ស្ត្រីវ័យក្មេងព្រងើយទៅនឹង សញ្ញានៃការគាំងបេះដូង

ស្ត្រីវ័យក្មេងព្រងើយទៅនឹង សញ្ញានៃការគាំងបេះដូង

ការស្រាវជ្រាវថ្មីមួយបានបង្ហាញថា ស្ត្រីវ័យក្មេង អាចព្រងើយកន្តើយ ទៅនឹងរោគសញ្ញាដំបូងនៃការគាំងបេះដូង។

ការស្រាវជ្រាវអាចពន្យល់បាន ពីមូលហេតុដែលស្ត្រីវ័យក្មេង មានអត្រាខ្ពស់ នៃការស្លាប់ពីការគាំងបេះដូង ជាងបុរសនៅក្នុងក្រុមអាយុដូចគ្នានេះ។

វេជ្ជបណ្ឌិត ជូឌីត លីចម៉េន (Judith Lichtman) បាននិយាយថា ស្ត្រីវ័យក្មេងដែលមានកត្តាហានិភ័យជាច្រើន និងមានប្រវត្តិគ្រួសារ មានជំងឺបេះដូងមិនគួរសន្មត់ថា ពួកគេក្មេងពេក ក្នុងការមានការគាំងបេះដូងនោះទេ។

វេជ្ជបណ្ឌិត Lichtman បាននិយាយថា អ្នកចូលរួមនៅក្នុងការស្រាវជ្រាវរបស់យើង បាននិយាយថា ពួកគេបានព្រួយបារម្ភ អំពីការប្រកាសអាសន្នខុស ចំពោះករណីនៃរោគសញ្ញារបស់ពួកគេ ដែលត្រូវបានបង្កដោយបញ្ហាដទៃទៀត ជាងការគាំងបេះដូងនេះ។

អ្នកស្រាវជ្រាវ បានមើលលើស្ត្រីដែលមានអាយុចន្លោះពី ៣០ ទៅ ៥៥ ឆ្នាំ ដែលបានរស់រានពីការគាំងបេះដូង។ អ្នកស្រាវជ្រាវបានរកឃើញថា ស្ត្រីជាច្រើនមិនយកចិត្តទុកដាក់ទៅលើសញ្ញាដំបូង ដូចជាការឈឺ និងការវិលមុខនោះទេ។

អ្នកស្រាវជ្រាវបានលើកឡើងថា ការប្រែប្រួលចំពោះប្រភេទ នៃរោគសញ្ញាគាំងបេះដូង និងកត្តាដូចជាការធ្វើការងារ និងគ្រួសារ ជួនកាល ជះឥទ្ធិពលទៅលើការសម្រេចចិត្តរបស់ស្ត្រីដើម្បីស្វែងរកការព្យាបាល។

វេជ្ជបណ្ឌិត Lichtman បានបង្ហាញថា ការកំណត់ពីយុទ្ធសាស្ត្រ ដើម្បីជួយស្ត្រីអោយដឹងពីរោគសញ្ញា និងលើកទឹកចិត្តពួកគេ អោយស្វែងរកការព្យាបាល អាចជារឿងសំខាន់ សម្រាប់ស្ត្រីវ័យក្មេង នៅពេលដែលមានហានិភ័យខ្ពស់នៃជំងឺបេះដូងនោះ។

វេជ្ជបណ្ឌិត ឡេស្ល៊ី គូរី (Leslie Curry) បាននិយាយថា ការស្រាវជ្រាវបានបង្ហាញពីតម្រូវការនៃការយល់ដឹងអោយបានប្រសើរលើស្ត្រី អំពីរោគសញ្ញាដំបូងនៃការគាំងបេះដូង និងដើម្បីផ្លាស់ប្តូរមធ្យោបាយដែលស្ត្រី និងគ្រូពេទ្យ ឆ្លើយតបទៅនឹងរោគសញ្ញាមួយចំនួននោះ។

អ្នកស្រាវជ្រាវបាននិយាយថា ស្ត្រីជាង ១៥.០០០ នាក់ ដែលមានអាយុតិចជាង ៥៥ ឆ្នាំ បានស្លាប់ ដោយសារជំងឺបេះដូង ក្នុងសហរដ្ឋអាមេរិកក្នុងមួយឆ្នាំៗ៕

ត្រួតពិនិត្យដោយ www.health.com.kh ថ្ងៃទី27 កុម្ភៈ ឆ្នាំ2015

មុន បន្ទាប់

មតិយោបល់