ចម្លើយទាំង ៧ ដែលមិនគួរឆ្លើយ នៅពេលគេសំភាសន៍

ចម្លើយទាំង ៧ ដែលមិនគួរឆ្លើយ នៅពេលគេសំភាសន៍

324

ការសំភាសន៍ គឺជារឿងសំខាន់ណាស់ សម្រាប់មនុស្សគ្រប់រូប។ ប្រសិនបើឆ្លើយខុស អ្នកអាចនឹងបាត់បង់ការងារដែលអ្នកស្រលាញ់ ព្រោះនៅពេលដែលសំភាសន៍ ចៅហ្វាយនាយ តែងតែសួរសំនួរមួយថា ហេតុអ្វីបានជាអ្នកឈប់ពីការងារចាស់? ចម្លើយនៃសំនួរនេះ មានមនុស្សឆ្លើយខុសច្រើនណាស់។ តើមានចម្លើយអ្វីខ្លះ ដែលអ្នកមិនគួរឆ្លើយនោះ?
1.    ប្រាក់ខែតិចពេក ៖ អ្នកមិនគួរឆ្លើយទេ ព្រោះចៅហ្វាយនាយអ្នក នឹងយល់ថា អ្នកមុខលុយ មិនគិតពីការងារទេ។
2.    សម្អាធការងារធ្ងន់ពេក ក៏មិនអាចឆ្លើយបានដែរ ព្រោះគេនឹងយល់ថា អ្នកជាមនុស្សខ្ជិល។
3.    ចៅហ្វាយចាស់មិនល្អ ៖ ក្នុងនាមជាបុគ្គលិកម្នាក់ មិនគួរនិយាយពាក្យនេះទេ ព្រោះចៅហ្វាយ និងអតិថិជន គឺសំខាន់ដូចគ្នា។ បើអ្នកមិនអាចទ្រាំទ្រ នឹងចៅហ្វាយ វាហាក់ដូចជាអ្នក មិនអាចទ្រាំនឹងភ្ញៀវអញ្ចឹង។
4.    ការបែងចែកការងារមិនស្មើគ្នា ៖ អ្នកមិនអាចនិយាយបែបនេះបានទេ ព្រោះការងារច្រើន បញ្ជាក់ពីសមត្ថភាពអ្នក។ អ្នកជាមនុស្សពូកែ ទើបមានការងារច្រើន។
5.    ការមិនចុះសំរុងជាមួយបុគ្គលិកក្រុមហ៊ុន ៖ ចម្លើយនេះកាន់តែខុស ព្រោះបើអ្នកមិនអាចចុះសំរុង អ្នកក៏មិនអាចធ្វើការងារបានល្អទេ។
6.    ក្រុមហ៊ុនចាស់ តែងតែប្តូរអ្នកគ្រប់គ្រង ៖ នេះមិនមែនជាការងាររបស់អ្នកទេ ដូចនេះ អ្នកមិនអាចព្រោះតែរឿងនេះ ហើយលាឈប់នោះទេ។
7.    ការប្រកួតប្រជែងខ្លាំងពេក ទើបសំរេចចិត្តប្តូរការងារ ៖ នេះជាសំដីខុសខ្លាំងណាស់ ព្រោះវាបញ្ជាក់ថា អ្នកជាមនុស្សទន់ខ្សោយ។
ដូចនេះ បើអ្នកដឹងពីផលអាក្រក់នៃចម្លើយទាំងនេះ អ្នកគួរតែជៀសវាង កុំឆ្លើយនៅពេលសំភាសន៍៕

ប្រភព៖health.com.kh

មុន បន្ទាប់

មតិយោបល់