាយទៅជារីកធំ។ បំពង់ទឹកដោះ បានអភិវឌ្ឍន៍យ៉ាងឆាប់រហ័ស និងអាចបង្កឱ្យមានការឈឺចាប់។ ដូច្នោះ អ្នកអាចស្អំទឹកក្តៅ និងការម៉ាស្សា មុនពេលសម្រាលកូន ដើម្បីបន្ថយការឈឺចាប់។
ក្បាលដោះមិនបានផ្លាស់ប្តូរ ដោយសារតែអ័រម៉ូន នៅពេលមានផ្ទៃពោះនោះទេ វាគ្រាន់តែបានរីកលូតលាស់ ហើយលេចចេញជាងមុនបន្ថែមទៀត ដើម្បីរៀបចំក្នុងការបំបោះ។ នៅជុំវិញក្បាលសុដន់ បានប្រែក្លាយខ្មៅជាងមុនតែប៉ុណ្ណោះ។
•    បញ្ហាស្បែក
ដោយសារតែអ័រម៉ូនផ្លាស់ប្ដូរយ៉ាងខ្លាំង បានធ្វើឱ្យស្ត្រីមានផ្ទៃពោះ អាចមានបញ្ហាមុន និង Melasma។ Melasma គឺជាការប្រែជាខ្មៅនៃស្បែកនៅជុំវិញមាត់ នៅលើថ្ពាល់ និងនៅលើថ្ងាស។ ការផ្លាស់ប្តូរអ័រម៉ូន ក៏អាចបណ្តាលឱ្យស្បែក ប្រែជាពណ៌ក្រហម និងកើតមានមុននៅលើផ្ទៃមុខ។
•    បញ្ហាធ្មេញ
ការផ្លាស់ប្ដូរកម្រិតអ័រម៉ូនអឺសស្ត្រូសែន និងប្រូហ្សេសស្តេរ៉ូន បណ្តាលឱ្យហើមអញ្ចាញធ្មេញ និងមានករណីហូរឈាមមួយចំនួន។បញ្ហានេះវានឹងអាចបាត់ទៅវិញដោយខ្លួនឯងប៉ុន្ដែ អ្នកក៏ត្រូវទៅជួបជាមួយពេទ្យធ្មេញ ដើម្បីពិនិត្យ និងលាងសម្អាត។
•    ការផ្លាស់ប្តូរជើង
បាតជើង និងកជើង អាចហើមនៅអំឡុងពេលមានផ្ទៃពោះ ដោយសារតែការផ្លាស់ប្ដូរអ័រម៉ូន។ ស្ត្រីមួយចំនួន អាចប្រែក្លាយជាធម្មតាវិញ នៅបន្ទាប់ពីការផ្តល់កំណើត ប៉ុន្តែ មានស្ត្រីមួយចំនួនទៀត អាចធំជើងម្ខាងបស់គាត់។
•    ការផ្លាស់ប្ដូរពោះ
ការឡើងប៉ោងនៃពោះ គឺជាសញ្ញាច្បាស់បំផុត នៃការមានផ្ទៃពោះ។ ប៉ុន្តែ វាក៏មិនអាចត្រលប់មកធម្មតាភ្លាមៗ បន្ទាប់ពីការសម្រាលកូនឡើយ៕

ត្រួតពិនិត្យដោយ www.health.com.kh ថ្ងៃទី02 មីនា ឆ្នាំ2015

មុន បន្ទាប់

មតិយោបល់