ការងារបរាជ័យ អាចមកពីខ្លួនអ្នកផ្ទាល់

ការងារបរាជ័យ អាចមកពីខ្លួនអ្នកផ្ទាល់

ត្យដោយ www.health.com.khថ្ងៃទី08 មករា ឆ្នាំ2015

សូមជួយអបអរសាទផង ក្នុងពេលដែលអ្នកបានស្គាល់រសជាតិពិភពលោកពិតប្រាកដ ជាពិសេស ការទទួលបាននូវការងារដំបូងតែម្តង។ មុនពេលអ្នកឈានជើងចូលយ៉ាងជ្រៅក្នុងពិភពការងារ មានរឿងលំបាកៗដែលកើតមានជាញឹកញាប់មួយចំនួនតូច ដែលអ្នកគួរតែចៀសវាង ហើយរឿងនេះដែរ ច្រើនតែកើតមានជាប្រចាំតែម្តង ចំពោះអ្នកធ្វើការវ័យក្មេង។

ខ្លាច មិនហ៊ាននិយាយស្តី
ខណៈពេលដែលមានការស្នើសុំអោយនិយាយ ឬផ្តល់ជាយោបល់អ្វីមួយ យកល្អ អ្នកគួរតែក្រោកឈរឡើងនិយាយ ដោយចិត្តក្លាហាន អំពីមតិរបស់អ្នកអោយគេដឹងផង។ កាលណាអ្នកមានទំនុកចិត្តលើខ្លួនឯងកាន់តែខ្លាំង នឹងមានមនុស្សជាច្រើនចូលចិត្តអ្នក ហើយកាលណា អ្នកធ្វើវាដោយក្តីគោរព និងតាមជំនាញវិជ្ជាជីវៈនោះ អ្នកធ្វើការជាមួយគ្នា នឹងចាប់អារម្មណ៍លើអ្នកក៏កាន់តែខ្លាំងដែរ។ ចូរប្រាកដថា អ្នកបានដឹងអំពីតម្លៃរបស់ខ្លួនឯង និងកុំបណ្តោយអោយអាយុ ឬភាពគ្មានបទពិសោធន៍អ្នក យកឈ្នះភាពក្លាហានអ្នកអោយសោះ។

ផឹកស្រាច្រើនពេក ពេលម៉ោងធ្វើការ
មិនខ្វល់ថាការិយាល័យអ្នក មានលក្ខណៈធម្មតាប៉ុណ្ណាទេ ការដែលធ្វើខ្លួនបែបឡប់ៗ និងគិតថា ចង់ទទួលបានការសប្បាយ ហួសហេតុសម្រាប់ថ្ងៃឈប់សម្រាក ឬពិធីជប់លៀង នៅការិយាល័យផ្សេងៗ ការញ៉ាំអាហារពេលយប់ និងសកម្មភាពអ្វីនោះ វាពិតជារឿងដែលមិនគួរអោយកើតមានទាល់តែសោះ។

ចំណាយពេលវេលា ទទេចោល
អ្នកប្រហែលជាយល់ថា គ្មាននរណាម្នាក់កំពុងតែតាមដាន ឬយកចិត្តទុកដាក់ នូវអ្វីដែលអ្នកកំពុងតែធ្វើរាល់ថ្ងៃទេ ប៉ុន្តែ បើសិនជាអ្នកជាមនុស្សមានជំនាញឯកទេសវ័យក្មេងវិញ អ្នកនឹងត្រូវអង្គុយនៅមួយកន្លែង មុខកញ្ចក់កុំព្យូទ័រ ដែលអាចមើលឃើញមនុស្សដើរចុះឡើងទាំងអស់ជាមិនខាន។ ដូច្នេះ យកល្អ អ្នកគួរតែកាត់បន្ថយពេលវេលា ដែលអ្នកប្រើចោលអត់ប្រយោជន៍លើ Facebook អ៊ីម៉ែលផ្ទាល់ខ្លួន និងកន្លែងផ្សេងៗទៀត ដែលមិនមែនជាការងារអ្នកត្រូវធ្វើ។ ទោះបីជាប្រធានអ្នកក៏ដោយ ក៏គាត់នឹងមិនសប្បាយចិត្ត ចំពោះបុគ្គលិកខ្លួន ដែលចេះតែយកចិត្តទុកដាក់តែលើមិត្តភក្តិខ្លួន ជាងការងារដែរ។

ស្លៀកពាក់មិនសមរម្យ
ពេលខ្លះ វាអាចជារឿងមួយពិបាក ក្នុងការធ្វើខ្លួនអោយទៅជាអ្នកជំនាញដ៏វ័យក្មេងម្នាក់។ រឿងមួយដែលអាចជួយ ឬរំខានដល់អ្នកបាននោះ គឺជារបៀបដែលអ្នកបង្ហាញខ្លួនតែម្តង។ បើសិនជាការស្លៀកពាក់អ្នក បង្កបញ្ហាច្រើនពេក នោះអ្នកអាចនឹងកំពុងតែបញ្ជូនសារ ដែលមិនត្រឹមត្រូវ អោយអ្នកធ្វើការជាមួយគ្នាហើយ។ រឿងនេះមិនមែនមានន័យថា ការិយាល័យដែលអ្នកធ្វើការ គឺជាកន្លែងដែលអាចប្តូរសម្លៀកបំពាក់បានឡើយ។

គ្មានទំនាក់ទំនង
មែនហើយ ការខិតខំធ្វើការ និងធ្វើខ្លួនអោយទៅជាបុគ្គលិកមានប្រយោជន៍ គឺជារឿងសំខាន់ណាស់ដើម្បីទទួលបានជោគជ័យចំពោះការងារ ប៉ុន្តែ ទំនាក់ទំនងនៅកន្លែងធ្វើការ គ្រាន់តែជារឿងសំខាន់នៅពេល ដែលអ្នកត្រូវការការងារបន្ទាប់ ឬឡើងឋានៈ។ មនុស្សវ័យក្មេងជាច្រើន តែងតែខ្លាចការធ្វើទំនាក់ទំនង និងមានភាពឆេវឆាវកើតមាន ប៉ុន្តែ វាគ្រាន់តែផ្នែកមួយនៃពិភពការងារប៉ុណ្ណោះ។ មធ្យោបាយដ៏ល្អមួយ ដើម្បីចាប់ផ្តើមមានទំនាក់ទំនង គឺតាមរយៈការសុំអោយថ្នាក់លើរបស់ អ្នកណែនាំអំពីការងារដែលអ្នកគួរតែធ្វើ៕

ប្រភព៖health.com.kh

មុន បន្ទាប់

មតិយោបល់