ជួយកុមារអោយមានអារម្មណ៍ធូរស្រាល ពេលក្តៅខ្លួន

ជួយកុមារអោយមានអារម្មណ៍ធូរស្រាល ពេលក្តៅខ្លួន

153

សូមចាំថា មិនមែនគ្រប់គ្រុនក្តៅទាំងអស់ ត្រូវការការព្យាបាលនោះទេ។ ហើយក្នុងករណីភាគច្រើនបំផុត គ្រុនក្តៅ គួរតែត្រូវបានព្យាបាល តែនៅពេលដែលវា ធ្វើអោយកុមារមានអារម្មណ៍មិនស្រួលតែប៉ុណ្ណោះ។

ខាងក្រោមនេះ ជាមធ្យោបាយខ្លះៗ ដើម្បីបន្ថយរោគសញ្ញា ដែលជារឿយៗ មានមកជាមួយនឹងគ្រុនក្តៅ ៖
ប្រសិនបើកុមារមិនស្រួលខ្លួន អ្នកអាចផ្តល់ថ្នាំអាសេតាមីណូហ្វេន ឬអ៊ីប៊ុយប្រូហ្វេន ដោយពឹងផ្អែកទៅលើការណែនាំ ទៅតាមអាយុ និងទម្ងន់។ ប្រសិនបើអ្នកមិនដឹងពីកម្រិតថ្នាំ ដែលត្រូវបានណែនាំ ឬកុមារមានអាយុតិចជាង ២ ឆ្នាំនោះ សូមសួរគ្រូពេទ្យ អំពីកម្រិតថ្នាំដែលត្រូវផ្តល់អោយ។
-    កុមារដែលមានអាយុតិចជាង ២ ខែ មិនគួរត្រូវបានផ្តល់ថ្នាំ សម្រាប់ការគ្រុនក្តៅ ដោយមិនត្រូវបានវាយតម្លៃ ដោយគ្រូពេទ្យនោះទេ។ ប្រសិនបើកូនរបស់អ្នកមានបញ្ហាសុខភាពនានា សូមពិនិត្យជាមួយនឹងគ្រូពេទ្យ ដើម្បីមើលថាតើ ថ្នាំណាមួយដែលល្អបំផុតដើម្បីប្រើ។ សូមចងចាំថា ថ្នាំគ្រុនក្តៅ ជាធម្មតា នឹងត្រូវអោយជាបណ្តោះអាសន្ន ដើម្បីបន្ថយសីតុណ្ហភាព។
-    សូមពាក់សម្លៀកបំពាក់ស្តើងៗ និងគ្រប់ដោយភួយស្តើងៗ។ ការពាក់ខោអាវក្រាស់ពេក អាចនាំអោយខ្លួនក្តៅ ហើយសីតុណ្ហភាពនឹងកើនឡើង។
-    សូមប្រាកដថា បន្ទប់របស់កូនអ្នក មានសីតុណ្ហភាពល្អ មិនក្តៅពេក ឬត្រជាក់ពេក។
-    ខណៈដែលឪពុកម្តាយមួយចំនួន ប្រើទឹកក្តៅឧណ្ណៗ ដើម្បីបន្ថយអាការៈគ្រុនក្តៅនោះ ប៉ុន្តែ វាមិនមានការបង្ហាញតាមបែបវេជ្ជសាស្ត្រណា ដើម្បីគាំទ្រដល់មធ្យោបាយនេះឡើយ។ ជាការពិត ការធ្វើរបៀបនេះ អាចធ្វើអោយកុមារមិនស្រួលទៅវិញ។ សូមកុំប្រើអាល់កុលអោយសោះ។
-    ផឹកទឹកអោយបានច្រើន ដើម្បីជៀសវាងការខ្វះជាតិទឹក នៅពេលដែលគ្រុនក្តៅ បណ្តាលអោយកុមារបាត់បង់ជាតិទឹក យ៉ាងលឿនជាងធម្មតា។ ទឹក ឬទឹកស៊ុបជាដើម សុទ្ធតែជាជម្រើសល្អក្នុងការប្រើ។ ជៀសវាងផឹកជាមួយនឹងកាហ្វេអ៊ីន រួមមានកូកាកូឡា និងតែ ដោយសារតែវា អាចធ្វើអោយការខ្វះជាតិទឹក កាន់តែអាក្រក់ទៅៗ ដោយបង្កើនការនោមច្រើន។
-    ប្រសិនបើកុមារក្អួត ឬរាគ សូមសួរគ្រូពេទ្យថាតើ អ្នកគួរតែផ្តល់នូវទឹកអេឡិចត្រូលីត ឬយ៉ាងណា។ អ្នកអាចរកទឹកនេះ នៅតាមឱសថស្ថាន។ សូមកុំអោយទឹកផ្អែមៗដល់គេ។ វាមិនត្រូវបានបង្កើតឡើង សម្រាប់កុមារនោះទេ។ កំណត់ការផឹកទឹកផ្លែឈើ។
-    ជាទូទៅ សូមអោយកុមារញ៉ាំអ្វីដែលគេចង់ញ៉ាំ ប៉ុន្តែ កុំបង្ខំគេអោយញ៉ាំ ប្រសិនបើគេមិនចូលចិត្តនោះ។
-    សូមប្រាកដថា កូនរបស់អ្នកសម្រាកបានគ្រប់គ្រាន់។ ការគេងពេញមួយថ្ងៃ គឺមិនចាំបាច់នោះទេ ប៉ុន្តែ កុមារដែលឈឺ គួរតែធ្វើខ្លួនអោយស្រួល។
-    វាជាការល្អ ក្នុងការទុកកុមារដែលឈឺអោយនៅផ្ទះ ឬកុំទៅសាលា។ គ្រូពេទ្យភាគច្រើន មានអារម្មណ៍ថា វាជារឿងដែលមានសុវត្ថិភាព នៅពេលដែលសីតុណ្ហភាពធ្លាក់ចុះ អំឡុងពេល ២៤ ម៉ោង៕

ប្រភព៖health.com.kh

មុន បន្ទាប់

មតិយោបល់