ពិតណាស់ នៅពេលដែលអ្នក ស្រលាញ់ នរណាម្នាក់ គឺមិនមែន ជារឿងពិបាកឡើយ អ្វីដែលពិបាក គឺថែរក្សាចំនងស្នេហ៍ ឲ្យបានគង់វង្ស។ មួយវិញទៀត ការសារភាពស្នេហ៍ ប្រហែលជាមនុស្សមួយ ចំនួនគិតថា វាជារឿងមួយ ដែលពិបាក ប៉ុន្តែលោកអ្នកដឹងទេថា វាគ្រាន់តែជាចំនុចចាប់ផ្តើម ប៉ុណ្ណោះ ព្រោះថា នៅពេលដែលអ្នកស្ថិត នៅក្នុងទំនាក់ទំនងស្នេហា ជាមួយនរណាម្នាក់ហើយ រឿងសប្បាយរីករាយ និង រឿងលំបាក គឺតែងតែ ដើរទន្ទឹមគ្នាជានិច្ច។ ប៉ុន្តែ ប្រសិនបើលោកអ្នក អាចឆ្លងផុត នូវរឿងលំបាក ទាំងនោះ វានឹងអាចធ្វើឲ្យ ចំនងស្នេហា របស់លោកអ្នក កាន់តែមានភាពរឹងម៉ាំ។ ខាងក្រោម គឺជាមូលហេតុ ទាំង ៥ យ៉ាង ដែលភាពលំបាក ធ្វើឲ្យស្នេហា របស់លោកអ្នក កាន់តែមានភាពរឹងម៉ាំ ៖

រូបតំណាង

១. មានទំនុកចិត្តលើគ្នា ៖ ប្រសិនបើមនុស្ស ទាំងពីរនាក់ អាចឆ្លងផុត ឩបសគ្គជាមួយគ្នា នោះមានន័យថា ពួកគេនឹងមានទំនុកចិត្ត លើគ្នាកាន់តែខ្លាំង។ ហើយ នៅពេលដែល ភាគីទាំងសងខាង ទុកចិត្តគ្នា ទាំងសងខាងហើយ ទោះបីជាមានរឿងអ្វី កើតឡើងទៅថ្ងៃមុខទៀត ក៏មិនអាចធ្វើឲ្យចំនងស្នេហ៍ របស់ពួកគេ បែកបាក់បានឡើយ។ ចំនែកឯ គូស្នេហ៍ ដែលមិនធ្លាប់ជួបប្រទះ បញ្ហាជាមួយគ្នានោះ គឺមានន័យថា ពួកគេមិនបានរស់នៅ ជីវិតតែមួយទេ ហើយ នៅពេលដែល បញ្ហាកើតឡើងភ្លាម នោះពួកគេប្រហែលជា អាចចប់គ្នា តែម្តងក៏មាន។

២. ធ្វើជាគំរូ អ្នកដទៃ  ៖ នៅពេលដែល ចំនងស្នេហា មិនងាយប្រេះឆា នៅពេល ដែលជួបបញ្ហា ហើយនោះ វាបានធ្វើឲ្យពួកគេ ក្លាយជាគំរូ ដល់ គូស្នេហ៍ដ៏ទៃទៀត។ ពេលនោះហើយ ដែលអ្នក ចាប់ផ្តើម ជឿជាក់លើ ខ្លួនឯង និង ធ្វើឲ្យអ្នក និង ដៃគូ រស់នៅដោយ ភាពសប្បាយរីករាយ ជាមួយគ្នាតទៅមុខទៀត។

៣. នៅតែអាចជួយអ្នកដទៃបាន ៖ ប្រសិនបើអ្នក និង ដៃគូកំពុងតែ ជួបបញ្ហា ហើយអ្នកនៅតែអាច ជួយដល់មនុស្ស ដទៃបានទៀត នោះមនុស្សទាំងនោះ នឹងចងចាំអ្នក ហើយមិនភ្លេចគុណអ្នកឡើយ។ ដូច្នេះ ពេលដែលអ្នក មានរឿងអ្វីកើតឡើង ទៅថ្ងៃក្រោយ ជាមួយដៃគូរបស់អ្នក នោះអ្នកនឹងមិនខ្វះ មនុស្សមកជួយ សម្របសម្រួល ឲ្យយោបល់ឡើយ។

៤.  ជួយជាកំលាំងចិត្ត ៖នៅពេលដែលមនុស្សម្នាក់ កំពុងជួបប្រទះបញ្ហាស្មុគស្មាញ គេតែងតែក្លាយជា មនុស្សម្នាក់ ដែលមិនសូវនិយាយស្តី ឆាប់ខឹង និង ងាយស្រក់ទឹកភ្នែក។ ប៉ុន្តែប្រសិន បើមនុស្សពីរនាក់ អាចដោះស្រាយ នូវបញ្ហាដ៏លំបាក នោះជាមួយគ្នា មានន័យថា ពួកគេនឹងអាច រស់នៅ ជាមួយគ្នាជារៀងរហូត។ មនុស្សមួយចំនួនវិញ ស្រាប់តែ គិតមិនយល់ ដោះស្រាយមិនចេញ នៅពេលដែលដៃគូ របស់ខ្លួន ជួបបញ្ហា ព្រោះពួកគេគិតថា នឹងមិនអាចទទួលយក បញ្ហាទាំងនោះ មកក្នុងជីវិតឡើយ និង ចាប់ផ្តើមស្វែងរក ផ្លូវចេញ ពីចំនងស្នេហ៍នេះ ជាមិនខាន។ ក្នុងករណី បែបនេះ ប្រសិនបើអ្នក ស្វែងរកសន្តិភាព និង យល់ពីបញ្ហា របស់ដៃគូ ម្ខាងទៀត និង ចាត់ទុក វាជាគ្រា ដ៏លំបាកមួយ ក្នុងជីវិត នោះអ្នកនឹងធ្វើឲ្យ ចំនងស្នេហ៍ របស់អ្នករឹងម៉ាំ បានមួយកម្រិតទៀត។

៥. ធ្វើឲ្យជីវិតកាន់តែងាយស្រួល ៖ នៅពេលដែលអ្នក ដឹងថា មានមនុស្សម្នាក់ ដែលនឹង អាចប្រាប់ ពីទុក្ខលំបាក និង ជួយដោះស្រាយ បញ្ហានោះជាមួយអ្នក នោះអ្នកនឹងមិនចាំបាច់ ខ្វល់ច្រើន ពីបញ្ហាទាំងនោះឡើយ។ ក្នុងនោះដែរ ការដែលមនុស្សម្នាក់ ដែលតែងតែ ឈរនៅជិត អ្នករហូតនោះ នឹងធ្វើឲ្យជីវិត របស់អ្នក មានសន្តិភាព និង រស់នៅដោយ សុដុមរមនា។

ទាំងនេះគឺជាមូលហេតុ ទាំង ៥ យ៉ាងដែល ភាពលំបាក នឹងធ្វើឲ្យចំនងស្នេហ៍ របស់អ្នកកាន់តែរឹងម៉ាំ។ ដូច្នេះ ការមានមនុស្ស ពិសេសម្នាក់ ដែលនឹងចាប់ដៃអ្នក ដើរក្នុងភាពលំបាក និង សប្បាយរីករាយ ក្នុងជីវិត គឺជាកំណព្យទ្រព្យ ក្នុងជីវិតដ៏ធំបំផុត ហើយ បើអ្នកជួបមនុស្សបែបនេះ ហើយ គឺត្រូវចេះថែរក្សា ឲ្យបានល្អ៕

ប្រភព ៖ Likelovequotes

ដោយ ៖ ណា

ខ្មែរឡូត